Jobho 8
1 Ipapo Bhiridhadhi muShuhi akapindura akati:
| ויען בלדד השוחי ויאמר׃ |
2 “Uchasvika riini uchitaura zvinhu zvakadai? Mashoko ako imhepo inovhuvhuta.
| עד אן תמלל אלה ורוח כביר אמרי פיך׃ |
3 Ko, Mwari angaminamisa zvakarurama here? Ko, iye Wamasimba Ose angaminamisa kururama here?
| האל יעות משפט ואם שדי יעות צדק׃ |
4 Vana vako pavakamutadzira, akaita kuti varangirwe chivi chavo.
| אם בניך חטאו לו וישלחם ביד פשעם׃ |
5 Asi kana ukatarisa kuna Mwari uye ukademba kuna Wamasimba Ose,
| אם אתה תשחר אל אל ואל שדי תתחנן׃ |
6 kana uri wakachena uye wakarurama, kunyange izvozvi achasimuka kuti akurwire, agokudzoserazve panzvimbo yako chaiyo.
| אם זך וישר אתה כי עתה יעיר עליך ושלם נות צדקך׃ |
7 Kunyange mavambo ako akanga ari epasi pasi, ramangwana rako richava rokubudirira.
| והיה ראשיתך מצער ואחריתך ישגה מאד׃ |
8 “Bvunza marudzi akare ugocherechedza zvakadzidzwa namadzibaba avo,
| כי שאל נא לדר רישון וכונן לחקר אבותם׃ |
9 nokuti isu takaberekwa zuro uye hatina chatinoziva, uye mazuva edu panyika akangoita somumvuri.
| כי תמול אנחנו ולא נדע כי צל ימינו עלי ארץ׃ |
10 Ko, havangakudzidzisi uye vagokuudza here? Ko, havangakuvigiri mashoko anobva pakunzwisisa kwavo here?
| הלא הם יורוך יאמרו לך ומלבם יוצאו מלים׃ |
11 Ko, nhokwe dzingamera pasina nhope here? Ko, tsanga dzingararama pasina mvura here?
| היגאה גמא בלא בצה ישגה אחו בלי מים׃ |
12 Dzichiri kumera uye dzisati dzatemwa, dzinokurumidza kuoma kupinda uswa.
| עדנו באבו לא יקטף ולפני כל חציר ייבש׃ |
13 Ndizvo zvakaita magumo avose vanokanganwa Mwari; saizvozvo tariro yavasina Mwari inoparara.
| כן ארחות כל שכחי אל ותקות חנף תאבד׃ |
14 Zvaanovimba nazvo hazvina kusimba, zvaanovimba nazvo mambure edandemutande.
| אשר יקוט כסלו ובית עכביש מבטחו׃ |
15 Anosendamira padandemutande rake, asi rinobvaruka; anobatirira pariri, asi harimiri.
| ישען על ביתו ולא יעמד יחזיק בו ולא יקום׃ |
16 Akafanana nomuti wakanyatsodiridzwa pamushana, unotandavadza mabukira awo pamusoro pebindu;
| רטב הוא לפני שמש ועל גנתו ינקתו תצא׃ |
17 unomonera midzi yawo pamurwi wamatombo, uye unotsvaka nzvimbo pakati pamatombo.
| על גל שרשיו יסבכו בית אבנים יחזה׃ |
18 Asi kana ukatsemuka ukadzurwa kubva panzvimbo yawo, nzvimbo iyo ichauramba igoti, ‘Handina kumbokuona.’
| אם יבלענו ממקומו וכחש בו לא ראיתיך׃ |
19 Zvirokwazvo upenyu hwawo, hunooma, uye mimwe miti inomera ichibuda muvhu.
| הן הוא משוש דרכו ומעפר אחר יצמחו׃ |
20 “Zvirokwazvo Mwari haarambi munhu asina mhaka uye haasimbisi maoko avaiti vezvakaipa.
| הן אל לא ימאס תם ולא יחזיק ביד מרעים׃ |
21 Achazadza muromo wako nokuseka uye miromo yako nokupururudza.
| עד ימלה שחוק פיך ושפתיך תרועה׃ |
22 Vavengi vako vachashongedzwa kunyadziswa, uye matende avakaipa haachazovapozve.”
| שנאיך ילבשו בשת ואהל רשעים איננו׃ |
