Mapisarema 105
1 Vongai Jehovha, danai kuzita rake; zivisai zvaakaita pakati pendudzi.
| הודו ליהוה קראו בשמו הודיעו בעמים עלילותיו |
2 Muimbirei, muimbirei nziyo dzokurumbidza; rondedzerai mabasa ake ose anoshamisa.
| שירו-לו זמרו-לו שיחו בכל-נפלאותיו |
3 Ngarikudzwe zita rake dzvene; mwoyo yavanotsvaka Jehovha ngaifare.
| התהללו בשם קדשו ישמח לב מבקשי יהוה |
4 Tarirai kuna Jehovha nokusimba rake; tsvakai chiso chake nguva dzose.
| דרשו יהוה ועזו בקשו פניו תמיד |
5 Rangarirai zvishamiso zvaakaita, mabasa ake, nezvaakatonga zvaakareva,
| זכרו--נפלאותיו אשר-עשה מפתיו ומשפטי-פיו |
6 imi vana vaAbhurahama muranda wake, haiwa vanakomana vaJakobho, vasanangurwa vake.
| זרע אברהם עבדו בני יעקב בחיריו |
7 Ndiye Jehovha Mwari wedu; kutonga kwake kuri munyika yose.
| הוא יהוה אלהינו בכל-הארץ משפטיו |
8 Anorangarira sungano yake nokusingaperi, iro shoko raakarayira, kuchiuru chezvizvarwa,
| זכר לעולם בריתו דבר צוה לאלף דור |
9 sungano yaakaita naAbhurahama, mhiko yaakapika kuna Isaka.
| אשר כרת את-אברהם ושבועתו לישחק |
10 Akaisimbisa kuna Jakobho somutemo, nokuna Israeri sesungano isingaperi achiti,
| ויעמידה ליעקב לחק לישראל ברית עולם |
11 “Ndichapa nyika yeKenani kwauri somugove wenhaka yako.”
| לאמר--לך אתן את-ארץ-כנען חבל נחלתכם |
12 Pavaiva vashoma pakuwanda, zvirokwazvo vari vashoma, uye vari vaeni mairi,
| בהיותם מתי מספר כמעט וגרים בה |
13 vakadzungaira vachibva kuno rumwe rudzi kusvikira kuno rumwe rudzi. Kubva kuno humwe ushe vachienda kuno humwe.
| ויתהלכו מגוי אל-גוי מממלכה אל-עם אחר |
14 Haana kutendera munhu kuvadzvinyirira; akatuka madzimambo nokuda kwavo achiti,
| לא-הניח אדם לעשקם ויוכח עליהם מלכים |
15 “Musabata vazodziwa vangu; musaitira vaprofita vangu zvakaipa.”
| אל-תגעו במשיחי ולנביאי אל-תרעו |
16 Akadana nzara panyika ikaparadza zvose zvaiuyisa zvokudya;
| ויקרא רעב על-הארץ כל-מטה-לחם שבר |
17 uye akatuma munhu pamberi pavo, iye Josefa, akatengeswa senhapwa.
| שלח לפניהם איש לעבד נמכר יוסף |
18 Vakakuvadza tsoka dzake nezvisungo mutsipa wake ukaiswa mumatare esimbi,
| ענו בכבל רגליו (רגלו) ברזל באה נפשו |
19 kusvikira zvaakareva zvazadziswa, kusvikira shoko raJehovha raratidza kutendeka kwake.
| עד-עת בא-דברו-- אמרת יהוה צרפתהו |
20 Mambo akatuma shoko kuti asunungurwe, vatongi vavanhu vakamuregedza.
| שלח מלך ויתירהו משל עמים ויפתחהו |
21 Akamuita tenzi weimba yake, nomutongi wepfuma yake yose,
| שמו אדון לביתו ומשל בכל-קנינו |
22 kuti arayire machinda ake sezvaaida uye adzidzise vakuru vake njere.
| לאסר שריו בנפשו וזקניו יחכם |
23 Ipapo Israeri akapinda muIjipiti; Jakobho akagara somweni munyika yaHamu.
| ויבא ישראל מצרים ויעקב גר בארץ-חם |
24 Jehovha akawanza vanhu vake chose; akavaita vazhinji kwazvo kupinda vavengi vavo,
| ויפר את-עמו מאד ויעצמהו מצריו |
25 avo vaakashandura mwoyo yavo kuti ivenge vanhu vake, kuti varangane pamusoro pavaranda vake.
| הפך לבם לשנא עמו להתנכל בעבדיו |
26 Akatuma Mozisi muranda wake, naAroni, waakanga asarudza.
| שלח משה עבדו אהרן אשר בחר-בו |
27 Vakaita zviratidzo zvinoshamisa pakati pavo, izvo zvishamiso zvake munyika yaHamu.
| שמו-בם דברי אתותיו ומפתים בארץ חם |
28 Akatumira rima akaita kuti nyika ive murima, nokuti havana kumukira shoko rake here?
| שלח חשך ויחשך ולא-מרו את-דבריו (דברו) |
29 Akashandura mvura yavo zhinji ikava ropa, zvikaita kuti hove dzavo dzife.
| הפך את-מימיהם לדם וימת את-דגתם |
30 Nyika yavo yakazara namatatya, akapinda mudzimba dzamadzimambo avo.
| שרץ ארצם צפרדעים בחדרי מלכיהם |
31 Akataura mapupira enhunzi akauya, nenda munyika yavo yose.
| אמר ויבא ערב כנים בכל-גבולם |
32 Akashandura mvura yavo ikava chimvuramabwe, nemheni munyika yavo yose;
| נתן גשמיהם ברד אש להבות בארצם |
33 akarova mizambiringa yavo nemionde yavo, akaparadza miti yomunyika yavo.
| ויך גפנם ותאנתם וישבר עץ גבולם |
34 Akataura, mhashu dzikauya, namagutaguta asingaverengeki;
| אמר ויבא ארבה וילק ואין מספר |
35 zvakadya miriwo minyoro yose munyika yavo, zvikadya zvibereko zvevhu ravo.
| ויאכל כל-עשב בארצם ויאכל פרי אדמתם |
36 Ipapo akarova matangwe munyika yavo, zvibereko zvokutanga zvesimba roujaya hwavo.
| ויך כל-בכור בארצם ראשית לכל-אונם |
37 Akabudisa Israeri akaremerwa nesirivha negoridhe, kwakanga kusina akagumburwa pakati pamarudzi avo.
| ויוציאם בכסף וזהב ואין בשבטיו כושל |
38 Ijipiti yakafara pavakabva, nokuti kutya vaIsraeri kwakanga kwavabata.
| שמח מצרים בצאתם כי-נפל פחדם עליהם |
39 Akatatamura gore rikava chifukidzo, uye moto kuti uvhenekere usiku.
| פרש ענן למסך ואש להאיר לילה |
40 Vakakumbira, iye akavauyisira zvihuta, uye akavagutsa nechingwa chakabva kudenga.
| שאל ויבא שלו ולחם שמים ישביעם |
41 Akazarura dombo, mvura ikatubuka; ikayerera mugwenga sorwizi.
| פתח צור ויזובו מים הלכו בציות נהר |
42 Nokuti akarangarira mhiko yake tsvene yaakapa Abhurahama muranda wake.
| כי-זכר את-דבר קדשו את-אברהם עבדו |
43 Akabudisa vanhu vake nomufaro, vasanangurwa vake nokupembera kwomufaro;
| ויוצא עמו בששון ברנה את-בחיריו |
44 akavapa nyika dzendudzi, vakagara nhaka yakanga yatamburirwa navamwe,
| ויתן להם ארצות גוים ועמל לאמים יירשו |
45 kuti vachengete zvaakatema uye vacherechedze mirayiro yake. Rumbidzai Jehovha.
| בעבור ישמרו חקיו-- ותורתיו ינצרו הללו-יה |
