Genesisi 5
1 Iyi ndiyo rondedzero yakanyorwa yorudzi rwaAdhamu. Mwari paakasika munhu akamuita nomufananidzo waMwari.
This is the book of the generations of Adam. In the day that God created man, He made him in His own likeness.
2 Akavasika murume nomukadzi uye akavaropafadza. Uye vakati vasikwa, akavatumidza kuti “munhu.”
Male and female He created them, and He blessed them. And in the day they were created, He called them “man.”
3 Adhamu akati agara makore zana namakumi matatu, akabereka mwanakomana akafanana naye, akanga akamutodza; akamutumidza zita rokuti Seti.
When Adam was 130 years old, he had a son in his own likeness, after his own image; and he named him Seth.
4 Shure kwokuberekwa kwaSeti, Adhamu akararama kwamakore mazana masere uye akaberekazve vamwe vanakomana navanasikana.
And after he had become the father of Seth, Adam lived 800 years and had other sons and daughters.
5 Pamwe chete, Adhamu akararama kwamakore mazana mapfumbamwe namakumi matatu, uye ipapo akafa.
So Adam lived a total of 930 years, and then he died.
6 Seti akati agara makore zana namashanu, akabereka Enoshi.
When Seth was 105 years old, he became the father of Enosh.
7 Uye shure kwokubereka kwake Enoshi, Seti akararama kwamakore mazana masere namanomwe uye akavazve navamwe vanakomana navanasikana.
And after he had become the father of Enosh, Seth lived 807 years and had other sons and daughters.
8 Pamwe chete, Seti akararama kwamakore mazana mapfumbamwe negumi namaviri, uye ipapo akafa.
So Seth lived a total of 912 years, and then he died.
9 Enoshi akati ararama kwamakore makumi mapfumbamwe, akabereka Kenani.
When Enosh was 90 years old, he became the father of Kenan.
10 Uye shure kwokubereka kwake Kenani, Enoshi akararama kwamakore mazana masere ane gumi namashanu uye akavazve navamwe vanakomana navanasikana.
And after he had become the father of Kenan, Enosh lived 815 years and had other sons and daughters.
11 Pamwe chete, Enoshi akararama kwamakore mazana mapfumbamwe namashanu, uye ipapo akafa.
So Enosh lived a total of 905 years, and then he died.
12 Kenani akati ararama kwamakore makumi manomwe, akabereka Maharareri.
When Kenan was 70 years old, he became the father of Mahalalel.
13 Uye mushure mokubereka kwake Maharareri, Kenani akagara kwamakore mazana masere namakumi mana uye akavazve navamwe vanakomana navanasikana.
And after he had become the father of Mahalalel, Kenan lived 840 years and had other sons and daughters.
14 Pamwe chete, Kenani akararama kwamakore mazana mapfumbamwe negumi, uye ipapo akafa.
So Kenan lived a total of 910 years, and then he died.
15 Maharareri akati agara kwamakore makumi matanhatu namashanu, akabereka Jaredhi.
When Mahalalel was 65 years old, he became the father of Jared.
16 Uye mushure mokubereka kwake Jaredhi, Maharareri akararama kwamakore mazana masere namakumi matatu uye akavazve navamwe vanakomana navanasikana.
And after he had become the father of Jared, Mahalalel lived 830 years and had other sons and daughters.
17 Pamwe chete, Maharareri akararama kwamakore mazana masere namakumi mapfumbamwe namashanu, uye ipapo akafa.
So Mahalalel lived a total of 895 years, and then he died.
18 Jaredhi akati ararama kwamakore zana namakumi matanhatu namaviri, akabereka Enoki.
When Jared was 162 years old, he became the father of Enoch.
19 Uye mushure mokubereka kwake Enoki, Jaredhi akararama kwamakore mazana masere akavazve navamwe vanakomana navanasikana.
And after he had become the father of Enoch, Jared lived 800 years and had other sons and daughters.
20 Pamwe chete, Jaredhi akararama kwamakore mazana mapfumbamwe namakumi matanhatu namaviri, uye ipapo akafa.
So Jared lived a total of 962 years, and then he died.
21 Enoki akati ararama kwamakore makumi matanhatu namashanu, akabereka Metusera.
When Enoch was 65 years old, he became the father of Methuselah.
22 Uye mushure mokubereka kwake Metusera, Enoki akafamba naMwari kwamakore mazana matatu uye akavazve navamwe vanakomana navanasikana.
And after he had become the father of Methuselah, Enoch walked with God 300 years and had other sons and daughters.
23 Pamwe chete, Enoki akararama kwamakore mazana matatu namakumi matanhatu namashanu.
So Enoch lived a total of 365 years.
24 Enoki akafamba naMwari; ipapo akasazovapo, nokuti Mwari akamutora.
Enoch walked with God, and then he was no more, because God had taken him away.
25 Metusera akati ararama kwamakore zana namakumi masere namanomwe, akabereka Rameki.
When Methuselah was 187 years old, he became the father of Lamech.
26 Uye mushure mokubereka kwake Rameki, Metusera akararama kwamakore mazana manomwe namakumi masere namaviri uye akavazve navamwe vanakomana navanasikana.
And after he had become the father of Lamech, Methuselah lived 782 years and had other sons and daughters.
27 Pamwe chete, Metusera akararama kwamakore mazana mapfumbamwe namakumi matanhatu namapfumbamwe, uye ipapo akafa.
So Methuselah lived a total of 969 years, and then he died.
28 Rameki akati ararama kwamakore zana namakumi masere namaviri, akabereka mwanakomana.
When Lamech was 182 years old, he had a son.
29 Akamutumidza zita rokuti Noa uye akati, “Achativaraidza pabasa uye napakurwadziwa kwokubata kwamaoko edu zvinobva pavhu rakatukwa naJehovha.”
And he named him Noah, saying, “May this one comfort us in the labor and toil of our hands caused by the ground that the LORD has cursed.”
30 Mushure mokuberekwa kwaNoa, Rameki akararama kwamakore mazana mashanu namakumi mapfumbamwe namashanu uye akavazve navamwe vanakomana navanasikana.
And after he had become the father of Noah, Lamech lived 595 years and had other sons and daughters.
31 Pamwe chete, Rameki akararama kwamakore mazana manomwe namakumi manomwe namanomwe, uye ipapo akafa.
So Lamech lived a total of 777 years, and then he died.
32 Mushure mokunge Noa ava namakore okuberekwa mazana mashanu, akabereka Shemu, Hamu naJafeti.
After Noah was 500 years old, he became the father of Shem, Ham, and Japheth.
