Mapisarema 101

1 Pisarema raDhavhidhi. Ndichaimba nezvorudo rwenyu nokururamisira kwenyu; kwamuri, imi Jehovha, ndichaimba nziyo dzokurumbidza.

A Psalm of David. I will sing of Your loving devotion and justice; to You, O LORD, I will sing praises.

2 Ndichangwarira kurarama upenyu husina chahungapomerwa. Muchauya riniko kwandiri? Ndichafamba mumba mangu nomwoyo usina chaungapomerwa.

I will ponder the way that is blameless— when will You come to me? I will walk in my house with integrity of heart.

3 Handingaisi chinhu chakaipa pamberi pangu. Ndinovenga mabasa avanhu vasingatendi; haanganamatiri kwandiri.

I will set no worthless thing before my eyes. I hate the work of those who fall away; it shall not cling to me.

4 Vanhu vane mwoyo yakatsauka vachava kure neni; handichazovi nechokuita nechakaipa.

A perverse heart shall depart from me; I will know nothing of evil.

5 Ani naani anoitira muvakidzani wake makuhwa pakavanda, iyeye ndiye wandichaita kuti anyarare; ani naani ane meso anozvikudza nomwoyo unozvikudza, iyeye handingamuregi akadaro.

Whoever slanders his neighbor in secret, I will put to silence; the one with haughty eyes and a proud heart, I will not endure.

6 Meso angu achava pamusoro pavakatendeka vari munyika, kuti vagare neni; iye ane mafambiro asina chaangapomerwa, achandishumira.

My eyes favor the faithful of the land, that they may dwell with me; he who walks in the way of integrity shall minister to me.

7 Hakuna munhu anonyengera achagara mumba mangu; hakuna munhu anotaura nhema achamira pamberi pangu.

No one who practices deceit shall dwell in my house; no one who tells lies shall stand in my presence.

8 Mangwanani oga oga ndichaita kuti vakaipa vose vari panyika vanyarare; ndichauraya vaiti vezvakaipa vose, vabve muguta raJehovha.

Every morning I will remove all the wicked of the land, that I may cut off every evildoer from the city of the LORD.