Mapisarema 104
1 Rumbidza Jehovha, mweya wangu. Haiwa Jehovha Mwari wangu, muri mukuru kwazvo; makashongedzwa nokubwinya noumambo.
| ברכי נפשי את-יהוה יהוה אלהי גדלת מאד הוד והדר לבשת |
2 Iye anozviputira muchiedza seanozviputira nenguo; anotatamura matenga kunge tende
| עטה-אור כשלמה נוטה שמים כיריעה |
3 uye anogadzika matanda edzimba dzake dzapamusoro pamusoro pemvura yadzo zhinji. Anoita makore ngoro dzake, uye anokwira pamapapiro emhepo.
| המקרה במים עליותיו השם-עבים רכובו המהלך על-כנפי-רוח |
4 Anoita mhepo nhume dzake, namazhenje omoto varanda vake.
| עשה מלאכיו רוחות משרתיו אש להט |
5 Akamisa nyika pamusoro penheyo dzayo; haingatongozungunuswi.
| יסד-ארץ על-מכוניה בל-תמוט עולם ועד |
6 Makaifukidza nokwakadzika somunofukidza nenguo; mvura zhinji yakamira pamusoro pamakomo.
| תהום כלבוש כסיתו על-הרים יעמדו מים |
7 Asi pakutsiura kwenyu mvura zhinji yakatiza, pakunzwa kutinhira wenyu yakatiza;
| מן-גערתך ינוסון מן-קול רעמך יחפזון |
8 yakayerera napamusoro pamakomo, ikadzika nomumipata, ichienda kunzvimbo yamakairayira.
| יעלו הרים ירדו בקעות-- אל-מקום זה יסדת להם |
9 Makatara muganhu waisingadariki; haichazombofukidzizve nyika.
| גבול-שמת בל-יעברון בל-ישבון לכסות הארץ |
10 Anoita kuti matsime adire mvura mumipata; inoyerera napakati pamakomo.
| המשלח מעינים בנחלים בין הרים יהלכון |
11 Anonwisa mhuka dzose dzesango mvura; mbizi dzinopedza nyota yadzo.
| ישקו כל-חיתו שדי ישברו פראים צמאם |
12 Shiri dzedenga dzinovaka matendere adzo pedyo nemvura; dzinorira dziri pakati pamatavi.
| עליהם עוף-השמים ישכון מבין עפאים יתנו-קול |
13 Anodiridza makomo ari padzimba dzake dzapamusoro; nyika inogutswa nezvibereko zvebasa rake.
| משקה הרים מעליותיו מפרי מעשיך תשבע הארץ |
14 Anomeresa uswa hwemombe, nembeu kuti vanhu vasakure, achibudisa zvokudya kubva pasi:
| מצמיח חציר לבהמה ועשב לעבדת האדם להוציא לחם מן-הארץ |
15 iyo waini inofadza mwoyo womunhu, namafuta anopenyesa chiso chake, nechingwa chinosimbisa mwoyo wake.
| ויין ישמח לבב-אנוש-- להצהיל פנים משמן ולחם לבב-אנוש יסעד |
16 Miti yaJehovha inodiridzwa zvakanaka, iyo misidhari yeRebhanoni yaakasima.
| ישבעו עצי יהוה-- ארזי לבנון אשר נטע |
17 Shiri dzinoruka matendere adzo ipapo; dambiramurove rakaita imba yaro mumiti yomupaini.
| אשר-שם צפרים יקננו חסידה ברושים ביתה |
18 Makomo marefu ndeengururu; mapako ndiwo utiziro hwembira.
| הרים הגבהים ליעלים סלעים מחסה לשפנים |
19 Mwedzi unotara nguva, uye zuva rinoziva nguva yokuvira kwaro.
| עשה ירח למועדים שמש ידע מבואו |
20 Munouyisa rima, usiku hugovapo, uye zvikara zvose zvesango zvinobuda kundovhima.
| תשת-חשך ויהי לילה-- בו-תרמש כל-חיתו-יער |
21 Shumba dzinoomba dzichitsvaka nyama, uye dzinotsvaka zvokudya zvadzo kubva kuna Mwari.
| הכפירים שאגים לטרף ולבקש מאל אכלם |
22 Kana zuva robuda, idzo dzinoenda kure; dzinodzokera dzondovata mumapako adzo.
| תזרח השמש יאספון ואל-מעונתם ירבצון |
23 Ipapo munhu anobuda oenda kubasa rake, kumushando wake kusvikira madekwana.
| יצא אדם לפעלו ולעבדתו עדי-ערב |
24 Haiwa Jehovha, mabasa enyu manganiko! Makaaita ose nenjere; nyika izere nezvisikwa zvenyu.
| מה-רבו מעשיך יהוה-- כלם בחכמה עשית מלאה הארץ קנינך |
25 Hero gungwa, rakakura uye rakapamhama, rine zvisikwa zvisingagoni kuverengwa, zvipenyu zvikuru nezviduku.
| זה הים גדול-- ורחב ידים שם-רמש ואין מספר חיות קטנות עם-גדלות |
26 Hezvo zvikepe zvinofamba-famba, nengwena, yamakaumba kuti itambemo.
| שם אניות יהלכון לויתן זה-יצרת לשחק-בו |
27 Zvose izvi zvinotarira kwamuri kuti muzvipe zvokudya zvazvo nenguva yakafanira.
| כלם אליך ישברון-- לתת אכלם בעתו |
28 Pamunozvipa, zvinozviunganidza; pamunozarura ruoko rwenyu, izvo zvinogutswa nezvinhu zvakanaka.
| תתן להם ילקטון תפתח ידך ישבעון טוב |
29 Pamunovanza chiso chenyu, izvo zvinovhundutswa; pamunozvitorera mweya, izvo zvinofa uye zvinodzokera kuguruva.
| תסתיר פניך יבהלון תסף רוחם יגועון ואל-עפרם ישובון |
30 Pamunotuma Mweya wenyu, izvo zvinosikwa, uye munovandudza chiso chenyika.
| תשלח רוחך יבראון ותחדש פני אדמה |
31 Kubwinya kwaJehovha ngakugare nokusingaperi; Jehovha ngaafare nebasa rake,
| יהי כבוד יהוה לעולם ישמח יהוה במעשיו |
32 iye anotarira nyika, yobva yabvunda, iye anobata makomo obva apwititika utsi.
| המביט לארץ ותרעד יגע בהרים ויעשנו |
33 Ndichaimbira Jehovha upenyu hwangu hwose; ndichaimbira Mwari wangu nziyo dzokurumbidza ndichiri mupenyu.
| אשירה ליהוה בחיי אזמרה לאלהי בעודי |
34 Kurangarira kwangu ngakumufadze, pandinofara muna Jehovha.
| יערב עליו שיחי אנכי אשמח ביהוה |
35 Asi vatadzi ngavaparadzwe panyika, uye vakaipa ngavarege kuzovapozve. Rumbidza Jehovha, mweya wangu. Rumbidzai Jehovha.
| יתמו חטאים מן-הארץ ורשעים עוד אינם-- ברכי נפשי את-יהוה הללו-יה |
