Mapisarema 102
1 Munyengetero womunhu anotambudzika. Paanenge aziya uye odurura kuchema kwake pamberi paJehovha. Inzwai munyengetero wangu, imi Jehovha; kuchemera kwangu rubatsiro ngakusvike kwamuri.
| תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃ |
2 Regai kundivanzira chiso chenyu pandinenge ndichitambudzika. Rerekerai nzeve yenyu kwandiri; pandinokudanai, ndipindurei nokukurumidza.
| אל תסתר פניך ממני ביום צר לי הטה אלי אזנך ביום אקרא מהר ענני׃ |
3 Nokuti mazuva angu anopera soutsi; mapfupa angu anopisa samazimbe anopfuta.
| כי כלו בעשן ימי ועצמותי כמו קד נחרו׃ |
4 Mwoyo wangu warohwa uye waoma souswa; ndinokanganwa kudya zvokudya zvangu.
| הוכה כעשב ויבש לבי כי שכחתי מאכל לחמי׃ |
5 Nokuda kwokugomera kwangu kukuru ndaonda zvokuti ganda rangu ranamatira pamapfupa.
| מקול אנחתי דבקה עצמי לבשרי׃ |
6 Ndafanana nezizi romugwenga, sezizi riri pakati pamatongo.
| דמיתי לקאת מדבר הייתי ככוס חרבות׃ |
7 Ndinovata ndakasvinura, ndava seshiri iri yoga pamusoro pedenga remba.
| שקדתי ואהיה כצפור בודד על גג׃ |
8 Zuva rose vavengi vangu vanondishungurudza; avo vanondipengera vanoshandisa zita rangu sechituko.
| כל היום חרפוני אויבי מהוללי בי נשבעו׃ |
9 Nokuti ndinodya madota sechokudya changu, uye ndinovhenganisa zvokunwa zvangu nemisodzi,
| כי אפר כלחם אכלתי ושקוי בבכי מסכתי׃ |
10 nokuda kwehasha dzenyu huru, nokuti makandisimudza mukandikanda parutivi.
| מפני זעמך וקצפך כי נשאתני ותשליכני׃ |
11 Mazuva angu akaita somumvuri wamadekwana; ndinosvava souswa.
| ימי כצל נטוי ואני כעשב איבש׃ |
12 Asi imi, iyemi Jehovha, munogara pachigaro choushe nokusingaperi; mukurumbira wenyu uripo kusvikira kuzvizvarwa zvose.
| ואתה יהוה לעולם תשב וזכרך לדר ודר׃ |
13 Imi muchasimuka mugonzwira Zioni tsitsi, nokuti ndiyo nguva yokurinzwira nyasha; nguva yakatarwa yasvika.
| אתה תקום תרחם ציון כי עת לחננה כי בא מועד׃ |
14 Nokuti matombo aro anokosha kuvaranda venyu; guruva raro chairo rinovaendesa kugomba.
| כי רצו עבדיך את אבניה ואת עפרה יחננו׃ |
15 Ndudzi dzichatya zita raJehovha, madzimambo ose enyika achatya kubwinya kwenyu.
| וייראו גוים את שם יהוה וכל מלכי הארץ את כבודך׃ |
16 Nokuti Jehovha achavakazve Zioni, agozviratidza pakubwinya kwake.
| כי בנה יהוה ציון נראה בכבודו׃ |
17 Achadavira minyengetero yavanotambura; haangazvidzi chikumbiro chavo.
| פנה אל תפלת הערער ולא בזה את תפלתם׃ |
18 Izvi ngazvinyorerwe zvizvarwa zvamangwana, kuti vanhu vasati vasikwa vagorumbidza Jehovha vachiti,
| תכתב זאת לדור אחרון ועם נברא יהלל יה׃ |
19 “Jehovha akatarira pasi ari panzvimbo yake tsvene yakakwirira, ari kudenga akacherechedza pasi,
| כי השקיף ממרום קדשו יהוה משמים אל ארץ הביט׃ |
20 kuti anzwe kugomera kwavasungwa agosunungura avo vakatongerwa rufu.”
| לשמע אנקת אסיר לפתח בני תמותה׃ |
21 Saka zita raJehovha richaparidzwa muZioni, nokurumbidzwa kwake muJerusarema,
| לספר בציון שם יהוה ותהלתו בירושלם׃ |
22 panoungana marudzi noushe kuti vanamate Jehovha.
| בהקבץ עמים יחדו וממלכות לעבד את יהוה׃ |
23 Panguva youpenyu hwangu akatapudza simba rangu; akaita kuti mazuva angu ave mashoma.
| ענה בדרך כחו קצר ימי׃ |
24 Saka ndakati, “Regai kundibvisa, imi Mwari wangu, pakati pamazuva angu; makore enyu anoramba aripo kusvikira kuzvizvarwa zvose.
| אמר אלי אל תעלני בחצי ימי בדור דורים שנותיך׃ |
25 Pamavambo makateya nheyo dzenyika, uye matenga ibasa basa ramaoko enyu.
| לפנים הארץ יסדת ומעשה ידיך שמים׃ |
26 Izvo zvichaparara, asi imi munogara muripo; zvose zvichasakara senguo. Senguo muchavabvisa uye vacharaswa.
| המה יאבדו ואתה תעמד וכלם כבגד יבלו כלבוש תחליפם ויחלפו׃ |
27 Asi imi mucharamba makadaro, uye makore enyu haatongogumi.
| ואתה הוא ושנותיך לא יתמו׃ |
28 Vana vavaranda venyu vachagara pamberi penyu; zvizvarwa zvavo zvichasimbiswa pamberi penyu.”
| בני עבדיך ישכונו וזרעם לפניך יכון׃ |
