Zvirevo 28
1 Munhu akaipa anotiza kusina anomudzinganisa, asi vakarurama vakashinga seshumba.
| נסו ואין-רדף רשע וצדיקים ככפיר יבטח |
2 Kana nyika ikapanduka, inova navatungamiri vakawanda, asi munhu anonzwisisa uye ane ruzivo anochengetedza runyararo.
| בפשע ארץ רבים שריה ובאדם מבין ידע כן יאריך |
3 Mutongi anomanikidza varombo akaita semvura inokukura ichisiya pasina zvirimwa.
| גבר-רש ועשק דלים-- מטר סחף ואין לחם |
4 Avo vanorasa murayiro vanorumbidza vakaipa, asi avo vanochengeta murayiro vanovapikisa.
| עזבי תורה יהללו רשע ושמרי תורה יתגרו בם |
5 Vanhu vakaipa havanzwisisi kururamisira, asi avo vanotsvaka Jehovha vanozvinzwisisa kwazvo.
| אנשי-רע לא-יבינו משפט ומבקשי יהוה יבינו כל |
6 Zviri nani kuva murombo ane mafambiro akarurama pane mupfumi ane nzira dzakatsauka.
| טוב-רש הולך בתמו-- מעקש דרכים והוא עשיר |
7 Uyo anochengeta murayiro mwanakomana akachenjera, asi anofambidzana navanhu vane madyo anonyadzisa baba vake.
| נוצר תורה בן מבין ורעה זוללים יכלים אביו |
8 Uyo anowedzera pfuma yake nokutengesa nomutengo uri pamusoro-soro, anozviunganidzira mumwe, uyo anozonzwira varombo tsitsi.
| מרבה הונו בנשך ובתרבית (ותרבית)-- לחונן דלים יקבצנו |
9 Kana munhu akaramba kunzwa murayiro nenzeve dzake, kunyange minyengetero yake inonyangadza.
| מסיר אזנו משמע תורה-- גם תפלתו תועבה |
10 Uyo anotungamirira vakarurama panzira yakaipa, achawira mumuteyo wake pachake, asi vasina mhosva vachagamuchira nhaka yakanaka.
| משגה ישרים בדרך רע--בשחותו הוא-יפול ותמימים ינחלו-טוב |
11 Munhu akapfuma angazviti akachenjera pakuona kwake, asi murombo ane njere anomuonorora.
| חכם בעיניו איש עשיר ודל מבין יחקרנו |
12 Kana vakarurama vachikunda, kune mufaro mukuru; asi kana akaipa akava pachigaro chokutonga, vanhu vanohwanda.
| בעלץ צדיקים רבה תפארת ובקום רשעים יחפש אדם |
13 Uyo anofukidzira zvivi zvake haabudiriri, asi ani naani anozvireurura uye agozvirasa achawana nyasha.
| מכסה פשעיו לא יצליח ומודה ועזב ירחם |
14 Akaropafadzwa munhu anogara achitya Jehovha, asi uyo anoomesa mwoyo wake achawira mudambudziko.
| אשרי אדם מפחד תמיד ומקשה לבו יפול ברעה |
15 Seshumba inoomba, kana bere rinodzingirira, ndizvo zvakaita munhu akaipa anobata ushe pamusoro pavarombo.
| ארי-נהם ודב שוקק-- מושל רשע על עם-דל |
16 Mutongi anoshusha haana njere, asi uyo anovenga pfuma yakapambwa achararama kwamakore mazhinji.
| נגיד--חסר תבונות ורב מעשקות שנאי (שנא) בצע יאריך ימים |
17 Munhu anoshushikana nemhosva yake yokuuraya, acharamba ari wokutiza kusvikira pakufa; ngapasava nomunhu anomutsigira.
| אדם עשק בדם-נפש-- עד-בור ינוס אל-יתמכו-בו |
18 Uyo ano mufambiro wakarurama anogara akachengetedzeka, asi uyo ane nzira dzakatsauka achawa nokukurumidza.
| הולך תמים יושע ונעקש דרכים יפול באחת |
19 Uyo anorima munda wake achava nezvokudya zvakawanda, asi uyo anodzinganisana nezviroto achava nourombo hwakamufanira.
| עבד אדמתו ישבע-לחם ומרדף ריקים ישבע-ריש |
20 Munhu akatendeka acharopafadzwa zvikuru, asi uyo anokara pfuma haangaregi kurangwa.
| איש אמונות רב-ברכות ואץ להעשיר לא ינקה |
21 Kuita rusarura hakuna kunaka, asi kunyange zvakadaro munhu anogona kuita zvakaipa kuti awane chimedu chechingwa.
| הכר-פנים לא-טוב ועל-פת-לחם יפשע-גבר |
22 Munhu anonyima ane shungu dzokuda kupfuma asingazivi kuti urombo hwakamugaririra.
| נבהל להון--איש רע עין ולא-ידע כי-חסר יבאנו |
23 Uyo anotsiura munhu iye achawana nyasha dzakawanda pakupedzisira, kupfuura uyo ane rurimi runonyengera.
| מוכיח אדם אחרי חן ימצא-- ממחליק לשון |
24 Uyo anobira baba kana mai vake achiti, “Hazvina kuipa,” ndiye shamwari youya anoparadza.
| גוזל אביו ואמו--ואמר אין-פשע חבר הוא לאיש משחית |
25 Munhu ane ruchiva anomutsa kupesana, asi uyo anovimba naJehovha achabudirira.
| רחב-נפש יגרה מדון ובטח על-יהוה ידשן |
26 Uyo anovimba nesimba rake ibenzi, asi uyo anofamba muuchenjeri achachengetedzeka.
| בוטח בלבו הוא כסיל והולך בחכמה הוא ימלט |
27 Uyo anopa kuvarombo haangashayiwi chinhu, asi uyo anotsinzina meso ake kuvarombo achagamuchira kutukwa kuzhinji.
| נותן לרש אין מחסור ומעלים עיניו רב-מארות |
28 Kana akaipa achienda pachigaro chokutonga, vanhu vanohwanda; asi kana vakaipa vachiparara, vakarurama vanowanda.
| בקום רשעים יסתר אדם ובאבדם ירבו צדיקים |
