Jobho 27
1 Zvino Jobho akapfuurira mberi nokutaura achiti:
| ויסף איוב שאת משלו ויאמר׃ |
2 “Zvirokwazvo naMwari mupenyu, iye akaramba kundiruramisira, iye Wamasimba Ose, akaita kuti ndinzwe shungu pamwoyo wangu,
| חי אל הסיר משפטי ושדי המר נפשי׃ |
3 chero ndichine upenyu mandiri, ndichine kufema kwaMwari mumhino dzangu,
| כי כל עוד נשמתי בי ורוח אלוה באפי׃ |
4 miromo yangu haingatauri zvakashata, uye rurimi rwangu harungatauri nokunyengera.
| אם תדברנה שפתי עולה ולשוני אם יהגה רמיה׃ |
5 Handingambobvumi kuti muri kutaura chokwadi; kusvikira ndafa, handizorambi kururama kwangu.
| חלילה לי אם אצדיק אתכם עד אגוע לא אסיר תמתי ממני׃ |
6 Ndichachengetedza kururama kwangu uye handingakuregedzi; hana yangu haingandipi mhosva ndichiri mupenyu.
| בצדקתי החזקתי ולא ארפה לא יחרף לבבי מימי׃ |
7 “Vavengi vangu ngavaite savakaipa, navadzivisi vangu savasakarurama!
| יהי כרשע איבי ומתקוממי כעול׃ |
8 Ko, munhu asina Mwari ane tariro yeiko kana afa, Mwari paanotora upenyu hwake?
| כי מה תקות חנף כי יבצע כי ישל אלוה נפשו׃ |
9 Ko, Mwari anoteerera kuchema kwake paanowirwa nenhamo here?
| הצעקתו ישמע אל כי תבוא עליו צרה׃ |
10 Iye angawana mufaro muna Wamasimba Ose here? Ko, achadana kuna Mwari panguva dzose here?
| אם על שדי יתענג יקרא אלוה בכל עת׃ |
11 “Ndichakudzidzisai nezvesimba raMwari; nzira dzaWamasimba Ose handingadzivanzi.
| אורה אתכם ביד אל אשר עם שדי לא אכחד׃ |
12 Imi mose makazviona izvi pachenyu. Zvino munotaurireiko zvisina maturo?
| הן אתם כלכם חזיתם ולמה זה הבל תהבלו׃ |
13 “Haano magumo anogoverwa vakaipa naMwari, iyo nhaka inogamuchirwa navanhu vano utsinye, kubva kuna Wamasimba Ose.
| זה חלק אדם רשע עם אל ונחלת עריצים משדי יקחו׃ |
14 Hazvinei kuti vana vake vakawanda sei, magumo avo munondo; zvizvarwa zvake hazvizombowani zvokudya zvakakwana.
| אם ירבו בניו למו חרב וצאצאיו לא ישבעו לחם׃ |
15 Denda richaviga vaya vanenge vasara, uye chirikadzi dzavo hadzingavachemi.
| שרידו במות יקברו ואלמנתיו לא תבכינה׃ |
16 Kunyange akaunganidza sirivha seguruva, uye zvokupfeka zvikaita somurwi wevhu,
| אם יצבר כעפר כסף וכחמר יכין מלבוש׃ |
17 zvaanowana zvichapfekwa navakarurama, uye vasina mhaka vachagovana sirivha yake.
| יכין וצדיק ילבש וכסף נקי יחלק׃ |
18 Imba yaanovaka yakaita sedende rechipfukuto, sechirindo chakaitwa nomurindi.
| בנה כעש ביתו וכסכה עשה נצר׃ |
19 Anovata pasi akapfuma, asi haachazviitizve; paanosvinura meso ake, wanei zvose zvaenda.
| עשיר ישכב ולא יאסף עיניו פקח ואיננו׃ |
20 Zvinotyisa zvinomubata kufanana namafashamu; dutu rinomubvutira kure panguva yousiku.
| תשיגהו כמים בלהות לילה גנבתו סופה׃ |
21 Mhepo yokumabvazuva inomutakura ichimuendesa kure, achibva zvachose. Inomukukura kubva panzvimbo yake.
| ישאהו קדים וילך וישערהו ממקמו׃ |
22 Inovhuvhuta paari isingamunzwiri ngoni, paanenge achitiza akati tande achitiza simba rayo.
| וישלך עליו ולא יחמל מידו ברוח יברח׃ |
23 Inomuomberera maoko ichimuseka, ichishinyira ichiita kuti abve panzvimbo yake.
| ישפק עלימו כפימו וישרק עליו ממקמו׃ |
