Mapisarema 114

1 Israeri akati abuda muIjipiti, imba yaJakobho ichibva kurudzi runo mutauro wokumwe,

When Israel went out of Egypt, the house of Jacob from a people of strange language;

2 Judha akava imba tsvene yaMwari, Israeri ushe hwake.

Judah was his sanctuary, and Israel his dominion.

3 Gungwa rakazviona rikatiza, Jorodhani rwakadzokera shure;

The sea saw it, and fled: Jordan was driven back.

4 makomo akakwakuka samakondobwe, zvikomo samakwayana.

The mountains skipped like rams, and the little hills like lambs.

5 Haiwa gungwa, wakatizeiko, iwe Jorodhani zvawakadzokera shure,

What ailed you, O you sea, that you fled? you Jordan, that you were driven back?

6 imi makomo zvamakakwakuka samakondobwe, nemi zvikomo, samakwayana?

All of you mountains, that all of you skipped like rams; and all of you little hills, like lambs?

7 Dedera, iwe nyika pamberi paShe, pamberi paMwari waJakobho,

Tremble, you earth, at the presence of the Lord, at the presence of the God of Jacob;

8 akashandura dombo rikava dziva, dombo rakaoma rikava matsime emvura.

Which turned the rock into a standing water, the flint into a fountain of waters.