Mapisarema 122

1 Rwiyo rworwendo rwaDhavhidhi. Ndakafara pavakati kwandiri, “Handei kumba yaJehovha.”

A Song of Ascents; of David. I rejoiced when they said unto me: 'Let us go unto the house of the LORD.'

2 Tsoka dzedu dzimire mukati mamasuo ako, iwe Jerusarema.

Our feet are standing within thy gates, O Jerusalem;

3 Jerusarema rakavakwa seguta rakapakata kwazvo.

Jerusalem, that art builded as a city that is compact together;

4 Ndiko kunokwira marudzi, iwo marudzi aJehovha, kundorumbidza zita raJehovha maererano nezvakatemerwa Israeri.

Whither the tribes went up, even the tribes of the LORD, as a testimony unto Israel, to give thanks unto the name of the LORD.

5 Zvigaro zvokutonga zvimire ikoko, zvigaro zvoushe zveimba yaDhavhidhi.

For there were set thrones for judgment, the thrones of the house of David.

6 Nyengetererai rugare rweJerusarema: “Vanokuda dai vagara zvakanaka.

Pray for the peace of Jerusalem; may they prosper that love thee.

7 Dai mukati mamasvingo ako maita rugare, nokuchengetedzeka mukati menhare dzako.”

Peace be within thy walls, and prosperity within thy palaces.

8 Nokuda kwehama neshamwari dzangu, ndichati, “Rugare ngaruve mukati mako.”

For my brethren and companions' sakes, I will now say: 'Peace be within thee.'

9 Nokuda kweimba yaJehovha Mwari wedu, ndichatsvaka kubudirira kwako.

For the sake of the house of the LORD our God I will seek thy good.