Mapisarema 138

1 Pisarema raDhavhidhi. Ndichakurumbidzai, imi Jehovha, nomwoyo wangu wose; ndichaimba nziyo dzokukurumbidzai pamberi pa“vamwari.”

I will praise you with my whole heart: before the gods will I sing praise unto you.

2 Ndichakotamira pasi ndakatarisa kutemberi yenyu tsvene, uye ndicharumbidza zita renyu nokuda kworudo rwenyu nokutendeka kwenyu, nokuti makakudza zita renyu neshoko renyu pamusoro pezvinhu zvose.

I will worship toward your holy temple, and praise your name for your loving kindness and for your truth: for you have magnified your word above all your name.

3 Pandakadana, imi makandipindura; makandishingisa nomwoyo wakasimba.

In the day when I cried you answered me, and strengthened me with strength in my soul.

4 Madzimambo ose enyika ngaakurumbidzei, imi Jehovha, pavanonzwa mashoko omuromo wenyu.

All the kings of the earth shall praise you, O LORD, when they hear the words of your mouth.

5 Ngavaimbe pamusoro penzira dzaJehovha, nokuti kubwinya kwaJehovha kukuru.

Yea, they shall sing in the ways of the LORD: for great is the glory of the LORD.

6 Kunyange Jehovha ari kumusoro, anoona vanozvininipisa, asi vanozvikudza anovaziva vari kure.

Though the LORD be high, yet has he respect unto the lowly: but the proud he knows far off.

7 Kunyange ndikafamba pakati penhamo, munochengetedza upenyu hwangu; munotambanudza ruoko rwenyu pamusoro pehasha dzavavengi vangu, munondiponesa noruoko rwenyu rworudyi.

Though I walk in the midst of trouble, you will revive me: you shall stretch forth your hand against the wrath of mine enemies, and your right hand shall save me.

8 Jehovha achazadzisa zvirongwa zvake neni; rudo rwenyu, imi Jehovha, runogara nokusingaperi, musasiya mabasa amaoko enyu.

The LORD will perfect that which concerns me: your mercy, O LORD, endures for ever: forsake not the works of your own hands.