Mapisarema 139
1 Kumutungamiri wokuimba. Pisarema raDhavhidhi. Haiwa Jehovha, makandinzvera uye munondiziva.
| למנצח לדוד מזמור יהוה חקרתני ותדע׃ |
2 Munoziva nguva yandinogara neyandinosimuka; munonzwisisa pfungwa dzangu muri kure.
| אתה ידעת שבתי וקומי בנתה לרעי מרחוק׃ |
3 Munonzvera kubuda kwangu nokuvata kwangu pasi; munoziva nzira dzangu dzose.
| ארחי ורבעי זרית וכל דרכי הסכנתה׃ |
4 Shoko risati rava parurimi rwangu, tarirai, imi Jehovha, munoriziva rose.
| כי אין מלה בלשוני הן יהוה ידעת כלה׃ |
5 Munondikomberedza shure nemberi; makaisa ruoko rwenyu pamusoro pangu.
| אחור וקדם צרתני ותשת עלי כפכה׃ |
6 Kuziva kwakadai kunondishamisa, kwakanyanya kukwirira zvokuti handingasvikiri.
| פלאיה דעת ממני נשגבה לא אוכל לה׃ |
7 Ndingaendepiko kuti ndibve paMweya wenyu? Ndingatizirepiko kuti ndibve pamberi penyu?
| אנה אלך מרוחך ואנה מפניך אברח׃ |
8 Kana ndikakwira kumatenga, imi muriko; kana ndikawarira mubhedha wangu kwakadzika, imi muriko. (Sheol h7585)
| אם אסק שמים שם אתה ואציעה שאול הנך׃ (Sheol h7585) |
9 Kana ndikasimuka namapapiro amambakwedza, kana ndikandogara kumagumo egungwa,
| אשא כנפי שחר אשכנה באחרית ים׃ |
10 kunyange ipapo ruoko rwenyu runondisesedza, ruoko rwenyu rworudyi runondimbundikira.
| גם שם ידך תנחני ותאחזני ימינך׃ |
11 Kana ndikati, “Zvirokwazvo rima richandivanza, uye chiedza chinondikomberedza chichava usiku kwandiri,”
| ואמר אך חשך ישופני ולילה אור בעדני׃ |
12 kunyange rima haringavi rima kwamuri; usiku huchapenya samasikati, nokuti rima rakaita sechiedza kwamuri.
| גם חשך לא יחשיך ממך ולילה כיום יאיר כחשיכה כאורה׃ |
13 Nokuti imi makasika zvomukatikati mangu; makandiruka ndiri mudumbu ramai vangu.
| כי אתה קנית כליתי תסכני בבטן אמי׃ |
14 Ndinokurumbidzai nokuti ndakaitwa nomutoo unotyisa uye unoshamisa; mabasa enyu anoshamisa, ndinonyatsozviziva kwazvo.
| אודך על כי נוראות נפליתי נפלאים מעשיך ונפשי ידעת מאד׃ |
15 Mapfupa angu akanga asina kuvanzika kwamuri, pandakanga ndaiswa munzvimbo yakavanda. Pandakarukwa ndiri pakadzika penyika,
| לא נכחד עצמי ממך אשר עשיתי בסתר רקמתי בתחתיות ארץ׃ |
16 meso enyu akaona muviri usati waumbwa. Mazuva ose andakarongerwa akanga akanyorwa mubhuku renyu, rimwe rawo risati ravapo.
| גלמי ראו עיניך ועל ספרך כלם יכתבו ימים יצרו ולא אחד בהם׃ |
17 Mirangariro yenyu inokosha sei kwandiri, imi Mwari! Yakakura sei pakuverengwa kwayo!
| ולי מה יקרו רעיך אל מה עצמו ראשיהם׃ |
18 Dai ndaiverenga, ingadai yaikunda tsanga dzejecha pakuwanda. Pandinopepuka, ndinenge ndinemi.
| אספרם מחול ירבון הקיצתי ועודי עמך׃ |
19 Dai mukangouraya vakaipa, imi Mwari! Endai kure neni, imi vanhu vokuteura ropa!
| אם תקטל אלוה רשע ואנשי דמים סורו מני׃ |
20 Ivo vanotaura nemi nomurangariro wakaipa; vadzivisi venyu vanoshandisa zita renyu zvakaipa.
| אשר יאמרך למזמה נשא לשוא עריך׃ |
21 Ko, ini handivengi vanokuvengai here, imi Jehovha, nokusema vaya vanokumukirai?
| הלוא משנאיך יהוה אשנא ובתקוממיך אתקוטט׃ |
22 Handina chimwe chinhu asi kuvavenga ivo; ndinovati vavengi vangu.
| תכלית שנאה שנאתים לאויבים היו לי׃ |
23 Ndinzverei, imi Mwari, mugoziva mwoyo wangu; ndiedzei mugoziva kushuva kwendangariro dzangu.
| חקרני אל ודע לבבי בחנני ודע שרעפי׃ |
24 Muone kana musina nzira yakaipa mandiri, mugondifambisa munzira isingaperi.
| וראה אם דרך עצב בי ונחני בדרך עולם׃ |
