Jobho 20
1 Ipapo Zofari muNaamati akapindura akati:
| ויען צפר הנעמתי ויאמר׃ |
2 “Ndangariro dzangu dzokutambudzika dzinondikurumidzisa kuti ndipindure nokuti ndakanganisika kwazvo.
| לכן שעפי ישיבוני ובעבור חושי בי׃ |
3 Ndiri kunzwa kutsiura kunondizvidza, uye kunzwisisa kwangu kunondikurudzira kuti ndipindure.
| מוסר כלמתי אשמע ורוח מבינתי יענני׃ |
4 “Zvirokwazvo unoziva zvazvakanga zvakaita kubva kare, kubvira pakaiswa munhu panyika,
| הזאת ידעת מני עד מני שים אדם עלי ארץ׃ |
5 kuti kufara kwavakaipa kupfupi, mufaro wavasina Mwari ndowenguva duku.
| כי רננת רשעים מקרוב ושמחת חנף עדי רגע׃ |
6 Kunyange kuzvikudza kwake kuchisvika kudenga, uye musoro wake uchindobata makore,
| אם יעלה לשמים שיאו וראשו לעב יגיע׃ |
7 achaparara nokusingaperi, setsvina yake pachake; vaya vaichimbomuona vachati, ‘Aripiko?’
| כגללו לנצח יאבד ראיו יאמרו איו׃ |
8 Anobhururuka sokurota, haachawanikwizve, adzingwa sechiratidzo chousiku.
| כחלום יעוף ולא ימצאוהו וידד כחזיון לילה׃ |
9 Ziso rakamuona harichazomuonazve; nzvimbo yake haichazomuonazve.
| עין שזפתו ולא תוסיף ולא עוד תשורנו מקומו׃ |
10 Vana vake vanofanira kutsvaka nyasha kuvarombo; maoko ake chaiwo anofanira kudzorera pfuma yake.
| בניו ירצו דלים וידיו תשבנה אונו׃ |
11 Simba roujaya rakazadza mapfupa ake richaumburuka naye muguruva.
| עצמותיו מלאו עלומו ועמו על עפר תשכב׃ |
12 “Kunyange chakaipa chichitapira mumukanwa, uye achichiviga pasi porurimi rwake,
| אם תמתיק בפיו רעה יכחידנה תחת לשונו׃ |
13 kunyange asingagoni kuchiregedza achichichengeta mumukanwa make,
| יחמל עליה ולא יעזבנה וימנענה בתוך חכו׃ |
14 asi chokudya chake chichashanduka chikavava mudumbu make; chichava uturu hwenyoka mukati make.
| לחמו במעיו נהפך מרורת פתנים בקרבו׃ |
15 Achapfira pasi upfumi hwaakamedza; Mwari achaita kuti dumbu rake rizvirutse.
| חיל בלע ויקאנו מבטנו יורשנו אל׃ |
16 Achasveta uturu hwenyoka; mazino emvumbi achamuuraya.
| ראש פתנים יינק תהרגהו לשון אפעה׃ |
17 Haangafadzwi nehova, idzo nzizi dzinoyerera uchi noruomba.
| אל ירא בפלגות נהרי נחלי דבש וחמאה׃ |
18 Zvaakatamburira anofanira kuzvidzosazve zvisina kudyiwa; haangafadzwi nezvaakawana pakutengesa kwake.
| משיב יגע ולא יבלע כחיל תמורתו ולא יעלס׃ |
19 Nokuti akamanikidza varombo akavasiya vava vachena; akatora dzimba dzavasina chavanacho.
| כי רצץ עזב דלים בית גזל ולא יבנהו׃ |
20 “Zvirokwazvo haangamiri kubva pahavi yake; haangazviponesi nepfuma yake.
| כי לא ידע שלו בבטנו בחמודו לא ימלט׃ |
21 Hapana chaakasiyirwa kuti adye; upfumi hwake hahungagari nokusingaperi.
| אין שריד לאכלו על כן לא יחיל טובו׃ |
22 Pakati pezvakawanda zvake, kuremerwa nepfungwa kuchamukunda; kuzara kwenjodzi kuchauya pamusoro pake.
| במלאות שפקו יצר לו כל יד עמל תבואנו׃ |
23 Paanenge agutsa dumbu rake, Mwari achatuma kutsamwa kwake kunopisa pamusoro pake, uye achanayisa kurova kwake pamusoro pake.
| יהי למלא בטנו ישלח בו חרון אפו וימטר עלימו בלחומו׃ |
24 Kunyange akatiza chombo chesimbi, museve unopinza wendarira unomubaya.
| יברח מנשק ברזל תחלפהו קשת נחושה׃ |
25 Anoudzura kubva kumusana kwake, muromo wawo unovaima uchibva pachiropa chake. Kutya kuzhinji kuchauya pamusoro pake;
| שלף ויצא מגוה וברק ממררתו יהלך עליו אמים׃ |
26 rima guru richavandira pfuma yake. Moto usina anopfutidzira uchamupisa uye uchaparadza zvichasara mutende rake.
| כל חשך טמון לצפוניו תאכלהו אש לא נפח ירע שריד באהלו׃ |
27 Matenga achaisa pachena mhaka yake; nyika ichamumukira.
| יגלו שמים עונו וארץ מתקוממה לו׃ |
28 Mafashamu achakukura imba yake, mvura zhinji ichaerera pazuva rehasha dzaMwari.
| יגל יבול ביתו נגרות ביום אפו׃ |
29 Aya ndiwo magumo anogoverwa vakaipa naMwari, iyo nhaka yavakatemerwa naMwari.”
| זה חלק אדם רשע מאלהים ונחלת אמרו מאל׃ |
