Zvirevo 29
1 Munhu anoramba akaomesa mutsipa wake mushure mokutsiurwa kazhinji achaparadzwa nokukurumidza, kusina chingamubatsira.
| איש תוכחות מקשה ערף פתע ישבר ואין מרפא׃ |
2 Kana vakarurama vachiwanda, vanhu vanofara; asi kana vakaipa vachitonga, vanhu vanogomera.
| ברבות צדיקים ישמח העם ובמשל רשע יאנח עם׃ |
3 Munhu anoda uchenjeri anouyisa mufaro kuna baba vake, asi anoshamwaridzana nechifeve anoparadza pfuma yake.
| איש אהב חכמה ישמח אביו ורעה זונות יאבד הון׃ |
4 Nokururamisira mambo anosimbisa nyika, asi uyo anokara fufuro anoiparadza.
| מלך במשפט יעמיד ארץ ואיש תרומות יהרסנה׃ |
5 Ani naani anonyengera muvakidzani wake anodzikira tsoka dzake mumbure.
| גבר מחליק על רעהו רשת פורש על פעמיו׃ |
6 Munhu akaipa anoteyiwa nezvivi zvake, asi munhu akarurama anogona kuimba uye agofara.
| בפשע איש רע מוקש וצדיק ירון ושמח׃ |
7 Vakarurama vane hanya nokururamisirwa kwavarombo, asi vakaipa havana hanya naizvozvo.
| ידע צדיק דין דלים רשע לא יבין דעת׃ |
8 Vatuki vanomutsa bope muguta, asi vanhu vakachenjera vanodzora kutsamwa.
| אנשי לצון יפיחו קריה וחכמים ישיבו אף׃ |
9 Kana munhu akachenjera akaenda kumatare nebenzi, benzi rinotsamwa uye rigotuka, zvokuti hapangavi norugare.
| איש חכם נשפט את איש אויל ורגז ושחק ואין נחת׃ |
10 Vanhu vanofarira kudeura ropa vanovenga munhu akarurama, uye vanotsvaka kuuraya vakarurama.
| אנשי דמים ישנאו תם וישרים יבקשו נפשו׃ |
11 Benzi rinobudisa hasha dzaro dzose, asi munhu akachenjera anozvibata.
| כל רוחו יוציא כסיל וחכם באחור ישבחנה׃ |
12 Kana mutongi akateerera nhema machinda ake ose achava akaipa.
| משל מקשיב על דבר שקר כל משרתיו רשעים׃ |
13 Murombo nomunhu anomanikidza vakafanana pachinhu ichi: Jehovha ndiye anoita kuti meso avo vose aone.
| רש ואיש תככים נפגשו מאיר עיני שניהם יהוה׃ |
14 Kana mambo akatonga varombo nokururamisira, chigaro chake choushe chinogara chakachengetedzeka nguva dzose.
| מלך שופט באמת דלים כסאו לעד יכון׃ |
15 Shamhu yokuranga inopa uchenjeri, asi mwana anosiyiwa akadaro achanyadzisa mai vake.
| שבט ותוכחת יתן חכמה ונער משלח מביש אמו׃ |
16 Kana vakaipa vachiwanda, nezvivi zvinowandawo, asi vakarurama vachaona kuwa kwavo.
| ברבות רשעים ירבה פשע וצדיקים במפלתם יראו׃ |
17 Ranga mwanakomana wako, ipapo achakupa rugare; achauyisa mufaro kumweya wako.
| יסר בנך ויניחך ויתן מעדנים לנפשך׃ |
18 Pasina chizaruro, vanhu vanoramba kuzvidzora; asi akaropafadzwa uyo anochengeta murayiro.
| באין חזון יפרע עם ושמר תורה אשרהו׃ |
19 Muranda haarayirwi namashoko zvawo chete, nokuti kunyange achinzwisisa, haangadaviri.
| בדברים לא יוסר עבד כי יבין ואין מענה׃ |
20 Unoona here munhu anotaura achikurumidza? Benzi rine tariro zhinji kupfuura iye.
| חזית איש אץ בדבריו תקוה לכסיל ממנו׃ |
21 Kana munhu akaregerera muranda wake kubva paudiki, achazotarisira kodzero dzomwanakomana pakupedzisira.
| מפנק מנער עבדו ואחריתו יהיה מנון׃ |
22 Munhu akashatirwa anomutsa kupesana, uye munhu ane hasha anoita zvivi zvizhinji.
| איש אף יגרה מדון ובעל חמה רב פשע׃ |
23 Kuzvikudza kwomunhu kunomudzikisira pasi, asi munhu ane mweya wokuzvininipisa achawana kukudzwa.
| גאות אדם תשפילנו ושפל רוח יתמך כבוד׃ |
24 Anoshamwaridzana nembavha anozvivenga iye pachake; anoiswa pasi pemhiko, asi haangakwanisi kupa uchapupu.
| חולק עם גנב שונא נפשו אלה ישמע ולא יגיד׃ |
25 Kutya munhu kuchava musungo, asi ani naani anovimba naJehovha achagara akachengetedzeka.
| חרדת אדם יתן מוקש ובוטח ביהוה ישגב׃ |
26 Vazhinji vanotsvaka nyasha kumutongi, asi kururamisirwa kwomunhu kunobva kuna Jehovha.
| רבים מבקשים פני מושל ומיהוה משפט איש׃ |
27 Vakarurama vanovenga vasina kutendeka; vakaipa vanovenga vakarurama.
| תועבת צדיקים איש עול ותועבת רשע ישר דרך׃ |
