Jobho 10
1 “Ndinosema upenyu hwangu chaihwo, naizvozvo ndicharega kunyarara pakunyunyuta kwangu ndigotaura mukushungurudzika kwemwoyo wangu.
| נקטה נפשי בחיי אעזבה עלי שיחי אדברה במר נפשי׃ |
2 Ndichati kuna Mwari: Musandiwanira mhosva asi mundiudze mhaka yangu nemi.
| אמר אל אלוה אל תרשיעני הודיעני על מה תריבני׃ |
3 Ko, kundimanikidza kunokufadzai, kuti muzvidze basa ramaoko enyu, muchinyemwerera kurangano dzavakaipa here?
| הטוב לך כי תעשק כי תמאס יגיע כפיך ועל עצת רשעים הופעת׃ |
4 Ko, imi muna meso enyama here? Munoona sokuona kunoita munhu anofa here?
| העיני בשר לך אם כראות אנוש תראה׃ |
5 Ko, mazuva enyu akaita seavaya vanofa, kana makore enyu samakore omunhu,
| הכימי אנוש ימיך אם שנותיך כימי גבר׃ |
6 kuti muongorore mhosva yangu uye mutsvage chivi changu,
| כי תבקש לעוני ולחטאתי תדרוש׃ |
7 kunyange muchiziva kuti handina mhosva, uye kuti hakuna anogona kundinunura paruoko rwenyu here?
| על דעתך כי לא ארשע ואין מידך מציל׃ |
8 “Maoko enyu akandiumba uye akandigadzira. Zvino modzoka kuzondiparadza here?
| ידיך עצבוני ויעשוני יחד סביב ותבלעני׃ |
9 Rangarirai kuti makandiumba sevhu. Zvino mondidzoserazve kuvhu here?
| זכר נא כי כחמר עשיתני ואל עפר תשיבני׃ |
10 Hamuna kundidurura somukaka here uye mukandigwambisa sechizi,
| הלא כחלב תתיכני וכגבנה תקפיאני׃ |
11 mukandifukidza neganda nenyama mukandisonanidza pamwe chete namapfupa namarunda here?
| עור ובשר תלבישני ובעצמות וגידים תסככני׃ |
12 Makandipa upenyu mukandinzwira ngoni, uye nehanya yenyu mukachengeta mweya wangu.
| חיים וחסד עשית עמדי ופקדתך שמרה רוחי׃ |
13 “Asi izvi ndizvo zvamakaviga mumwoyo menyu, uye ndinoziva kuti izvi zvaiva mupfungwa dzenyu.
| ואלה צפנת בלבבך ידעתי כי זאת עמך׃ |
14 Kana ndakatadza, imi maizenge makanditarisa, uye hamaizotendera kudarika kwangu kuti kurege kurangwa.
| אם חטאתי ושמרתני ומעוני לא תנקני׃ |
15 Kana ndine mhosva, ndine nhamo! Kunyange dai ndisina mhosva, handingasimudzi musoro wangu, nokuti ndizere nenyadzi uye ndakanyura mukutambudzika kwangu.
| אם רשעתי אללי לי וצדקתי לא אשא ראשי שבע קלון וראה עניי׃ |
16 Kana ndikasimudza musoro wangu, imi munondironda sezvinoita shumba, uyezve munoratidza simba renyu rinotyisa pamusoro pangu.
| ויגאה כשחל תצודני ותשב תתפלא בי׃ |
17 Munouya nezvapupu zvenyu zvitsva kuzondipomera mhosva uye munowedzera hasha dzenyu pamusoro pangu, hondo dzenyu dzinondirwisa, mapoka namapoka.
| תחדש עדיך נגדי ותרב כעשך עמדי חליפות וצבא עמי׃ |
18 “Ko, zvino makandibudisirei mudumbu? Ndinoshuva kuti dai ndakafa hangu pasati pava neziso randiona.
| ולמה מרחם הצאתני אגוע ועין לא תראני׃ |
19 Dai chete ndakanga ndisina kumbovapo hangu, kana kuti ndakatakurwa ndichiendeswa kubwiro ndichangobva mudumbu ramai vangu!
| כאשר לא הייתי אהיה מבטן לקבר אובל׃ |
20 Ko, mazuva angu haasi mashoma ava kutopera here? Ibvai kwandiri kuti ndimbofara hangu kwakanguva,
| הלא מעט ימי יחדל ישית ממני ואבליגה מעט׃ |
21 ndisati ndaenda kusingadzokwi, kunyika yerima nomumvuri wakadzama,
| בטרם אלך ולא אשוב אל ארץ חשך וצלמות׃ |
22 kunyika yerima guru, yomumvuri wakadzama nenyonganyonga, iko kunoti kunyange chiedza chakangofanana nerima.”
| ארץ עפתה כמו אפל צלמות ולא סדרים ותפע כמו אפל׃ |
