Mapisarema 116

1 Ndinoda Jehovha, nokuti akanzwa inzwi rangu; akandinzwira tsitsi pakuchema kwangu.

I have loved, because the Lord will hear the voice of my prayer.

2 Nokuti akarerekera nzeve yake kwandiri, ndichadana kwaari mazuva ose oupenyu hwangu.

Because he hath inclined his ear unto me: and in my days I will call upon him.

3 Misungo yorufu yakandipinganidza, kurwadza kweguva kwakauya pamusoro pangu; ndakakundwa nenhamo nokusuwa. (Sheol h7585)

The sorrows of death have encompassed me: and the perils of hell have found me. I met with trouble and sorrow: (Sheol h7585)

4 Ipapo ndakadana kuzita raJehovha ndikati, “Haiwa Jehovha, ndiponesei!”

And I called upon the name of the Lord. O Lord, deliver my soul.

5 Jehovha ane nyasha uye akarurama; Mwari wedu azere netsitsi.

The Lord is merciful and just, and our God sheweth mercy.

6 Jehovha anodzivirira vakatendeka pamwoyo; pandakanga ndiri pakushayiwa kukuru, iye akandiponesa.

The Lord is the keeper of little ones: I was little and he delivered me.

7 Haiwa mweya wangu, chizorora zvakare, nokuti Jehovha akakuitira zvakanaka.

Turn, O my soul, into thy rest: for the Lord hath been bountiful to thee.

8 Nokuti imi, iyemi Jehovha, makarwira mweya wangu parufu, meso angu pamisodzi, uye makumbo angu pakugumburwa,

For he hath delivered my soul from death: my eyes from tears, my feet from falling.

9 kuti ndifambe pamberi paJehovha munyika yavapenyu.

I will please the Lord in the land of the living.

10 Ndakatenda; naizvozvo ndakati, “Ndiri kutambudzika kwazvo.”

I have believed, therefore have I spoken; but I have been humbled exceedingly.

11 Uye pakuvhunduka kwangu ndakati, “Vanhu vose vanoreva nhema.”

I said in my excess: Every man is a liar.

12 Ndingaripira seiko Jehovha pamusoro pokunaka kwake kwose kwandiri?

What shall I render to the Lord, for all the things he hath rendered unto me?

13 Ndichasimudza mukombe woruponeso ndigodana kuzita raJehovha.

I will take the chalice of salvation; and I will call upon the name of the Lord.

14 Ndichazadzisa mhiko dzangu kuna Jehovha, pamberi pavanhu vake vose.

I will pay my vows to the Lord before all his people:

15 Chinhu chinokosha pamberi paJehovha ndirwo rufu rwavatsvene vake.

Precious in the sight of the Lord is the death of his saints.

16 Haiwa Jehovha, zvirokwazvo ndiri muranda wenyu; ndiri muranda wenyu, mwanakomana womurandakadzi wenyu; makandisunungura pangetani dzangu.

O Lord, for I am thy servant: I am thy servant, and the son of thy handmaid. Thou hast broken my bonds:

17 Ndichabayira chipo chokuvonga kwamuri, uye ndichadana kuzita raJehovha.

I will sacrifice to thee the sacrifice of praise, and I will call upon the name of the Lord.

18 Ndichazadzisa mhiko dzangu kuna Jehovha, pamberi pavanhu vake vose,

I will pay my vows to the Lord in the sight of all his people:

19 pavanze dzeimba yaJehovha, mukati mako, iwe Jerusarema. Rumbidzai Jehovha.

In the courts of the house of the Lord, in the midst of thee, O Jerusalem.