Zvirevo 8
1 Ko, uchenjeri hahudanidziri here? Kunzwisisa hakusimudziri inzwi rako here?
| הלא חכמה תקרא ותבונה תתן קולה׃ |
2 Panzvimbo dzakakwirira panzira, pamharadzano dzenzira, ndipo pahumire;
| בראש מרומים עלי דרך בית נתיבות נצבה׃ |
3 parutivi rwamasuo okupinda muguta, pamikova, hunodanidzirisa huchiti,
| ליד שערים לפי קרת מבוא פתחים תרנה׃ |
4 “Kwamuri, imi varume, ndinodanidzira; ndinosimudzira inzwi rangu kuvanhu vose.
| אליכם אישים אקרא וקולי אל בני אדם׃ |
5 Imi vasina mano, wanai uchenjeri; imi mapenzi, wanai kunzwisisa.
| הבינו פתאים ערמה וכסילים הבינו לב׃ |
6 Teererai, nokuti ndine zvinhu zvinokosha zvokutaura; ndinozarura muromo wangu kuti nditaure zvakarurama.
| שמעו כי נגידים אדבר ומפתח שפתי מישרים׃ |
7 Muromo wangu unotaura zvokwadi, nokuti miromo yangu inovenga zvakaipa.
| כי אמת יהגה חכי ותועבת שפתי רשע׃ |
8 Mashoko ose omuromo wangu akarurama; hapana kana rimwe rakakombama kana rakaipa.
| בצדק כל אמרי פי אין בהם נפתל ועקש׃ |
9 Kune ane njere ose zvawo akarurama, akarurama kuna avo vane zivo.
| כלם נכחים למבין וישרים למצאי דעת׃ |
10 Sarudza kurayira kwangu panzvimbo yesirivha, ruzivo panzvimbo yegoridhe rakaisvonaka,
| קחו מוסרי ואל כסף ודעת מחרוץ נבחר׃ |
11 nokuti uchenjeri hunokosha kupfuura marubhi, uye hapana chaungada chingaenzaniswa nahwo.
| כי טובה חכמה מפנינים וכל חפצים לא ישוו בה׃ |
12 “Ini, uchenjeri ndinogara pamwe chete navakachenjera; ndine ruzivo nenjere.
| אני חכמה שכנתי ערמה ודעת מזמות אמצא׃ |
13 Kutya Jehovha ndiko kuvenga zvakaipa; ndinovenga kuzvikudza namanyawi, maitiro akaipa nokutaura kunonyangadza.
| יראת יהוה שנאת רע גאה וגאון ודרך רע ופי תהפכות שנאתי׃ |
14 Zano nokutonga kwakanaka ndezvangu; ndine kunzwisisa nesimba.
| לי עצה ותושיה אני בינה לי גבורה׃ |
15 Madzimambo anobata ushe neni uye vatongi vanodzika mirayiro yakarurama;
| בי מלכים ימלכו ורוזנים יחקקו צדק׃ |
16 machinda anofambisa ushe neni, navakuru vose vanotonga panyika.
| בי שרים ישרו ונדיבים כל שפטי צדק׃ |
17 Ndinoda avo vanondida, uye vaya vanonditsvaka vanondiwana.
| אני אהביה אהב ומשחרי ימצאנני׃ |
18 Pfuma nokukudzwa zvineni, upfumi hunogara nokururama.
| עשר וכבוד אתי הון עתק וצדקה׃ |
19 Chibereko changu chakanaka kupfuura goridhe rakaisvonaka; zvandinobereka zvinopfuura sirivha yakaisvonaka.
| טוב פריי מחרוץ ומפז ותבואתי מכסף נבחר׃ |
20 Ndinofamba munzira dzokururama, pamakwara okururamisira,
| בארח צדקה אהלך בתוך נתיבות משפט׃ |
21 ndichipa upfumi kuna avo vanondida, uye ndichiita kuti matura avo azare.
| להנחיל אהבי יש ואצרתיהם אמלא׃ |
22 “Jehovha akandibudisa sebasa rake rokutanga pamabasa ake, kutangira mabasa ake akare;
| יהוה קנני ראשית דרכו קדם מפעליו מאז׃ |
23 ndakagadzwa kubva pakusingaperi, kubva pakutanga, nyika isati yavapo.
| מעולם נסכתי מראש מקדמי ארץ׃ |
24 Makungwa asati avapo, ndakaberekwa, pasati pava nezvitubu zvine mvura zhinji;
| באין תהמות חוללתי באין מעינות נכבדי מים׃ |
25 makomo asati aiswa munzvimbo dzawo, zvikomo zvisati zvavapo, ndakaberekwa,
| בטרם הרים הטבעו לפני גבעות חוללתי׃ |
26 asati aita nyika neminda kana guruva ripi zvaro renyika.
| עד לא עשה ארץ וחוצות וראש עפרות תבל׃ |
27 Ndakanga ndiripo paakaisa matenga munzvimbo dzawo, paakaita denderedzwa pamusoro pamakungwa,
| בהכינו שמים שם אני בחוקו חוג על פני תהום׃ |
28 paakaita makore kudenga uye paakasimbisa zvitubu zvamakungwa,
| באמצו שחקים ממעל בעזוז עינות תהום׃ |
29 paakapa gungwa miganhu yaro kuti mvura dzirege kudarika zvaakarayira, uye paakateya nheyo dzenyika.
| בשומו לים חקו ומים לא יעברו פיו בחוקו מוסדי ארץ׃ |
30 Ipapo ndini ndaiva mhizha parutivi rwake. Ndaigara ndichifara zuva nezuva, ndichifara nguva dzose pamberi pake,
| ואהיה אצלו אמון ואהיה שעשעים יום יום משחקת לפניו בכל עת׃ |
31 ndichifadzwa nenyika yake yose uye ndichifadzwa navanhu vose.
| משחקת בתבל ארצו ושעשעי את בני אדם׃ |
32 “Saka zvino, vanakomana vangu, teererai kwandiri; vakaropafadzwa avo vanochengeta nzira dzangu.
| ועתה בנים שמעו לי ואשרי דרכי ישמרו׃ |
33 Teererai kurayira kwangu mugova vakachenjera; musakushayira hanya.
| שמעו מוסר וחכמו ואל תפרעו׃ |
34 Akaropafadzwa munhu anoteerera kwandiri, anorinda mazuva ose pamasuo angu. Anomira pamukova womusuo wangu.
| אשרי אדם שמע לי לשקד על דלתתי יום יום לשמר מזוזת פתחי׃ |
35 Nokuti ani naani anondiwana anowana upenyu uye anogamuchira nyasha kubva kuna Jehovha.
| כי מצאי מצאי חיים ויפק רצון מיהוה׃ |
36 Asi ani naani asingandiwani anozvikuvadza; vose vanondivenga vanoda rufu.”
| וחטאי חמס נפשו כל משנאי אהבו מות׃ |
