Ekisodho 5
1 Shure kwaizvozvo Mozisi naAroni vakaenda kuna Faro vakati, “Zvanzi naJehovha, Mwari waIsraeri: ‘Rega vanhu vangu vaende, kuti vanondiitira mutambo kurenje.’”
此後，梅瑟同亞郎去見法朗說：「以色列的天主雅威這樣說：「你應放我的百姓走，好叫他們在曠野裏過傑敬拜我。」
2 Faro akati, “Jehovha ndianiko, kuti ndigomuteerera uye ndigorega vaIsraeri vachienda? Handimuzivi Jehovha iyeye uye handidi kurega vaIsraeri vachienda.”
法朗問說：「誰是雅威，我該聽他的命，放以色列走﹖我不認識雅威，也不放以色列走。」
3 Ipapo vakati, “Mwari wavaHebheru akasangana nesu. Zvino tiregei tifambe rwendo rwamazuva matatu kurenje kuti tinobayira zvipiriso kuna Jehovha Mwari wedu, kuti arege kutirova namatambudziko kana nomunondo.”
他們回答說：「希伯來人的天主遇見了我們。請讓我們走三天的路到曠野裏，向上主我們的天主獻祭，免得他用瘟疫刀兵擊殺我們。」
4 Asi mambo weIjipiti akati, “Mozisi naAroni, munobvisireiko vanhu pabasa ravo? Dzokerai kubasa renyu!”
埃及王回答他們說：「梅瑟、亞郎啊! 你們為什麼妨礙百姓工作呢﹖去服你們的勞役罷! 」
5 Ipapo Faro akati, “Tarirai, vanhu vawanda zvino munyika, uye muri kuvakonesa kushanda.”
法朗又說：「現在他們比本地的人民還多，你們竟然叫他們歇工﹖」
6 Musi mumwe chetewo Faro akarayira vatariri vebasa navakuru vakuru vavanhu achiti,
那一天法朗命令那些百姓中的監工和工頭說：「
7 “Imi hamuchazovigiri vanhu uswa hwokuita zvidhina; varegei vandozviunganidzira uswa pachavo.
你們以後不要再像往日一樣，給百姓做磚用的草楷，叫他們自己去拾草。
8 Asi vanofanira kuita zvidhina zvakaenzana pakuwanda nezvavaisimboita kare; musazvitapudza. Isimbe; ndokusaka vachichema vachiti, ‘Tiregei tiende kundobayira kuna Mwari wedu.’
但你們仍向他們要往日所做的同樣磚數，一點也不可減少，因為他們懶惰，所以才吶喊說：我們要去向我們的天主獻祭。
9 Itai kuti basa rinyanye kuomera vanhu kuitira kuti varambe vachishanda uye varege kuteerera kunhema.”
應給這些人加重工作，使他們只工作，而不聽謊言。」苦工加重
10 Ipapo vatariri vebasa navakuru vakuru vakabuda vakandoti kuvanhu, “Zvanzi naFaro, ‘Handichazokupaizve uswa.
百姓中的監工頭遂出去向百姓說：「法朗這樣吩咐：我不再給你們草楷。
11 Endai mundozvitsvakira uswa kana kupi zvako kwamungahuwana, asi basa renyu haritapudzwi kana napaduku.’”
你們看那裏能找到草楷，就到那裏去拾罷! 但應有的工作一點也不可減少。」
12 Saka vanhu vakapararira muIjipiti yose kundounganidza mashanga kuti vaashandise pachinzvimbo chouswa.
百姓就分散到埃及全境，拾取麥莖充當草楷。
13 Vatariri vebasa vakaramba vachivamanikidza vachiti, “Pedzai basa ramakatarirwa pazuva rimwe nerimwe, sezvamaiita pamaiwana uswa.”
監工催迫說：「你們每天應該完成當天的工作，像從前有草楷時一樣。」
14 Vakuru vakuru vavaIsraeri vakanga vagadzwa navatariri vebasa vaFaro vakarohwa uye vakabvunzwa kuti, “Seiko musina kupedza basa renyu rezvidhina zvanezuro nezvanhasi, sezvamaichiita kare pamaipuwa uswa.”
法朗的監工責打他們所派出的以色列子民的工頭說：「你們昨天今天為什麼沒有完成像前天所做的磚數呢﹖」
15 Ipapo vakuru vakuru vavaIsraeri vakaenda nechichemo kuna Faro vakati, “Seiko muchibata varanda venyu nenzira yakadai?
以色列子民的工頭遂去向法朗訴苦說：「你為什麼這樣對待你的僕人們呢﹖
16 Varanda venyu havapiwi uswa, asi tinonzi, ‘Itai zvidhina!’ Varanda venyu vari kurohwa, asi mhosva ndeyavanhu venyu.”
不給你僕人們草楷，只對我們說：做磚罷! 原是你人民的錯，你卻來打你的僕人們。」
17 Faro akati, “Simbe, ndizvo zvamuri imi, muri simbe! Ndokusaka muchingoramba muchiti, ‘Tiregei tindobayira kuna Jehovha.’
法朗回答說：「你們太懶惰了! 所以說：讓我們去祭獻上主!
18 Zvino chiendai kubasa. Hamuzombopiwi kana uswa, asi munofanira kuita basa renyu rezvidhina zvakakwana.”
現在都快去作工! 決不供給你們草楷，但是磚卻該如數交上。
19 Vakuru vakuru vavaIsraeri vakaona kuti vapinda mudambudziko pavakaudzwa kuti, “Hamufaniri kutapudza uwandu hwezvidhina zvamakatarirwa pazuva rimwe.”
以色列子民的工頭因所出的命令說：你們每天應做的磚數，不得減少，」便知自己更陷於困難中。梅瑟受責哀求天主
20 Pavakabva pana Faro, vakawana Mozisi naAroni vakavamirira,
工頭們由法朗那裏出來，遇見梅瑟和亞郎正等候他們，
21 uye vakati, “Jehovha ngaakutarirei uye akutongei! Matiita chinhu chinonhuhwa kuna Faro namachinda ake uye maisa munondo muruoko rwavo kuti vatiuraye.”
就對他們說：「願上主鑑察懲罰你們! 你們使我們在法朗和他臣僕眼中成了可恨的，就好像把刀交在他們手中，宰殺我們。」
22 Mozisi akadzokera kuna Jehovha akati, “Haiwa Jehovha, mauyisireiko dambudziko pamusoro pavanhu ava? Ndizvo zvamakanditumira here?
梅瑟回到上主那裏說：「吾主，你為什麼折磨這百姓﹖為什麼偏偏打發我呢﹖
23 Kubva pandakaenda kuna Faro kuti ndinotaura muzita renyu, iye akauyisa dambudziko pamusoro pavanhu ava, uye imi hamuna kutongonunura vanhu venyu napaduku.”
自從我到法朗那裏，奉你的名講話以來，他更加折磨這百姓，而你也沒有整救你的百姓。」
