Zvirevo 12
1 Ani naani anofarira kuzvirovedza anoda zivo, asi uyo anovenga kudzorwa ibenzi.
| אהב מוסר אהב דעת ושונא תוכחת בער |
2 Munhu akanaka anowana nyasha kubva kuna Jehovha, asi Jehovha anotuka munhu ane mano akaipa.
| טוב--יפיק רצון מיהוה ואיש מזמות ירשיע |
3 Munhu haangasimbiswi nezvakaipa, asi mudzi womunhu akarurama haungadzurwi.
| לא-יכון אדם ברשע ושרש צדיקים בל-ימוט |
4 Mudzimai ane unhu hwakanaka ikorona kumurume wake, asi mudzimai anonyadzisa akafanana nokuora mumapfupa omurume wake.
| אשת-חיל עטרת בעלה וכרקב בעצמותיו מבישה |
5 Urongwa hwomunhu akarurama hwakarurama, asi kurayira kwavakaipa kunonyengera.
| מחשבות צדיקים משפט תחבלות רשעים מרמה |
6 Mashoko owakaipa anovandira ropa, asi kutaura kwavakarurama kunovanunura.
| דברי רשעים ארב-דם ופי ישרים יצילם |
7 Vanhu vakaipa vanobviswa pachigaro uye havazovapozve, asi imba yowakarurama icharamba yakasimba.
| הפוך רשעים ואינם ובית צדיקים יעמד |
8 Munhu anorumbidzwa maererano nouchenjeri hwake, asi vanhu vane pfungwa dzakatsauka vanozvidzwa.
| לפי-שכלו יהלל-איש ונעוה-לב יהיה לבוז |
9 Zviri nani kuva munhu anoninipiswa asi iwe une muranda, pane kuzviita munhu wapamusoro iwe usina zvokudya.
| טוב נקלה ועבד לו-- ממתכבד וחסר-לחם |
10 Munhu akarurama ane hanya nechipfuwo chake, asi zviito zvakanaka zvowakaipa utsinye.
| יודע צדיק נפש בהמתו ורחמי רשעים אכזרי |
11 Uyo anoshanda mumunda wake achava nezvokudya zvakawanda, asi uyo anongotevera zvisina maturo anoshayiwa zivo.
| עבד אדמתו ישבע-לחם ומרדף ריקים חסר-לב |
12 Vakaipa vanopanga zvakapambwa zvavanhu vakaipa, asi mudzi woakarurama unobereka zvibereko.
| חמד רשע מצוד רעים ושרש צדיקים יתן |
13 Munhu akaipa anobatwa nokutaura kwake kwakaipa, asi munhu akarurama anopunyuka padambudziko.
| בפשע שפתים מוקש רע ויצא מצרה צדיק |
14 Kubva pazvibereko zvemiromo yake munhu anozadzwa nezvinhu zvakanaka, zvirokwazvo sokupiwa mubayiro kwaanoitwa nebasa ramaoko ake.
| מפרי פי-איש ישבע-טוב וגמול ידי-אדם ישוב (ישיב) לו |
15 Nzira yebenzi inoita seyakanaka kwaari, asi munhu akachenjera anoteerera kurayira.
| דרך אויל ישר בעיניו ושמע לעצה חכם |
16 Benzi rinoratidza kutsamwa pakarepo, asi munhu akachenjera anoshayira hanya kutukwa.
| אויל--ביום יודע כעסו וכסה קלון ערום |
17 Chapupu chezvokwadi chinopa uchapupu hwezvokwadi, asi chapupu chenhema chinoreva nhema.
| יפיח אמונה יגיד צדק ועד שקרים מרמה |
18 Mashoko anotaurwa nokusarangarira anobaya somunondo, asi rurimi rwomunhu akachenjera runoporesa.
| יש בוטה כמדקרות חרב ולשון חכמים מרפא |
19 Miromo yezvokwadi ichasimbiswa nokusingaperi, asi rurimi runoreva nhema runogara kwechinguva chiduku.
| שפת-אמת תכון לעד ועד-ארגיעה לשון שקר |
20 Mune kunyengera mumwoyo yaavo vanoronga zvakaipa, asi rufaro rwuri kune avo vanokurudzira rugare.
| מרמה בלב-חרשי רע וליעצי שלום שמחה |
21 Akarurama haangatongowirwi nezvakaipa, asi vakaipa vachava namatambudziko akavafanira.
| לא-יאנה לצדיק כל-און ורשעים מלאו רע |
22 Jehovha anovenga miromo inotaura nhema, asi anofadzwa navanhu vanotaura chokwadi.
| תועבת יהוה שפתי-שקר ועשי אמונה רצונו |
23 Munhu akachenjera anovanza zivo yake, asi mwoyo yamapenzi inotaura zvoupenzi.
| אדם ערום כסה דעת ולב כסילים יקרא אולת |
24 Maoko anoshingaira achatonga, asi usimbe hunopedzisira mukushanda somuranda.
| יד-חרוצים תמשול ורמיה תהיה למס |
25 Mwoyo unopunyaira unoremedza munhu, asi shoko nyoro rinomufadza.
| דאגה בלב-איש ישחנה ודבר טוב ישמחנה |
26 Munhu akarurama anochenjerera ushamwari, asi nzira yavakaipa inovatungamirira mukurasika.
| יתר מרעהו צדיק ודרך רשעים תתעם |
27 Munhu ane usimbe haagochi mhuka yaabata, asi munhu anoshingaira anokoshesa pfuma yake.
| לא-יחרך רמיה צידו והון-אדם יקר חרוץ |
28 Munzira yokururama mune upenyu; kwainoenda hakuna rufu.
| בארח-צדקה חיים ודרך נתיבה אל-מות |
