Jobho 38
1 Ipapo Jehovha akapindura Jobho ari mudutu akati:
| ויען יהוה את איוב מן הסערה ויאמר׃ |
2 “Ndianiko uyu anodzimaidza zano rangu namashoko asina zivo?
| מי זה מחשיך עצה במלין בלי דעת׃ |
3 Chizvishingisa somurume; ini ndichakubvunza, uye iwe uchandipindura.
| אזר נא כגבר חלציך ואשאלך והודיעני׃ |
4 “Iwe wakanga uripi pandakaisa nheyo dzenyika? Ndiudze, kana uchinzwisisa.
| איפה היית ביסדי ארץ הגד אם ידעת בינה׃ |
5 Ndianiko akatara miganhu yacho? Zvirokwazvo unozviziva! Ndianiko akaiyera nerwodzi?
| מי שם ממדיה כי תדע או מי נטה עליה קו׃ |
6 Ko, nheyo dzayo dzakanga dzimire pai, kana kuti ndianiko akaisa ibwe rapakona,
| על מה אדניה הטבעו או מי ירה אבן פנתה׃ |
7 panguva yaiimba nyeredzi dzamangwanani pamwe chete, uye vanakomana vaMwari vose vachipembera nomufaro?
| ברן יחד כוכבי בקר ויריעו כל בני אלהים׃ |
8 “Ndianiko akapfigira gungwa mikova parakatsemuka richibva muchizvaro,
| ויסך בדלתים ים בגיחו מרחם יצא׃ |
9 pandakaita makore kuti ave nguo yaro, uye ndikariputira murima guru,
| בשומי ענן לבשו וערפל חתלתו׃ |
10 pandakariisira miganhu yaro, uye ndikaisa makonhi aro namazariro panzvimbo yawo,
| ואשבר עליו חקי ואשים בריח ודלתים׃ |
11 pandakati, ‘Apa ndipo paunosvika uye haungapfuuri; pano ndipo panoguma kuzvikudza kwamafungu ako’?
| ואמר עד פה תבוא ולא תסיף ופא ישית בגאון גליך׃ |
12 “Wakambopa mutemo kumangwanani here, kana kuratidza mambakwedza nzvimbo yawo,
| המימיך צוית בקר ידעתה שחר מקמו׃ |
13 kuti abate mipendero yenyika, uye azungunuse vakaipa kuti vabve mairi?
| לאחז בכנפות הארץ וינערו רשעים ממנה׃ |
14 Nyika inoumbika sevhu pasi pechisimbiso; mamiriro ayo anoita senguo.
| תתהפך כחמר חותם ויתיצבו כמו לבוש׃ |
15 Vakaipa vanonyimwa chiedza chavo, uye ruoko rwavo rwakasimudzwa rwavhunika.
| וימנע מרשעים אורם וזרוע רמה תשבר׃ |
16 “Wakamboshanyira zvitubu zvegungwa here, kana kufamba kwakanyarara kwokwakadzika?
| הבאת עד נבכי ים ובחקר תהום התהלכת׃ |
17 Ko, masuo orufu wakamboaratidzwa here? Wakamboona masuo omumvuri worufu here?
| הנגלו לך שערי מות ושערי צלמות תראה׃ |
18 Wati wanzwisisa upamhi hwenzvimbo dzenyika here? Ndiudze kana uchiziva zvose izvi.
| התבננת עד רחבי ארץ הגד אם ידעת כלה׃ |
19 “Ko, nzira inoenda kunogara chiedza ndeipi? Ko, rima rinogarepi?
| אי זה הדרך ישכן אור וחשך אי זה מקמו׃ |
20 Ungagona kuzviisa kunzvimbo yazvo here? Unoziva nzira inoenda kwazvinogara here?
| כי תקחנו אל גבולו וכי תבין נתיבות ביתו׃ |
21 Zvirokwazvo iwe unoziva, nokuti wakanga waberekwa kare! Wararama kwamakore mazhinji kwazvo.
| ידעת כי אז תולד ומספר ימיך רבים׃ |
22 “Wakambopinda mudura rechando here, kana kuona dura rechimvuramabwe,
| הבאת אל אצרות שלג ואצרות ברד תראה׃ |
23 izvo zvandakachengetera nguva dzokutambudzika, mazuva ehondo neokurwa?
| אשר חשכתי לעת צר ליום קרב ומלחמה׃ |
24 Ko, nzira inoenda kunogoverwa mheni ndeipi, kana nzvimbo inoparadzirwa mhepo dzokumabvazuva pamusoro penyika?
| אי זה הדרך יחלק אור יפץ קדים עלי ארץ׃ |
25 Ndianiko anodziura mugero wemvura zhinji, nenzira yechimvuramabwe,
| מי פלג לשטף תעלה ודרך לחזיז קלות׃ |
26 kuti zvidiridze nyika isingagarwi nomunhu, gwenga risina munhu mariri,
| להמטיר על ארץ לא איש מדבר לא אדם בו׃ |
27 kugutsa nyika yakaparadzwa nokuita kuti imere uswa?
| להשביע שאה ומשאה ולהצמיח מצא דשא׃ |
28 Ko, mvura ina baba here? Ndianiko baba vemadonhwe edova?
| היש למטר אב או מי הוליד אגלי טל׃ |
29 Chando chinobva muchizvaro chaaniko? Ndianiko anobereka mazaya echando achibva kudenga,
| מבטן מי יצא הקרח וכפר שמים מי ילדו׃ |
30 panooma mvura ikaita sedombo, pamusoro pokwakadzika pachioma nechando?
| כאבן מים יתחבאו ופני תהום יתלכדו׃ |
31 “Ungagona kusunga nyeredzi dzeChimutanhatu here? Iwe ungasunungura mabote eOrioni here?
| התקשר מעדנות כימה או משכות כסיל תפתח׃ |
32 Ungabudisa mapoka enyeredzi panguva yadzo here, kana kutungamirira Akuturo navana vayo?
| התציא מזרות בעתו ועיש על בניה תנחם׃ |
33 Unoziva mitemo yokumatenga here? Ungagona kumisa umambo hwaMwari pamusoro penyika here?
| הידעת חקות שמים אם תשים משטרו בארץ׃ |
34 “Ko, iwe ungasvitsa inzwi rako kumakore here, uye ugozvifukidza namafashamu emvura?
| התרים לעב קולך ושפעת מים תכסך׃ |
35 Ko, iwe unotuma mheni panzira yayo here? Ko, zvinodzoka kuzokuzivisa iwe here kuti isu tiri pano?
| התשלח ברקים וילכו ויאמרו לך הננו׃ |
36 Ndianiko akaisa uchenjeri mumwoyo, kana kupa kunzwisisa kundangariro?
| מי שת בטחות חכמה או מי נתן לשכוי בינה׃ |
37 Ndianiko ane uchenjeri hwokuverenga makore? Ndianiko angagona kuteura matende emvura okudenga,
| מי יספר שחקים בחכמה ונבלי שמים מי ישכיב׃ |
38 kana guruva raoma, uye mavhinga enyika anamatirana?
| בצקת עפר למוצק ורגבים ידבקו׃ |
39 “Ko, iwe ungavhimira shumbakadzi chokudya here, uye ungagutsa shumba panzara yadzo here,
| התצוד ללביא טרף וחית כפירים תמלא׃ |
40 kana dzichitsivama mumapako adzo kana kuti dzakavandira mudenhere?
| כי ישחו במעונות ישבו בסכה למו ארב׃ |
41 Ndianiko anopa gunguo zvokudya kana vana varo vachichema kuna Mwari, uye vachidzungaira pose pose nokushayiwa zvokudya?
| מי יכין לערב צידו כי ילדו אל אל ישועו יתעו לבלי אכל׃ |
