Zvirevo 6
1 Mwanakomana wangu, kana uchinge waita rubatso kumuvakidzani wako, kana uchinge waita mhiko nokumbunda noruoko rwako kuno mumwe,
| בני אם-ערבת לרעך תקעת לזר כפיך |
2 kana uchinge wasungwa nokuda kwezvawakataura, wabatwa namashoko omuromo wako,
| נוקשת באמרי-פיך נלכדת באמרי-פיך |
3 ipapo ita izvi, mwanakomana wangu, kuti uzvisunungure, sezvo wawira mumaoko omuvakidzani wako! Enda undozvininipisa; ukumbire zvikuru kumuvakidzani wako!
| עשה זאת אפוא בני והנצל-- כי באת בכף-רעך לך התרפס ורהב רעיך |
4 Usatendera meso ako hope, usatendera meso ako kutsumwaira.
| אל-תתן שנה לעיניך ותנומה לעפעפיך |
5 Zvipukunyutse, semhara kubva paruoko rwomuvhimi, seshiri kubva paugombe hwomuteyi.
| הנצל כצבי מיד וכצפור מיד יקוש |
6 Enda kusvosve, iwe simbe; cherechedza nzira dzaro ugova wakachenjera!
| לך-אל-נמלה עצל ראה דרכיה וחכם |
7 Harina mutungamiri, mutariri kana mutongi,
| אשר אין-לה קצין-- שטר ומשל |
8 asi rinochengeta zvokudya zvaro muzhizha, uye rinounganidza zvokudya zvaro pakukohwa.
| תכין בקיץ לחמה אגרה בקציר מאכלה |
9 Uchasvika riniko wakarara ipapo, iwe simbe? Uchamuka riniko kubva pahope dzako?
| עד-מתי עצל תשכב מתי תקום משנתך |
10 Kumbovata zvishomanana, kumbotsumwaira zvishomanana, kumbopeta maoko zvishomanana kuti ndizorore.
| מעט שנות מעט תנומות מעט חבק ידים לשכב |
11 Naizvozvo urombo huchauya kwauri segororo, uye kushayiwa somurwi akashonga nhumbi dzokurwa.
| ובא-כמהלך ראשך ומחסרך כאיש מגן |
12 Munhu asina maturo uye anoita zvakaipa, anofamba-famba achitaura zvakaora,
| אדם בליעל איש און הולך עקשות פה |
13 anochonya nameso ake, anonongedzera netsoka dzake, uye anodudzira neminwe yake,
| קרץ בעינו מלל ברגלו מרה באצבעתיו |
14 anoronga zvakaipa nounyengeri mumwoyo make, iyeyo anogaromutsa kupesana.
| תהפכות בלבו--חרש רע בכל-עת מדנים (מדינים) ישלח |
15 Naizvozvo njodzi ichamuwira munguva shoma shoma; achaparadzwa nokukurumidza, pasina chingamubatsira.
| על-כן--פתאם יבוא אידו פתע ישבר ואין מרפא |
16 Pane zvinhu zvitanhatu zvakavengwa naJehovha, zvinomwe zvinomunyangadza zvinoti:
| שש-הנה שנא יהוה ושבע תועבות (תועבת) נפשו |
17 meso anozvikudza, rurimi runoreva nhema, maoko anodeura ropa risina mhosva,
| עינים רמות לשון שקר וידים שפכות דם-נקי |
18 mwoyo unoronga mano akaipa, tsoka dzinokurumidza kumhanyira muzvakaipa,
| לב--חרש מחשבות און רגלים ממהרות לרוץ לרעה |
19 chapupu chenhema chinodurura nhema, uye munhu anomutsa kupesana pakati pehama.
| יפיח כזבים עד שקר ומשלח מדנים בין אחים |
20 Mwanakomana wangu, chengetedza mirayiro yababa vako, uye usarasa kudzidzisa kwamai vako.
| נצר בני מצות אביך ואל-תטש תורת אמך |
21 Zvisungirire pamwoyo wako nokusingaperi; uzvishonge pamutsipa wako.
| קשרם על-לבך תמיד ענדם על-גרגרתך |
22 Paunofamba zvichakutungamirira; paucharara, zvichakurinda; pauchamuka, zvichataura newe.
| בהתהלכך תנחה אתך-- בשכבך תשמר עליך והקיצות היא תשיחך |
23 Nokuti mirayiro iyi ndiyo mwenje kwauri, dzidziso iyi ndiyo chiedza, uye kudzora kwokurayira ndiko nzira youpenyu,
| כי נר מצוה ותורה אור ודרך חיים תוכחות מוסר |
24 kunokuchengetedza pamukadzi asingazvibati, kubva parurimi runonyengera rwomudzimai asingazvibati.
| לשמרך מאשת רע מחלקת לשון נכריה |
25 Usachiva runako rwake mumwoyo mako, kana kumurega achikubata namaziso ake,
| אל-תחמד יפיה בלבבך ואל-תקחך בעפעפיה |
26 nokuti chifeve chinokuderedza kusvikira wafanana nechingwa, uye mukadzi womumwe asi ari chifeve anoendesa upenyu hwako chaihwo kurufu.
| כי בעד-אשה זונה עד-ככר-לחם ואשת איש-- נפש יקרה תצוד |
27 Ko, munhu angaisa moto pamakumbo ake, nguo dzake dzikasatsva here?
| היחתה איש אש בחיקו ובגדיו לא תשרפנה |
28 Ko, munhu angafamba pamazimbe anopisa, tsoka dzake dzikasatsva here?
| אם-יהלך איש על-הגחלים ורגליו לא תכוינה |
29 Ndizvo zvakaita uyo anorara nomudzimai womumwe murume; hapana angabate mukadzi iyeyo akasarangwa.
| כן--הבא אל-אשת רעהו לא-ינקה כל-הנגע בה |
30 Vanhu havazvidzi mbavha kana ikaba kuti ipedze nzara yayo painenge yoziya.
| לא-יבוזו לגנב כי יגנוב-- למלא נפשו כי ירעב |
31 Asi kana akabatwa, anofanira kuripa kakapetwa kanomwe, kunyange zvichimutorera pfuma yose yeimba yake.
| ונמצא ישלם שבעתים את-כל-הון ביתו יתן |
32 Asi munhu anoita upombwe, anoshayiwa njere; ani naani anozviita anozviparadza iye pachake.
| נאף אשה חסר-לב משחית נפשו הוא יעשנה |
33 Kurohwa nokunyadziswa ndiwo mugove wake, uye kunyadziswa kwake hakungatongobviswi;
| נגע-וקלון ימצא וחרפתו לא תמחה |
34 nokuti godo rinomutsa hasha dzomurume, uye haanganzwiri tsitsi kana otsiva.
| כי-קנאה חמת-גבר ולא-יחמול ביום נקם |
35 Haangagamuchiri muripo upi zvawo; acharamba fufuro, kunyange rakakura sei.
| לא-ישא פני כל-כפר ולא-יאבה כי תרבה-שחד |
