Mapisarema 140

1 Kumutungamiri wokuimba. Pisarema raDhavhidhi. Ndirwirei, imi Jehovha, pavanhu vakaipa; ndidzivirirei pavanhu vanoita nechisimba.

For the Leader. A Psalm of David. Deliver me, O LORD, from the evil man; preserve me from the violent man;

2 Ivo vanofunga urongwa hwakaipa mumwoyo yavo, uye vanomutsa hondo mazuva ose.

Who devise evil things in their heart; every day do they stir up wars.

3 Vanorodza ndimi dzavo kuti dzipinze sedzenyoka; uturu hwenyoka yechiva huri pamiromo yavo. Sera

They have sharpened their tongue like a serpent; vipers' venom is under their lips. (Selah)

4 Ndichengetei, imi Jehovha, kubva mumaoko avakaipa; ndidzivirirei pavanhu vanoita nechisimba vanoronga kupinga tsoka dzangu.

Keep me, O LORD, from the hands of the wicked; preserve me from the violent man; who have purposed to make my steps slip.

5 Vanhu vanozvikudza vakandivanzira misungo; vakatambanudza mabote emimbure yavo uye vakateya ugombe munzira yandinofamba nayo. Sera

The proud have hid a snare for me, and cords; they have spread a net by the wayside; they have set gins for me. (Selah)

6 Haiwa Jehovha, ndinoti kwamuri, “Ndimi Mwari wangu.” Haiwa Jehovha, inzwai kuchemera nyasha kwangu.

I have said unto the LORD: 'Thou art my God'; give ear, O LORD, unto the voice of my supplications.

7 Haiwa Ishe Jehovha, imi mudzikinuri wangu ane simba, anofukidza musoro wangu pazuva rehondo,

O GOD the Lord, the strength of my salvation, who hast screened my head in the day of battle,

8 regai kupa vakaipa zvavanoda, imi Jehovha; musarega urongwa hwavo huchibudirira, kuti varege kuzvikudza. Sera

Grant not, O LORD, the desires of the wicked; further not his evil device, so that they exalt themselves. (Selah)

9 Misoro yaavo vakandipoteredza ngaifukidzwe nenhamo yakaparwa nemiromo yavo.

As for the head of those that compass me about, let the mischief of their own lips cover them.

10 Mazimbe anopfuta ngaawire pamusoro pavo; ngavakandwe mumoto, mumakomba amatope, vasambomukazve.

Let burning coals fall upon them; let them be cast into the fire, into deep pits, that they rise not up again.

11 Vane makuhwa ngavarege kusimbiswa panyika; njodzi ngaivhime vanhu vanoita zvinhu nechisimba.

A slanderer shall not be established in the earth; the violent and evil man shall be hunted with thrust upon thrust.

12 Ndinoziva kuti Jehovha akachengetera varombo kururamisirwa kwavo, uye anotsigira vanoshayiwa pamhaka dzavo.

I know that the LORD will maintain the cause of the poor, and the right of the needy.

13 Zvirokwazvo vakarurama vacharumbidza zita renyu, uye vakarurama vachagara pamberi penyu.

Surely the righteous shall give thanks unto Thy name; the upright shall dwell in Thy presence.