Mapisarema 147
1 Rumbidzai Jehovha. Zvakanaka sei kuimbira Mwari wedu nziyo dzokurumbidza, zvinofadza uye zvakafanira sei kumurumbidza!
| הללו יה כי טוב זמרה אלהינו כי נעים נאוה תהלה׃ |
2 Jehovha anovaka Jerusarema; anounganidza vakadzingwa vaIsraeri.
| בונה ירושלם יהוה נדחי ישראל יכנס׃ |
3 Anoporesa vane mwoyo yakaputsika, uye anosunga maronda avo.
| הרפא לשבורי לב ומחבש לעצבותם׃ |
4 Anotara kuwanda kwenyeredzi, anodana imwe neimwe nezita rayo.
| מונה מספר לכוכבים לכלם שמות יקרא׃ |
5 Ishe wedu mukuru uye ane simba guru; kunzwisisa kwake hakuperi.
| גדול אדונינו ורב כח לתבונתו אין מספר׃ |
6 Jehovha anotsigira vanozvininipisa, asi anowisira pasi vakaipa.
| מעודד ענוים יהוה משפיל רשעים עדי ארץ׃ |
7 Imbirai Jehovha nokuvonga; muimbire Mwari wedu nziyo dzokurumbidza nembira.
| ענו ליהוה בתודה זמרו לאלהינו בכנור׃ |
8 Anofukidza denga namakore; anopa nyika mvura, uye anomeresa uswa pazvikomo.
| המכסה שמים בעבים המכין לארץ מטר המצמיח הרים חציר׃ |
9 Anopa mombe zvokudya navana vamakunguo pavanochema.
| נותן לבהמה לחמה לבני ערב אשר יקראו׃ |
10 Mufaro wake hausi musimba rebhiza, uye mufaro wake hausi pamakumbo omunhu;
| לא בגבורת הסוס יחפץ לא בשוקי האיש ירצה׃ |
11 Jehovha anofadzwa naavo vanomutya, vanoisa tariro yavo parudo rwake rusingaperi.
| רוצה יהוה את יראיו את המיחלים לחסדו׃ |
12 Kudza Jehovha, iwe Jerusarema; rumbidza Mwari wako, iwe Zioni,
| שבחי ירושלם את יהוה הללי אלהיך ציון׃ |
13 nokuti anosimbisa mazariro amasuo ako, uye anoropafadza vanhu vako vari mauri.
| כי חזק בריחי שעריך ברך בניך בקרבך׃ |
14 Anopa rugare pamiganhu yako, uye anokugutsa nezviyo zvakaisvonaka.
| השם גבולך שלום חלב חטים ישביעך׃ |
15 Anotuma murayiro wake kunyika; shoko rake rinomhanya kwazvo.
| השלח אמרתו ארץ עד מהרה ירוץ דברו׃ |
16 Anowarira chando samakushe amakwai, uye anoparadzira chando samadota.
| הנתן שלג כצמר כפור כאפר יפזר׃ |
17 Anokanda chimvuramabwe pasi sezvimedu. Ndianiko angamira kana chando chake charova?
| משליך קרחו כפתים לפני קרתו מי יעמד׃ |
18 Anotuma shoko rake rigozvinyungudisa; anomutsa mhepo yake, mvura zhinji igoerera.
| ישלח דברו וימסם ישב רוחו יזלו מים׃ |
19 Akazarurira Jakobho shoko rake, mirayiro yake nezvirevo zvake kuna Israeri.
| מגיד דברו ליעקב חקיו ומשפטיו לישראל׃ |
20 Haana kumboita izvi kuno rumwe rudzi; havazivi mirayiro yake. Rumbidzai Jehovha.
| לא עשה כן לכל גוי ומשפטים בל ידעום הללו יה׃ |
