Mapisarema 146

1 Rumbidza Jehovha. Rumbidza Jehovha, iwe mweya wangu.

Praise ye Jehovah. Praise Jehovah, O my soul.

2 Ndicharumbidza Jehovha mazuva ose oupenyu hwangu; ndichaimbira Mwari wangu nziyo dzokurumbidza ndichiri mupenyu.

While I live I will praise Jehovah. I will sing praises to my God while I have any being.

3 Regai kuvimba namachinda, navanhu vanofa, vasingagoni kuponesa.

Put not your trust in rulers, nor in the son of man, in whom there is no help.

4 Mweya yavo painoenda, ivo vanodzokera kuvhu; pazuva racho iroro urongwa hwavo hunova pasina.

His breath goes forth, he returns to his earth. In that very day his thoughts perish.

5 Akaropafadzwa munhu uyo ano mubatsiri wake Mwari waJakobho, tariro yake iri muna Jehovha Mwari wake,

Happy is he who has the God of Jacob for his help, whose hope is in Jehovah his God,

6 Muiti wedenga nenyika, gungwa uye nezvose zviri mariri, iye Jehovha, anogara akatendeka nokusingaperi.

who made heaven and earth, the sea, and all that is in them, who keeps truth forever,

7 Anomiririra zvinodiwa nevakadzvinyirirwa, uye anopa zvokudya vane nzara. Jehovha anosunungura vasungwa.

who executes justice for the oppressed, who gives food to the hungry. Jehovah releases the prisoners.

8 Jehovha anosvinudza mapofu, Jehovha anosimudza avo vakakotamiswa pasi, Jehovha anoda vakarurama.

Jehovah opens the eyes of the blind. Jehovah raises up those who are bowed down. Jehovah loves the righteous.

9 Jehovha anorinda vatorwa uye anoriritira nherera nechirikadzi, asi anokonesa nzira dzavakaipa.

Jehovah preserves the sojourners. He upholds the fatherless and widow. But the way of the wicked he turns upside down.

10 Jehovha anotonga nokusingaperi, Mwari wako, iwe Zioni, kuzvizvarwa zvose. Rumbidza Jehovha.

Jehovah will reign forever, thy God, O Zion, to all generations. Praise ye Jehovah.