Mapisarema 114

1 Israeri akati abuda muIjipiti, imba yaJakobho ichibva kurudzi runo mutauro wokumwe,

When Israel came forth from Egypt, The house of Jacob from a people of strange language,

2 Judha akava imba tsvene yaMwari, Israeri ushe hwake.

Judah was his sanctuary, And Israel his dominion.

3 Gungwa rakazviona rikatiza, Jorodhani rwakadzokera shure;

The sea beheld, and fled; The Jordan turned back.

4 makomo akakwakuka samakondobwe, zvikomo samakwayana.

The mountains skipped like rams, And the hills like lambs.

5 Haiwa gungwa, wakatizeiko, iwe Jorodhani zvawakadzokera shure,

What aileth thee, O thou sea! that thou fleest? Thou, Jordan, that thou runnest back?

6 imi makomo zvamakakwakuka samakondobwe, nemi zvikomo, samakwayana?

Ye mountains, that ye skip like rams, And ye hills like lambs?

7 Dedera, iwe nyika pamberi paShe, pamberi paMwari waJakobho,

Tremble, O earth! at the presence of the Lord, At the presence of the God of Jacob;

8 akashandura dombo rikava dziva, dombo rakaoma rikava matsime emvura.

Who turned the rock into a standing lake, And the flint into a fountain of water!