Jobho 11
1 Ipapo Zofari muNaamati akapindura akati:
| ויען צפר הנעמתי ויאמר׃ |
2 “Mashoko aya ose haangapindurwi here? Ko, mutauri uyu anofanira kushayirwa mhosva here?
| הרב דברים לא יענה ואם איש שפתים יצדק׃ |
3 Ko, kubvotomoka kwako kunganyaradza vanhu here? Ko, pangashaya anokutsiura paunenge uchituka here?
| בדיך מתים יחרישו ותלעג ואין מכלם׃ |
4 Iwe unoti kuna Mwari, ‘Zvandinotenda zvakarurama uye ndakachena pamberi penyu.’
| ותאמר זך לקחי ובר הייתי בעיניך׃ |
5 Haiwa, ndinoda sei kuti dai Mwari ataura, kuti dai ashamisa hake muromo wake pamusoro pako,
| ואולם מי יתן אלוה דבר ויפתח שפתיו עמך׃ |
6 uye akuzarurire zvakavanzika zvouchenjeri, nokuti uchenjeri hwechokwadi huri paviri. Uzive izvi: Mwari akatokanganwa kare zvimwe zvivi zvako.
| ויגד לך תעלמות חכמה כי כפלים לתושיה ודע כי ישה לך אלוה מעונך׃ |
7 “Ko, unganzwisisa zvakavanzika zvaMwari here? Unganzwisisa panogumira Wamasimba Ose here?
| החקר אלוה תמצא אם עד תכלית שדי תמצא׃ |
8 Zvakakwirira kupfuura matenga, iwe ungaiteiko? Zvakadzika kupfuura kudzika kwebwiro, iwe ungaziveiko? (Sheol h7585)
| גבהי שמים מה תפעל עמקה משאול מה תדע׃ (Sheol h7585) |
9 Chiero chazvo chakareba kupfuura nyika uye zvakapamhama kupfuura gungwa.
| ארכה מארץ מדה ורחבה מני ים׃ |
10 “Kana iye akasvika akakupfigira mujeri uye akakoka dare remhosva, ndianiko angapikisana naye?
| אם יחלף ויסגיר ויקהיל ומי ישיבנו׃ |
11 Zvirokwazvo anoziva vanhu vanonyengera; uye paanoona chakaipa, anoshaya hanya here?
| כי הוא ידע מתי שוא וירא און ולא יתבונן׃ |
12 Asi munhu asina kuchenjera haangagoni kuva akangwara sezvo zvisingagoneki kuti mwana wembizi angaberekwa nomunhu.
| ואיש נבוב ילבב ועיר פרא אדם יולד׃ |
13 “Asi kana mwoyo wako ukazvipira kwaari, uye ukatambanudzira maoko ako kwaari,
| אם אתה הכינות לבך ופרשת אליו כפך׃ |
14 kana ukaisa kure chivi chiri muruoko rwako, uye ukasatendera chakaipa kugara mutende rako,
| אם און בידך הרחיקהו ואל תשכן באהליך עולה׃ |
15 ipapo uchasimudza chiso chako usina nyadzi, uchamira wakasimba uye usingatyi.
| כי אז תשא פניך ממום והיית מצק ולא תירא׃ |
16 Zvirokwazvo uchakanganwa nhamo yako, uchangoirangarira semvura yakaerera.
| כי אתה עמל תשכח כמים עברו תזכר׃ |
17 Upenyu huchajeka kupfuura masikati makuru, uye rima richaita samangwanani.
| ומצהרים יקום חלד תעפה כבקר תהיה׃ |
18 Iwe uchagara zvakanaka, nokuti tariro iriko; ucharinga-ringa ugozorora murugare.
| ובטחת כי יש תקוה וחפרת לבטח תשכב׃ |
19 Uchavata hako pasi, pasina munhu anokuvhundutsa, uye vazhinji vachakumbira nyasha dzako.
| ורבצת ואין מחריד וחלו פניך רבים׃ |
20 Asi meso avakaipa achaneta, uye vachashayiwa kwokutizira; tariro yavo ichava yokufa.”
| ועיני רשעים תכלינה ומנוס אבד מנהם ותקותם מפח נפש׃ |
