Mapisarema 121

1 Rwiyo rworwendo. Ndinosimudzira meso angu kumakomo, kubatsirwa kwangu kunobvepiko?

A Song of degrees. I lift up mine eyes unto the mountains: whence shall my help come?

2 Rubatsiro rwangu runobva kuna Jehovha, muiti wokudenga napasi.

My help [cometh] from Jehovah, who made the heavens and the earth.

3 Haangatenderi rutsoka rwako kuti rutedzemuke, muchengeti wako haangakotsiri;

He will not suffer thy foot to be moved; he that keepeth thee will not slumber.

4 zvirokwazvo, muchengeti waIsraeri haangakotsiri kana kuvata.

Behold, he that keepeth Israel will neither slumber nor sleep.

5 Jehovha anokurinda, Jehovha ndiye mumvuri wako kuruoko rwako rworudyi;

Jehovah is thy keeper, Jehovah is thy shade upon thy right hand;

6 zuva haringakubayi masikati, kana mwedzi usiku.

The sun shall not smite thee by day, nor the moon by night.

7 Jehovha achakuchengeta pane zvose zvinokuvadza, iye acharinda upenyu hwako;

Jehovah will keep thee from all evil; he will keep thy soul.

8 Jehovha achakurinda pakubuda kwako napakupinda kwako, kubva zvino uye nokusingaperi.

Jehovah will keep thy going out and thy coming in, from henceforth and for evermore.