Mapisarema 140

1 Kumutungamiri wokuimba. Pisarema raDhavhidhi. Ndirwirei, imi Jehovha, pavanhu vakaipa; ndidzivirirei pavanhu vanoita nechisimba.

To the chief Musician, A Psalm of David. Deliver me, O LORD, from the evil man: preserve me from the violent man;

2 Ivo vanofunga urongwa hwakaipa mumwoyo yavo, uye vanomutsa hondo mazuva ose.

Which imagine mischiefs in [their] heart; continually are they gathered together [for] war.

3 Vanorodza ndimi dzavo kuti dzipinze sedzenyoka; uturu hwenyoka yechiva huri pamiromo yavo. Sera

They have sharpened their tongues like a serpent; adders’ poison [is] under their lips. (Selah)

4 Ndichengetei, imi Jehovha, kubva mumaoko avakaipa; ndidzivirirei pavanhu vanoita nechisimba vanoronga kupinga tsoka dzangu.

Keep me, O LORD, from the hands of the wicked; preserve me from the violent man; who have purposed to overthrow my goings.

5 Vanhu vanozvikudza vakandivanzira misungo; vakatambanudza mabote emimbure yavo uye vakateya ugombe munzira yandinofamba nayo. Sera

The proud have hid a snare for me, and cords; they have spread a net by the wayside; they have set gins for me. (Selah)

6 Haiwa Jehovha, ndinoti kwamuri, “Ndimi Mwari wangu.” Haiwa Jehovha, inzwai kuchemera nyasha kwangu.

I said unto the LORD, Thou [art] my God: hear the voice of my supplications, O LORD.

7 Haiwa Ishe Jehovha, imi mudzikinuri wangu ane simba, anofukidza musoro wangu pazuva rehondo,

O GOD the Lord, the strength of my salvation, thou hast covered my head in the day of battle.

8 regai kupa vakaipa zvavanoda, imi Jehovha; musarega urongwa hwavo huchibudirira, kuti varege kuzvikudza. Sera

Grant not, O LORD, the desires of the wicked: further not his wicked device; [lest] they exalt themselves. (Selah)

9 Misoro yaavo vakandipoteredza ngaifukidzwe nenhamo yakaparwa nemiromo yavo.

[As for] the head of those that compass me about, let the mischief of their own lips cover them.

10 Mazimbe anopfuta ngaawire pamusoro pavo; ngavakandwe mumoto, mumakomba amatope, vasambomukazve.

Let burning coals fall upon them: let them be cast into the fire; into deep pits, that they rise not up again.

11 Vane makuhwa ngavarege kusimbiswa panyika; njodzi ngaivhime vanhu vanoita zvinhu nechisimba.

Let not an evil speaker be established in the earth: evil shall hunt the violent man to overthrow [him].

12 Ndinoziva kuti Jehovha akachengetera varombo kururamisirwa kwavo, uye anotsigira vanoshayiwa pamhaka dzavo.

I know that the LORD will maintain the cause of the afflicted, [and] the right of the poor.

13 Zvirokwazvo vakarurama vacharumbidza zita renyu, uye vakarurama vachagara pamberi penyu.

Surely the righteous shall give thanks unto thy name: the upright shall dwell in thy presence.