Jobho 9
1 Ipapo Jobho akapindura akati:
| ויען איוב ויאמר׃ |
2 “Zvirokwazvo ndinoziva kuti ichokwadi. Asi munhu anofa angava akarurama pamberi paMwari seiko?
| אמנם ידעתי כי כן ומה יצדק אנוש עם אל׃ |
3 Kunyange dai mumwe aida kuita nharo naye, haaizogona kumupindura kamwe chete pamibvunzo chiuru.
| אם יחפץ לריב עמו לא יעננו אחת מני אלף׃ |
4 Uchenjeri hwake hwakadzika, simba rake iguru kwazvo. Ndianiko akamudzivisa akabuda asina vanga?
| חכם לבב ואמיץ כח מי הקשה אליו וישלם׃ |
5 Anofambisa makomo iwo asingazivi agoapidigura mukutsamwa kwake kukuru.
| המעתיק הרים ולא ידעו אשר הפכם באפו׃ |
6 Anozungunusa nyika ikabva panzvimbo yayo uye anoita kuti mbiru dzayo dzidengenyeke.
| המרגיז ארץ ממקומה ועמודיה יתפלצון׃ |
7 Anotaura kuzuva iro ndokurega kuvhenekera; anodzivira chiedza chenyeredzi.
| האמר לחרס ולא יזרח ובעד כוכבים יחתם׃ |
8 Iye oga anotambanudza matenga uye anofamba pamusoro pamafungu egungwa.
| נטה שמים לבדו ודורך על במתי ים׃ |
9 Ndiye Muiti weNyeredzi dzeAkutiro neOrioni, dzeChimunomwe namapoka enyeredzi dzenyasi.
| עשה עש כסיל וכימה וחדרי תמן׃ |
10 Anoita minana isingagoni kunzwisisiswa, nezvishamiso zvisingagoni kuverengwa.
| עשה גדלות עד אין חקר ונפלאות עד אין מספר׃ |
11 Paanondipfuura, handigoni kumuona; paanoenda napo handingamuoni.
| הן יעבר עלי ולא אראה ויחלף ולא אבין לו׃ |
12 Kana achibvuta, ndiani angamudzivisa? Ndiani angati kwaari, ‘Unoiteiko?’
| הן יחתף מי ישיבנו מי יאמר אליו מה תעשה׃ |
13 Mwari haadzori kutsamwa kwake; kunyange boka ravarwi raRahabhi rakawira patsoka dzake nokutya.
| אלוה לא ישיב אפו תחתו שחחו עזרי רהב׃ |
14 “Zvino ndingakakavadzana naye seiko? Ndingawana seiko mashoko okuita nharo naye?
| אף כי אנכי אעננו אבחרה דברי עמו׃ |
15 Kunyange ndakanga ndisina mhaka, handaigona kumupindura; ndaingokumbira hangu nyasha kuMutongi wangu.
| אשר אם צדקתי לא אענה למשפטי אתחנן׃ |
16 Kunyange dai ndaimudana hangu uye akandipindura, handitendi kuti aizowana nguva yokundinzwa.
| אם קראתי ויענני לא אאמין כי יאזין קולי׃ |
17 Aizondiparadza nedutu uye achizowedzera maronda angu pasina mhosva.
| אשר בשערה ישופני והרבה פצעי חנם׃ |
18 Haaizonditenderazve kuti nditure mafemo, asi aizondizadza namatambudziko.
| לא יתנני השב רוחי כי ישבעני ממררים׃ |
19 Kana zviri zvesimba, iye ane simba guru! Uye kana zviri zvokururamisira, ndianiko angamudana kuti amutonge?
| אם לכח אמיץ הנה ואם למשפט מי יועידני׃ |
20 Kunyange dai ndisina mhosva, muromo wangu waizongondipa mhaka; dai zvangu ndakarurama, iwo waizongondipa mhaka.
| אם אצדק פי ירשיעני תם אני ויעקשני׃ |
21 “Kunyange ndisina mhosva, handina hangu hanya nazvo; ndinozvidza upenyu hwangu pachangu.
| תם אני לא אדע נפשי אמאס חיי׃ |
22 Zvakangofanana; ndokusaka ndichiti, ‘Iye anoparadza vasina mhosva nevakaipa.’
| אחת היא על כן אמרתי תם ורשע הוא מכלה׃ |
23 Kana dambudziko rikauyisa rufu nokukurumidza, achaseka kushaya tariro kwavasina mhosva.
| אם שוט ימית פתאם למסת נקים ילעג׃ |
24 Panowira nyika mumaoko avakaipa, vatongi vayo anovapofumadza. Kana asiri iye, zvino ndianiko?
| ארץ נתנה ביד רשע פני שפטיה יכסה אם לא אפוא מי הוא׃ |
25 “Mazuva angu anokurumidza kupfuura mumhanyi; anobhururuka oenda asina kumboona mufaro.
| וימי קלו מני רץ ברחו לא ראו טובה׃ |
26 Anopfuura sezvikepe zvenhokwe, kufanana namakondo anomhanyira nyama yawo.
| חלפו עם אניות אבה כנשר יטוש עלי אכל׃ |
27 Kana ndikati, ‘Ndichakanganwa kunyunyuta kwangu, ndichashandura chiso changu, ndigonyemwerera,’
| אם אמרי אשכחה שיחי אעזבה פני ואבליגה׃ |
28 ndinongotya kutambura kwangu, nokuti ndinoziva kuti imi hamuregi kundipa mhosva.
| יגרתי כל עצבתי ידעתי כי לא תנקני׃ |
29 Sezvo ndatopiwa hangu mhosva, ko, ndichagotamburirei pasina?
| אנכי ארשע למה זה הבל איגע׃ |
30 Kunyange dai ndikazvishambidza nesipo uye ndikashamba maoko angu nesoda,
| אם התרחצתי במו שלג והזכותי בבר כפי׃ |
31 imi muchandinyudza mugomba rematope zvokuti kunyange nenguo dzangu dzichandisema.
| אז בשחת תטבלני ותעבוני שלמותי׃ |
32 “Iye haasi munhu akafanana neni kuti ndimupindure, kuti zvimwe iye neni tisangane mudare redzimhosva.
| כי לא איש כמני אעננו נבוא יחדו במשפט׃ |
33 Dai chete paingova nomumwe angamira pakati pedu, kuti aise ruoko rwake patiri tose,
| לא יש בינינו מוכיח ישת ידו על שנינו׃ |
34 mumwe zvake angabvise shamhu yaMwari kwandiri, kuti kutyisa kwake kurege kundivhundutsazve.
| יסר מעלי שבטו ואמתו אל תבעתני׃ |
35 Ipapo ndichataura ndisingamutyi, asi sezvazvakaita kwandiri iye zvino, handingakwanisi.
| אדברה ולא איראנו כי לא כן אנכי עמדי׃ |
