Jobho 15
1 Ipapo Erifazi muTemani akapindura akati:
| ויען אליפז התימני ויאמר |
2 “Ko, munhu akachenjera angapindura zvisina njere here, kana kuzadza dumbu rake nemhepo inopisa yokumabvazuva?
| החכם יענה דעת-רוח וימלא קדים בטנו |
3 Ko, angakakavara namashoko asina maturo, kana namashoko asina basa here?
| הוכח בדבר לא-יסכון ומלים לא-יועיל בם |
4 Asi unotorwisa umwari uye unodzivisa kunamata Mwari.
| אף-אתה תפר יראה ותגרע שיחה לפני-אל |
5 Chivi chako chinorunzira muromo wako; uye unotevera rurimi rwavanyengeri.
| כי יאלף עונך פיך ותבחר לשון ערומים |
6 Muromo wako pachako ndiwo unokupa mhosva, kwete wangu, miromo yako pachako inokupupurira zvakaipa.
| ירשיעך פיך ולא-אני ושפתיך יענו-בך |
7 “Ko, ndiwe munhu wakatanga kuzvarwa here? Ko, iwe wakazvarwa makomo asati avapo here?
| הראישון אדם תולד ולפני גבעות חוללת |
8 Unoteererawo here panokurukurwa mazano aMwari? Unoti uchenjeri ndohwako woga kanhi?
| הבסוד אלוה תשמע ותגרע אליך חכמה |
9 Chiiko chaunoziva chatisingazivi isu? Kunzwisisa kwaunako ndokweiko kwatisinawo isu?
| מה-ידעת ולא נדע תבין ולא-עמנו הוא |
10 Vane bvudzi rakachena navatana vakwegura vari kudivi redu, varume vatochembera kupinda baba vako.
| גם-שב גם-ישיש בנו-- כביר מאביך ימים |
11 Ko, kunyaradza kwaMwari hakuna kukukwanira here, iro shoko rakataurwa kwauri zvine unyoro?
| המעט ממך תנחומות אל ודבר לאט עמך |
12 Ko, mwoyo wako wakurasireiko, uye meso ako anobwairireiko,
| מה-יקחך לבך ומה-ירזמון עיניך |
13 zvokuti unoitira Mwari hasha ugobudisa mashoko akadai kubva mumuromo mako?
| כי-תשיב אל-אל רוחך והצאת מפיך מלין |
14 “Munhu chiiko, zvokuti angava akanaka, kana munhu akazvarwa nomukadzi, kuti angava akarurama?
| מה-אנוש כי-יזכה וכי-יצדק ילוד אשה |
15 Kana Mwari akasavimba navatsvene vake, kunyange dai matenga akasava akachena pamberi pake,
| הן בקדשו לא יאמין ושמים לא-זכו בעיניו |
16 ko, kuzoti munhu, ane uori uye akaora, anonwa zvakaipa semvura!
| אף כי-נתעב ונאלח איש-שתה כמים עולה |
17 “Nditeerere ndigokutsanangurira; rega ndikuudze zvandakaona,
| אחוך שמע-לי וזה-חזיתי ואספרה |
18 zvakataurwa navanhu vakachenjera, vasingavanzi chinhu chavakagamuchira kubva kumadzibaba avo,
| אשר-חכמים יגידו ולא כחדו מאבותם |
19 ivo voga vakapiwa nyika pasina mutorwa akapfuura napakati pavo:
| להם לבדם נתנה הארץ ולא-עבר זר בתוכם |
20 Murume akaipa anotambudzika nokurwadziwa pamazuva ake ose, makore ose outsinye akachengeterwa iye.
| כל-ימי רשע הוא מתחולל ומספר שנים נצפנו לעריץ |
21 Maungira anotyisa anozadza nzeve dzake; pazvinenge zvaita sezvakanaka, vapambi vanomurwisa.
| קול-פחדים באזניו בשלום שודד יבואנו |
22 Anorasikirwa netariro yokupunyuka parima; munondo ndiwo waakatarirwa.
| לא-יאמין שוב מני-חשך וצפו (וצפוי) הוא אלי-חרב |
23 Anofamba-famba achiita sechokudya zvamagora; anoziva kuti zuva rerima raswedera.
| נדד הוא ללחם איה ידע כי-נכון בידו יום-חשך |
24 Kutambudzika nokurwadziwa zvinomuzadza nokutya; zvinomukunda, samambo agadzirira kurwisa,
| יבעתהו צר ומצוקה תתקפהו כמלך עתיד לכידור |
25 nokuti anokungira Mwari chibhakera chake uye anozvikudza pamusoro paWamasimba Ose,
| כי-נטה אל-אל ידו ואל-שדי יתגבר |
26 achimhanyira kwaari asingatyi ane nhoo hobvu, yakasimba.
| ירוץ אליו בצואר בעבי גבי מגניו |
27 “Kunyange chiso chake chakafukidzwa namafuta uye chiuno chake chakafuta nenyama,
| כי-כסה פניו בחלבו ויעש פימה עלי-כסל |
28 iye achagara mumaguta akaparadzwa nomudzimba dzisingagarwi nomunhu, dzimba dzokoromoka kuva marara.
| וישכון ערים נכחדות--בתים לא-ישבו למו אשר התעתדו לגלים |
29 Haachazovazve mupfumi uye pfuma yake haingagari, kana nepfuma yake haingazadzi nyika.
| לא-יעשר ולא-יקום חילו ולא-יטה לארץ מנלם |
30 Haangapunyuki rima; murazvo uchasvavisa mabukira ake, uye kufema kwomuromo waMwari kuchamurasira kure.
| לא-יסור מני-חשך--ינקתו תיבש שלהבת ויסור ברוח פיו |
31 Ngaarege kuzvinyengera nokuvimba nezvisina maturo, nokuti haana chaachawana pazviri.
| אל-יאמן בשו נתעה כי-שוא תהיה תמורתו |
32 Acharipirwa zvakazara nguva yake isati yasvika, uye matavi ake haangawandi.
| בלא-יומו תמלא וכפתו לא רעננה |
33 Achafanana nomuzambiringa wabvisirwa mazambiringa asati aibva, kufanana nomuti womuorivhi wodonhedza maruva awo.
| יחמס כגפן בסרו וישלך כזית נצתו |
34 Nokuti ungano yavasingadi Mwari ichashaya zvibereko, uye moto uchaparadza matende avaya vanofarira fufuro.
| כי-עדת חנף גלמוד ואש אכלה אהלי-שחד |
35 Vanobata mimba yokutambudzika vagozvara zvakaipa; dumbu ravo rinogadzira kunyengera.”
| הרה עמל וילד און ובטנם תכין מרמה |
