Mapisarema 146

1 Rumbidza Jehovha. Rumbidza Jehovha, iwe mweya wangu.

Hallelujah. Praise, O my soul, the Lord.

2 Ndicharumbidza Jehovha mazuva ose oupenyu hwangu; ndichaimbira Mwari wangu nziyo dzokurumbidza ndichiri mupenyu.

I will praise the Lord throughout my life: I will sing praises unto my God while I have any being.

3 Regai kuvimba namachinda, navanhu vanofa, vasingagoni kuponesa.

Put not your trust in princes, in the son of man, in whom there is no salvation.

4 Mweya yavo painoenda, ivo vanodzokera kuvhu; pazuva racho iroro urongwa hwavo hunova pasina.

When his spirit goeth forth, he returneth to his [native] earth: on that very day perish his thoughts.

5 Akaropafadzwa munhu uyo ano mubatsiri wake Mwari waJakobho, tariro yake iri muna Jehovha Mwari wake,

[But] happy is he who hath the God of Jacob for his help, whose hope is on the Lord his God;

6 Muiti wedenga nenyika, gungwa uye nezvose zviri mariri, iye Jehovha, anogara akatendeka nokusingaperi.

Who hath made heaven, and earth, the sea, and all that is therein; who keepeth truth for ever;

7 Anomiririra zvinodiwa nevakadzvinyirirwa, uye anopa zvokudya vane nzara. Jehovha anosunungura vasungwa.

Who executeth justice for the oppressed: who giveth bread to the hungry: the Lord looseneth the prisoners;

8 Jehovha anosvinudza mapofu, Jehovha anosimudza avo vakakotamiswa pasi, Jehovha anoda vakarurama.

The Lord causeth the blind to see; the Lord raiseth up those who are bowed down; the Lord loveth the righteous:

9 Jehovha anorinda vatorwa uye anoriritira nherera nechirikadzi, asi anokonesa nzira dzavakaipa.

The Lord guardeth the strangers; the fatherless and widow he helpeth up; but the way of the wicked he maketh crooked.

10 Jehovha anotonga nokusingaperi, Mwari wako, iwe Zioni, kuzvizvarwa zvose. Rumbidza Jehovha.

The Lord will reign for ever, even thy God, O Zion, unto all generations. Hallelujah.