Zvirevo 15
1 Mhinduro nyoro inodzora kutsamwa, asi shoko rinorwadza rinomutsa hasha.
| מענה רך ישיב חמה ודבר עצב יעלה אף׃ |
2 Rurimi rwowakachenjera runobudisa zivo, asi muromo webenzi unodurura upenzi.
| לשון חכמים תיטיב דעת ופי כסילים יביע אולת׃ |
3 Meso aJehovha ari pose pose, achicherechedza vakaipa navakanaka.
| בכל מקום עיני יהוה צפות רעים וטובים׃ |
4 Rurimi runouyisa kuporesa ndirwo muti woupenyu, asi rurimi runonyengera runopwanya mweya.
| מרפא לשון עץ חיים וסלף בה שבר ברוח׃ |
5 Benzi rinoramba kurayira kwababa varo, asi ani naani anogamuchira kurayirwa anoratidza kungwara.
| אויל ינאץ מוסר אביו ושמר תוכחת יערם׃ |
6 Imba yowakarurama ine pfuma zhinji, asi zvinowanikwa nowakaipa zvinomuunzira kutambudzika.
| בית צדיק חסן רב ובתבואת רשע נעכרת׃ |
7 Miromo yavakachenjera inokusha zivo; asi mwoyo yamapenzi haidaro.
| שפתי חכמים יזרו דעת ולב כסילים לא כן׃ |
8 Jehovha anovenga chibayiro chowakaipa, asi munyengetero womunhu akarurama unomufadza.
| זבח רשעים תועבת יהוה ותפלת ישרים רצונו׃ |
9 Jehovha anovenga nzira yeakaipa, asi anoda vaya vanotevera kururama.
| תועבת יהוה דרך רשע ומרדף צדקה יאהב׃ |
10 Kurangwa kwakaomarara kwakamirira uyo anotsauka kubva panzira; uyo anovenga kudzorwa achafa.
| מוסר רע לעזב ארח שונא תוכחת ימות׃ |
| שאול ואבדון נגד יהוה אף כי לבות בני אדם׃ (Sheol h7585) |
12 Mudadi anovenga kudzorwa; haangabvunzi vakachenjera.
| לא יאהב לץ הוכח לו אל חכמים לא ילך׃ |
13 Mwoyo wakafara, unofadza chiso, asi mwoyo une shungu unopwanya mweya.
| לב שמח ייטב פנים ובעצבת לב רוח נכאה׃ |
14 Mwoyo unonzvera unotsvaka ruzivo, asi muromo webenzi unodya upenzi.
| לב נבון יבקש דעת ופני כסילים ירעה אולת׃ |
15 Mazuva ose omunhu anotambudzika akaipa, asi mwoyo unofara une mutambo nguva dzose.
| כל ימי עני רעים וטוב לב משתה תמיד׃ |
16 Zviri nani kuva nezvishoma uchitya Jehovha, pane kuva nepfuma zhinji namatambudziko.
| טוב מעט ביראת יהוה מאוצר רב ומהומה בו׃ |
17 Zviri nani kuva nezvokudya zvomuriwo pane rudo, pane kuva nemhuru yakakodzwa pane ruvengo.
| טוב ארחת ירק ואהבה שם משור אבוס ושנאה בו׃ |
18 Munhu ane hasha anomutsa bopoto, asi munhu ane mwoyo murefu anonyaradza kukakavara.
| איש חמה יגרה מדון וארך אפים ישקיט ריב׃ |
19 Nzira yesimbe yakasoswa neminzwa, asi nzira yavakarurama mugwagwa mukuru.
| דרך עצל כמשכת חדק וארח ישרים סללה׃ |
20 Mwanakomana akachenjera anounzira baba vake mufaro, asi munhu benzi anozvidza mai vake.
| בן חכם ישמח אב וכסיל אדם בוזה אמו׃ |
21 Upenzi hunofadza munhu anoshayiwa njere, asi munhu anonzwisisa anochengetedza nzira yakarurama.
| אולת שמחה לחסר לב ואיש תבונה יישר לכת׃ |
22 Urongwa hunoparara kana pasina vanopa mazano, asi vanopa mazano vakawanda hunobudirira.
| הפר מחשבות באין סוד וברב יועצים תקום׃ |
23 Munhu anowana mufaro mukupa mhinduro yakanaka, uye rakanaka seiko shoko rinouya nenguva!
| שמחה לאיש במענה פיו ודבר בעתו מה טוב׃ |
24 Nzira youpenyu kumunhu akachenjera inokwidza kumusoro, ichimuchengetedza kuti asaenda muguva. (Sheol h7585)
| ארח חיים למעלה למשכיל למען סור משאול מטה׃ (Sheol h7585) |
25 Jehovha anoparadza imba yomunhu anozvikudza, asi agochengeta miganhu yechirikadzi yakasimba.
| בית גאים יסח יהוה ויצב גבול אלמנה׃ |
26 Jehovha anovenga pfungwa dzowakaipa, asi dzavakachena dzinomufadza.
| תועבת יהוה מחשבות רע וטהרים אמרי נעם׃ |
27 Munhu anokara pfuma anouyisa kutambudzika kumhuri yake, asi anovenga fufuro achararama.
| עכר ביתו בוצע בצע ושונא מתנת יחיה׃ |
28 Mwoyo wokururama unoyera mhinduro dzawo, asi muromo woakaipa unodurura zvakaipa.
| לב צדיק יהגה לענות ופי רשעים יביע רעות׃ |
29 Jehovha ari kure neakaipa, asi anonzwa munyengetero weakarurama.
| רחוק יהוה מרשעים ותפלת צדיקים ישמע׃ |
30 Chiso chinobwinya chinofadza mwoyo, uye mashoko akanaka anopa utano kumapfupa.
| מאור עינים ישמח לב שמועה טובה תדשן עצם׃ |
31 Uyo anoteerera kutsiura kunopa upenyu achagara pakati pavakachenjera.
| אזן שמעת תוכחת חיים בקרב חכמים תלין׃ |
32 Uyo asina hanya nokurangwa anozvizvidza iye pachake, asi ani naani anogamuchira kurayira achawana kunzwisisa.
| פורע מוסר מואס נפשו ושומע תוכחת קונה לב׃ |
33 Kutya Jehovha kunodzidzisa munhu uchenjeri, uye kuzvininipisa kunotanga, kukudzwa kwozotevera.
| יראת יהוה מוסר חכמה ולפני כבוד ענוה׃ |
