Jobho 25

1 Ipapo Bhiridhadhi muShuhi akapindura akati:

Then Bildad the Shuhite answered,

2 “Kubata ushe nokutyiwa ndezvaMwari; uye anosimbisa rugare kumusoro-soro kudenga.

“Dominion and fear are with him. He makes peace in his high places.

3 Mauto ake angaverengwa here? Ndianiko asingavhenekerwi nechiedza chake?

Can his armies be counted? On whom does his light not arise?

4 Zvino munhu angava akarurama seiko pamberi paMwari? Ko, munhu akazvarwa nomukadzi angava akachena sei?

How then can man be just with God? Or how can he who is born of a woman be clean?

5 Kunyange dai mwedzi ukasachena, uye nyeredzi dzikasava dzakachena pamberi pake,

Behold, even the moon has no brightness, and the stars are not pure in his sight;

6 ndoda munhu zvake, iro gonye zvaro, iye mwanakomana womunhu, anongova gonye zvaro!”

How much less man, who is a worm, and the son of man, who is a worm!”