Mapisarema 101

1 Pisarema raDhavhidhi. Ndichaimba nezvorudo rwenyu nokururamisira kwenyu; kwamuri, imi Jehovha, ndichaimba nziyo dzokurumbidza.

A Psalm by David. I will sing of loving kindness and justice. To you, LORD, I will sing praises.

2 Ndichangwarira kurarama upenyu husina chahungapomerwa. Muchauya riniko kwandiri? Ndichafamba mumba mangu nomwoyo usina chaungapomerwa.

I will be careful to live a blameless life. When will you come to me? I will walk within my house with a blameless heart.

3 Handingaisi chinhu chakaipa pamberi pangu. Ndinovenga mabasa avanhu vasingatendi; haanganamatiri kwandiri.

I will set no vile thing before my eyes. I hate the deeds of faithless men. They will not cling to me.

4 Vanhu vane mwoyo yakatsauka vachava kure neni; handichazovi nechokuita nechakaipa.

A perverse heart will be far from me. I will have nothing to do with evil.

5 Ani naani anoitira muvakidzani wake makuhwa pakavanda, iyeye ndiye wandichaita kuti anyarare; ani naani ane meso anozvikudza nomwoyo unozvikudza, iyeye handingamuregi akadaro.

I will silence whoever secretly slanders his neighbor. I won’t tolerate one who is arrogant and conceited.

6 Meso angu achava pamusoro pavakatendeka vari munyika, kuti vagare neni; iye ane mafambiro asina chaangapomerwa, achandishumira.

My eyes will be on the faithful of the land, that they may dwell with me. He who walks in a perfect way, he will serve me.

7 Hakuna munhu anonyengera achagara mumba mangu; hakuna munhu anotaura nhema achamira pamberi pangu.

He who practices deceit won’t dwell within my house. He who speaks falsehood won’t be established before my eyes.

8 Mangwanani oga oga ndichaita kuti vakaipa vose vari panyika vanyarare; ndichauraya vaiti vezvakaipa vose, vabve muguta raJehovha.

Morning by morning, I will destroy all the wicked of the land, to cut off all the workers of iniquity from the LORD’s city.