Mapisarema 114

1 Israeri akati abuda muIjipiti, imba yaJakobho ichibva kurudzi runo mutauro wokumwe,

When Israel came forth out of Egypt, the house of Jacob from a people of strange language;

2 Judha akava imba tsvene yaMwari, Israeri ushe hwake.

Judah became His sanctuary, Israel His dominion.

3 Gungwa rakazviona rikatiza, Jorodhani rwakadzokera shure;

The sea saw it, and fled; the Jordan turned backward.

4 makomo akakwakuka samakondobwe, zvikomo samakwayana.

The mountains skipped like rams, the hills like young sheep.

5 Haiwa gungwa, wakatizeiko, iwe Jorodhani zvawakadzokera shure,

What aileth thee, O thou sea, that thou fleest? thou Jordan, that thou turnest backward?

6 imi makomo zvamakakwakuka samakondobwe, nemi zvikomo, samakwayana?

Ye mountains, that ye skip like rams; ye hills, like young sheep?

7 Dedera, iwe nyika pamberi paShe, pamberi paMwari waJakobho,

Tremble, thou earth, at the presence of the Lord, at the presence of the God of Jacob;

8 akashandura dombo rikava dziva, dombo rakaoma rikava matsime emvura.

Who turned the rock into a pool of water, the flint into a fountain of waters.