Jobho 40
1 Jehovha akati kuna Jobho:
| ויען יהוה את-איוב ויאמר |
2 “Ko, munhu anokakavadzana noWamasimba Ose angamurayira here? Anopomera Mwari mhosva ngaamupindure!”
| הרב עם-שדי יסור מוכיח אלוה יעננה |
3 Ipapo Jobho akapindura Jehovha akati:
| ויען איוב את-יהוה ויאמר |
4 “Ini handina maturo, ndingakupindurai seiko? Ndafumbira muromo wangu.
| הן קלתי מה אשיבך ידי שמתי למו-פי |
5 Ndakataura kamwe chete, asi handina mhinduro, kaviri, asi handichapamhidzazve.”
| אחת דברתי ולא אענה ושתים ולא אוסיף |
6 Ipapo Jehovha akataura naJobho ari mudutu akati:
| ויען-יהוה את-איוב מנסערה (מן סערה) ויאמר |
7 “Chizvisunga chiuno somurume; ini ndichakubvunza, uye iwe uchandipindura.
| אזר-נא כגבר חלציך אשאלך והודיעני |
8 “Ko, iwe unoda kukanganisa kururamisira kwangu here? Ko, unondipomera kuti uzviruramise here?
| האף תפר משפטי תרשיעני למען תצדק |
9 Uno ruoko rwakaita sorwaMwari here, uye inzwi rako ringatinhira serake here?
| ואם-זרוע כאל לך ובקול כמהו תרעם |
10 Chizvishongedza zvino nokukudzwa uye nokubwinya, uye zvishongedze nokuremekedzwa uye noumambo.
| עדה נא גאון וגבה והוד והדר תלבש |
11 Regedzera ukasha hwehasha dzako, utarire munhu mumwe nomumwe anozvikudza ugomuderedza,
| הפץ עברות אפך וראה כל-גאה והשפילהו |
12 tarira murume mumwe nomumwe anozvikudza ugomuninipisa, pwanya vakaipa ipapo pavamire.
| ראה כל-גאה הכניעהו והדך רשעים תחתם |
13 Uvavige vose pamwe chete muguruva; ufukidze zviso zvavo muguva.
| טמנם בעפר יחד פניהם חבש בטמון |
14 Ipapo ini pachangu ndichabvuma kwauri kuti ruoko rwako rworudyi rungakuponesa.
| וגם-אני אודך כי-תושע לך ימינך |
15 “Tarisa kumvuu, yandakaita pamwe chete newe uye inofura uswa senzombe.
| הנה-נא בהמות אשר-עשיתי עמך חציר כבקר יאכל |
16 Simba rainaro muchiuno chayo, kusimba kwayo kuri mumakakava edumbu rayo.
| הנה-נא כחו במתניו ואונו בשרירי בטנו |
17 Muswe wayo unotsvikidza somusidhari; marunda ezvidya zvayo akasonanidzwa.
| יחפץ זנבו כמו-ארז גידי פחדו ישרגו |
18 Mapfupa ayo ipombi dzendarira, miromo yayo yakaita setsvimbo dzesimbi.
| עצמיו אפיקי נחשה גרמיו כמטיל ברזל |
19 Iyo iri pachinzvimbo chokutanga pakati pamabasa aMwari, asi Muiti wayo anogona kusvika pairi nomunondo wake.
| הוא ראשית דרכי-אל העשו יגש חרבו |
20 Zvikomo zvinoivigira zvibereko zvayo, uye zvikara zvose zvesango zvinotambira pedyo nayo.
| כי-בול הרים ישאו-לו וכל-חית השדה ישחקו-שם |
21 Inovata pasi pemiti yemirotasi yakavanda pakati petsanga munhope.
| תחת-צאלים ישכב-- בסתר קנה ובצה |
22 Mirotasi inoivanza pamimvuri yayo; mikonachando iri mujinga morukova inoipoteredza.
| יסכהו צאלים צללו יסבוהו ערבי-נחל |
23 Panozara rwizi, iyo haivhunduki; inodekara zvayo, kunyange Jorodhani rukapfachukira kumuromo wayo.
| הן יעשק נהר לא יחפוז יבטח כי-יגיח ירדן אל-פיהו |
24 Pano munhu angagona kuibata neziso, kana kuiteya uye nokuibaya pamhino yayo here?
| בעיניו יקחנו במוקשים ינקב-אף |
