Mapisarema 130

1 Rwiyo rworwendo. Ndinodanidzira kwamuri Jehovha, ndiri pakadzika;

A Song of Ascents. Out of the depths have I cried unto thee, O LORD.

2 haiwa Jehovha, inzwai inzwi rangu. Nzeve dzenyu ngadzinzwe kuchemera kwangu ngoni.

Lord, hear my voice: let thine ears be attentive to the voice of my supplications.

3 Dai imi, iyemi Jehovha, maironda zvakaipa zvomunhu, haiwa Jehovha, ndianiko aimira?

If thou, LORD, shouldest mark iniquities, O Lord, who shall stand?

4 Asi kwamuri kune kukanganwira; naizvozvo imi munotyiwa.

But there is forgiveness with thee, that thou mayest be feared.

5 Ndinomirira Jehovha, mweya wangu unomirira, uye tariro yangu iri mushoko rake.

I wait for the LORD, my soul doth wait, and in his word do I hope.

6 Mweya wangu unorindira Ishe kupfuura varindi vanomirira rungwanani.

My soul [looketh] for the Lord, more than watchmen [look] for the morning; [yea, more than] watchmen for the morning.

7 Haiwa Israeri, isa tariro yako muna Jehovha, nokuti Jehovha ane rudo rusingaperi uye kwaari kune dzikinuro izere.

O Israel, hope in the LORD; for with the LORD there is mercy, and with him is plenteous redemption.

8 Iye pachake achadzikinura Israeri kubva pazvivi zvavo zvose.

And he shall redeem Israel from all his iniquities.