Mapisarema 109
1 Kumutungamiri wokuimba. Pisarema raDhavhidhi. Haiwa Mwari, imi wandinorumbidza, regai kunyarara,
| למנצח לדוד מזמור אלהי תהלתי אל תחרש׃ |
2 nokuti vanhu vakaipa vanonyengera vakandishamira miromo yavo; vakataura nhema pamusoro pangu nendimi dzavo.
| כי פי רשע ופי מרמה עלי פתחו דברו אתי לשון שקר׃ |
3 Vakandikomba namashoko okuvenga; vanorwa neni pasina mhosva.
| ודברי שנאה סבבוני וילחמוני חנם׃ |
4 Pachinzvimbo choushamwari hwangu navo, vanondipa mhosva, asi ini ndiri munhu wokunyengetera.
| תחת אהבתי ישטנוני ואני תפלה׃ |
5 Vanonditsivira zvakaipa pane zvakanaka, uye vanondivengera ushamwari hwangu.
| וישימו עלי רעה תחת טובה ושנאה תחת אהבתי׃ |
6 Tumai munhu akaipa kuti apikisane naye; mupomeri ngaamire kuruoko rwake rworudyi.
| הפקד עליו רשע ושטן יעמד על ימינו׃ |
7 Paanotongwa, ngaawanikwe ane mhosva, uye minyengetero yake ngaimupe mhaka.
| בהשפטו יצא רשע ותפלתו תהיה לחטאה׃ |
8 Mazuva ake ngaave mashoma; mumwe ngaatore nzvimbo youkuru hwake.
| יהיו ימיו מעטים פקדתו יקח אחר׃ |
9 Vana vake ngavave nherera, uye mukadzi wake ave chirikadzi.
| יהיו בניו יתומים ואשתו אלמנה׃ |
10 Vana vake ngavave vapemhi vanodzungaira; ngavadzingwe vabve mumatongo emisha yavo.
| ונוע ינועו בניו ושאלו ודרשו מחרבותיהם׃ |
11 Waakakwereta ngaatore zvose zvaanazvo; vatorwa ngavapambe zvose zvaakashandira.
| ינקש נושה לכל אשר לו ויבזו זרים יגיעו׃ |
12 Ngakurege kuva neanomunzwira ngoni kana kunzwira tsitsi nherera dzake.
| אל יהי לו משך חסד ואל יהי חונן ליתומיו׃ |
13 Zvizvarwa zvake ngazvirove, mazita avo adzimwe parudzi runotevera.
| יהי אחריתו להכרית בדור אחר ימח שמם׃ |
14 Mhosva yamadzibaba ake ngairangarirwe pamberi paJehovha; chivi chamai vake ngachirege kumbodzimwa.
| יזכר עון אבתיו אל יהוה וחטאת אמו אל תמח׃ |
15 Zvivi zvavo ngazvirambe zviri pamberi paJehovha, kuti aparadze chirangaridzo chavo panyika.
| יהיו נגד יהוה תמיד ויכרת מארץ זכרם׃ |
16 Nokuti haana kumbofunga kuita zvakanaka, asi akavhima varombo kusvika parufu, vanoshayiwa navane mwoyo yakaputsika.
| יען אשר לא זכר עשות חסד וירדף איש עני ואביון ונכאה לבב למותת׃ |
17 Aifarira kutaura chituko, ngachichiuya pamusoro pake; iye asina kufadzwa nokuropafadza, ngakuve kure naye.
| ויאהב קללה ותבואהו ולא חפץ בברכה ותרחק ממנו׃ |
18 Aifuka kutuka senguo yake; zvakapinda mumuviri wake semvura, nomumapfupa ake samafuta.
| וילבש קללה כמדו ותבא כמים בקרבו וכשמן בעצמותיו׃ |
19 Ngazvive sejasi rakamonerwa paari, sebhanhire rakasungirirwa paari nokusingaperi.
| תהי לו כבגד יעטה ולמזח תמיד יחגרה׃ |
20 Uyu ngauve muripo waJehovha kuvapomeri vangu, kuna avo vanotaura zvakaipa pamusoro pangu.
| זאת פעלת שטני מאת יהוה והדברים רע על נפשי׃ |
21 Asi imi, Ishe Jehovha, ndiitirei zvakanaka nokuda kwezita renyu; ndirwirei, kubudikidza nokunaka kworudo rwenyu.
| ואתה יהוה אדני עשה אתי למען שמך כי טוב חסדך הצילני׃ |
22 Nokuti ndiri murombo uye ndinoshayiwa, uye mwoyo wangu wakuvara mukati mangu.
| כי עני ואביון אנכי ולבי חלל בקרבי׃ |
23 Ndinopera somumvuri wamadekwana; ndinozunzwa semhashu.
| כצל כנטותו נהלכתי ננערתי כארבה׃ |
24 Mabvi angu apera simba nokutsanya; muviri wangu waonda uye ndaonda kwazvo.
| ברכי כשלו מצום ובשרי כחש משמן׃ |
25 Ndiri chinhu chinosekwa navapomeri vangu; pavanondiona, vanodzungudza misoro yavo.
| ואני הייתי חרפה להם יראוני יניעון ראשם׃ |
26 Ndibatsirei, imi Jehovha Mwari wangu; ndiponesei zvakafanira rudo rwenyu.
| עזרני יהוה אלהי הושיעני כחסדך׃ |
27 Ngavazive kuti ndirwo ruoko rwenyu, kuti imi, iyemi Jehovha, makazviita.
| וידעו כי ידך זאת אתה יהוה עשיתה׃ |
28 Ivo vangatuka havo, asi imi mucharopafadza; vachanyadziswa pavanorwisa, asi muranda wenyu achafara.
| יקללו המה ואתה תברך קמו ויבשו ועבדך ישמח׃ |
29 Vapomeri vangu vachafukidzwa nenyadzi, uye vachaputirwa nokunyara sokunge nejasi.
| ילבשו שוטני כלמה ויעטו כמעיל בשתם׃ |
30 Ndicharumbidza Jehovha nomuromo wangu zvikuru; paungano huru, ndichamurumbidza.
| אודה יהוה מאד בפי ובתוך רבים אהללנו׃ |
31 Nokuti anomira kuruoko rworudyi rwouyo anoshayiwa, kuti amuponese pane avo vanomupomera mhosva.
| כי יעמד לימין אביון להושיע משפטי נפשו׃ |
