Jobho 19
1 Ipapo Jobho akapindura akati:
| ויען איוב ויאמר׃ |
2 “Mucharamba muchinditambudza uye muchindipwanya namashoko kusvikira riniko?
| עד אנה תוגיון נפשי ותדכאונני במלים׃ |
3 Zvino kava kagumi kose muchingonditsoropodza; munondirwisa musina nenyadzi dzose.
| זה עשר פעמים תכלימוני לא תבשו תהכרו לי׃ |
4 Kana chiri chokwadi kuti ndakatsauka, kukanganisa kwangu kuchava dambudziko rangu ndoga.
| ואף אמנם שגיתי אתי תלין משוגתי׃ |
5 Kana zvechokwadi mungada henyu kuzvikudza pamusoro pangu mukashandisa kuderedzwa kwangu pakundirwisa,
| אם אמנם עלי תגדילו ותוכיחו עלי חרפתי׃ |
6 zvino muzive imi kuti Mwari akandikanganisira uye akandikomberedza nomumbure wake.
| דעו אפו כי אלוה עותני ומצודו עלי הקיף׃ |
7 “Kunyange ndikachema ndichiti, ‘Ndakakanganisirwa we-e!’ handiwani mhinduro; kunyange ndikadanidzira kuti ndibatsirwe, kururamisirwa hakupo.
| הן אצעק חמס ולא אענה אשוע ואין משפט׃ |
8 Akadzivira nzira yangu kuti ndikonewe kupfuura; akaisa rima munzira dzangu.
| ארחי גדר ולא אעבור ועל נתיבותי חשך ישים׃ |
9 Akandibvisira kukudzwa kwangu, uye akabvisa korona mumusoro mangu.
| כבודי מעלי הפשיט ויסר עטרת ראשי׃ |
10 Anondibvamburanya kumativi ose kusvikira ndapera; anodzura tariro yangu kunge muti,
| יתצני סביב ואלך ויסע כעץ תקותי׃ |
11 Kutsamwa kwake kunopfuta pamusoro pangu; anondiverenga pakati pavavengi vake.
| ויחר עלי אפו ויחשבני לו כצריו׃ |
12 Mauto ake anouya nesimba; anovaka muchinjiziri wokurwa neni, anokomba tende rangu.
| יחד יבאו גדודיו ויסלו עלי דרכם ויחנו סביב לאהלי׃ |
13 “Akaisa hama dzangu kure neni; vazikani vangu vakaparadzaniswa neni zvachose.
| אחי מעלי הרחיק וידעי אך זרו ממני׃ |
14 Hama dzangu dzepedyo dzakaenda kure neni; shamwari dzangu dzandikanganwa.
| חדלו קרובי ומידעי שכחוני׃ |
15 Vaenzi vangu navarandakadzi vangu vava kundiita mubvakure; vanondiona somutorwa.
| גרי ביתי ואמהתי לזר תחשבני נכרי הייתי בעיניהם׃ |
16 Ndinodana muranda wangu, asi haapinduri, kunyange ndikamukumbirisa nomuromo wangu chaiwo.
| לעבדי קראתי ולא יענה במו פי אתחנן לו׃ |
17 Kufema kwangu kunonyangadza kumukadzi wangu; ndinosemesa kuhama dzangu chaidzo.
| רוחי זרה לאשתי וחנתי לבני בטני׃ |
18 Kunyange nezvikomana zviduku zvinondiseka; pandinosvika vanondituka.
| גם עוילים מאסו בי אקומה וידברו בי׃ |
19 Shamwari dzangu dzepedyo dzinondisema; vaya vandinoda vandishandukira.
| תעבוני כל מתי סודי וזה אהבתי נהפכו בי׃ |
20 Handisati ndichiri chinhu asi ndangova hangu ganda namapfupa; ndangopunyuka napaburi retsono.
| בעורי ובבשרי דבקה עצמי ואתמלטה בעור שני׃ |
21 “Ndinzwirei urombo, shamwari dzangu, ndinzwirei urombo nokuti ruoko rwaMwari rwandirova.
| חנני חנני אתם רעי כי יד אלוה נגעה בי׃ |
22 Seiko muchindidzingirira sezvinoita Mwari? Ko, hamungaguti nenyama yangu here?
| למה תרדפני כמו אל ומבשרי לא תשבעו׃ |
23 “Haiwa, dai mashoko angu ainyorwa hawo, dai ainyorwa hawo mubhuku,
| מי יתן אפו ויכתבון מלי מי יתן בספר ויחקו׃ |
24 dai ainyorwa nechinyoreso chesimbi pamutobvu, kana kuti ainyorwa padombo nokusingaperi!
| בעט ברזל ועפרת לעד בצור יחצבון׃ |
25 Ndinoziva kuti mudzikinuri wangu mupenyu, uye kuti pakupedzisira achamira pamusoro penyika.
| ואני ידעתי גאלי חי ואחרון על עפר יקום׃ |
26 Uye shure kwokunge ganda rangu raparara, kunyange zvakadaro ndichaona Mwari munyama yangu;
| ואחר עורי נקפו זאת ומבשרי אחזה אלוה׃ |
27 ini pachangu ndichamuona nameso angu pachangu, iyeni kwete mumwe. Haiwa, mwoyo wangu unopanga sei mukati mangu!
| אשר אני אחזה לי ועיני ראו ולא זר כלו כליתי בחקי׃ |
28 “Kana muchiti, ‘Haiwa tichamutambudza sei, sezvo mudzi wenhamo uri maari,’
| כי תאמרו מה נרדף לו ושרש דבר נמצא בי׃ |
29 munofanira kutya munondo imi pachenyu, nokuti hasha dzichauyisa kurangwa nomunondo, ipapo muchaziva kuti pano kutongwa.”
| גורו לכם מפני חרב כי חמה עונות חרב למען תדעון שדין׃ |
