Ekisodho 40
1 Ipapo Jehovha akati kuna Mozisi,
| וידבר יהוה אל משה לאמר׃ |
2 “Dzika tabhenakeri, Tende Rokusangana, pazuva rokutanga romwedzi wokutanga.
| ביום החדש הראשון באחד לחדש תקים את משכן אהל מועד׃ |
3 Uise areka yeChipupuriro mairi uye ugofukidza areka nechidzitiro.
| ושמת שם את ארון העדות וסכת על הארן את הפרכת׃ |
4 Upinze tafura ugoisa zvinhu zvayo pairi. Ipapo ugopinza chigadziko chomwenje ugomisa mwenje yacho.
| והבאת את השלחן וערכת את ערכו והבאת את המנרה והעלית את נרתיה׃ |
5 Uise aritari yezvinonhuhwira yegoridhe pamberi peareka yechipupuriro uye ugoisa chidzitiro pamukova wokupinda mutabhenakeri.
| ונתתה את מזבח הזהב לקטרת לפני ארון העדת ושמת את מסך הפתח למשכן׃ |
6 “Uise aritari yezvipiriso zvinopiswa pamberi pomukova wokupinda kutabhenakeri, Tende Rokusangana;
| ונתתה את מזבח העלה לפני פתח משכן אהל מועד׃ |
7 uise dhishi pakati peTende Rokusangana nearitari ugoisa mvura mariri.
| ונתת את הכיר בין אהל מועד ובין המזבח ונתת שם מים׃ |
8 Ugadzire ruvazhe rwakaipoteredza uye ugoisa chidzitiro pamukova woruvazhe.
| ושמת את החצר סביב ונתת את מסך שער החצר׃ |
9 “Utore mafuta okuzodza ugozodza tabhenakeri nezvinhu zvose zvirimo; uinatse nemidziyo yayo yose, uye ichava tsvene.
| ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש׃ |
10 Ipapo ugozodza aritari yezvipiriso zvinopiswa nemidziyo yayo yose; unatse aritari, uye ichava tsvene-tsvene.
| ומשחת את מזבח העלה ואת כל כליו וקדשת את המזבח והיה המזבח קדש קדשים׃ |
11 Uzodze dhishi nechigadziko charo ugozvinatsa.
| ומשחת את הכיר ואת כנו וקדשת אתו׃ |
12 “Uuye naAroni navanakomana vake kumukova weTende Rokusangana ugovashambidza nemvura.
| והקרבת את אהרן ואת בניו אל פתח אהל מועד ורחצת אתם במים׃ |
13 Ipapo ugopfekedza Aroni nguo tsvene, umuzodze uye ugomunatsa kuti agondishumira somuprista.
| והלבשת את אהרן את בגדי הקדש ומשחת אתו וקדשת אתו וכהן לי׃ |
14 Uuyise vanakomana vake ugovapfekedza majasi.
| ואת בניו תקריב והלבשת אתם כתנת׃ |
15 Uvazodze sokuzodza kwawaita baba vavo, kuti vagondishumira savaprista. Kuzodzwa kwavo kuchava kwouprista hucharamba huripo kuzvizvarwa zvinotevera.”
| ומשחת אתם כאשר משחת את אביהם וכהנו לי והיתה להית להם משחתם לכהנת עולם לדרתם׃ |
16 Mozisi akaita zvose sezvaakarayirwa naJehovha.
| ויעש משה ככל אשר צוה יהוה אתו כן עשה׃ |
17 Saka tabhenakeri yakamiswa pazuva rokutanga romwedzi wokutanga mugore rechipiri.
| ויהי בחדש הראשון בשנה השנית באחד לחדש הוקם המשכן׃ |
18 Mozisi akati amisa tabhenakeri, akaisa zvigadziko panzvimbo yazvo, akadzika mapuranga, akapinza mbariro uye akamisa matanda.
| ויקם משה את המשכן ויתן את אדניו וישם את קרשיו ויתן את בריחיו ויקם את עמודיו׃ |
19 Ipapo akatambanudza tende akariisa pamusoro petabhenakeri ndokuisa chifukidzo pamusoro petende, sokurayirwa kwaakaitwa naJehovha.
| ויפרש את האהל על המשכן וישם את מכסה האהל עליו מלמעלה כאשר צוה יהוה את משה׃ |
20 Akatora Chipupuriro akachiisa muareka, akabatanidza mapango paareka uye akaisa chifunhiro chokuyananisa pamusoro payo.
| ויקח ויתן את העדת אל הארן וישם את הבדים על הארן ויתן את הכפרת על הארן מלמעלה׃ |
21 Ipapo akauyisa areka mutabhenakeri ndokuturika chidzitiro chokufukidzira akafukidza areka yeChipupuriro, sokurayira kwakaita Jehovha.
| ויבא את הארן אל המשכן וישם את פרכת המסך ויסך על ארון העדות כאשר צוה יהוה את משה׃ |
22 Mozisi akaisa tafura muTende Rokusangana nechokurutivi rwokumusoro kwetabhenakeri kunze kwechidzitiro
| ויתן את השלחן באהל מועד על ירך המשכן צפנה מחוץ לפרכת׃ |
23 uye akaisa chingwa pamusoro payo pamberi paJehovha, sokurayirwa kwaakaitwa naJehovha.
| ויערך עליו ערך לחם לפני יהוה כאשר צוה יהוה את משה׃ |
24 Akaisa chigadziko chomwenje muTende Rokusangana chakatarisana netafura nechokurutivi rwezasi rwetabhenakeri
| וישם את המנרה באהל מועד נכח השלחן על ירך המשכן נגבה׃ |
25 uye akamisa mwenje pamberi paJehovha, sokurayirwa kwaakaitwa naJehovha.
| ויעל הנרת לפני יהוה כאשר צוה יהוה את משה׃ |
26 Mozisi akaisa aritari yegoridhe muTende Rokusangana pamberi pechidzitiro,
| וישם את מזבח הזהב באהל מועד לפני הפרכת׃ |
27 uye akapisa zvinonhuhwira pairi, sokurayirwa kwaakaitwa naJehovha.
| ויקטר עליו קטרת סמים כאשר צוה יהוה את משה׃ |
28 Ipapo akaisa chidzitiro pamukova wetabhenakeri.
| וישם את מסך הפתח למשכן׃ |
29 Akamisa aritari yezvipiriso zvinopiswa pedyo nomukova wetabhenakeri, Tende Rokusangana, akapa pairi zvipiriso zvinopiswa nezvipiriso zvezviyo, sokurayirwa kwaakaitwa naJehovha.
| ואת מזבח העלה שם פתח משכן אהל מועד ויעל עליו את העלה ואת המנחה כאשר צוה יהוה את משה׃ |
30 Akaisa dhishi pakati peTende Rokusangana nearitari uye akaisa mvura yokushamba mariri,
| וישם את הכיר בין אהל מועד ובין המזבח ויתן שמה מים לרחצה׃ |
31 uye Mozisi naAroni navanakomana vake vakaishandisa kushamba maoko avo netsoka dzavo.
| ורחצו ממנו משה ואהרן ובניו את ידיהם ואת רגליהם׃ |
32 Vaishamba pose pavaipinda muTende Rokusangana kana kuswedera paaritari, sokurayirwa kwakaitwa Mozisi naJehovha.
| בבאם אל אהל מועד ובקרבתם אל המזבח ירחצו כאשר צוה יהוה את משה׃ |
33 Ipapo Mozisi akaita ruvazhe rwakapoteredza tabhenakeri nearitari uye akaturika chidzitiro pamukova wokupinda muruvazhe. Nokudaro Mozisi akapedza basa.
| ויקם את החצר סביב למשכן ולמזבח ויתן את מסך שער החצר ויכל משה את המלאכה׃ |
34 Ipapo gore rakafukidza Tende Rokusangana, uye kubwinya kwaJehovha kwakazadza tabhenakeri.
| ויכס הענן את אהל מועד וכבוד יהוה מלא את המשכן׃ |
35 Mozisi haana kugona kupinda muTende Rokusangana nokuti gore rakanga ragara pariri, uye kubwinya kwaJehovha kwakazadza tabhenakeri.
| ולא יכל משה לבוא אל אהל מועד כי שכן עליו הענן וכבוד יהוה מלא את המשכן׃ |
36 Mukufamba kwose kwavaIsraeri, pose paisimuka gore kubva pamusoro petabhenakeri, ivo vaisimuka vachienda;
| ובהעלות הענן מעל המשכן יסעו בני ישראל בכל מסעיהם׃ |
37 asi kana gore risina kubva, vakanga vasingafambi, kusvikira pazuva rarinosimuka.
| ואם לא יעלה הענן ולא יסעו עד יום העלתו׃ |
38 Saka gore raJehovha raiva pamusoro petabhenakeri masikati; uye moto wakanga uri mugore usiku, pamberi peimba yose yaIsraeri panguva yokufamba kwavo kwose.
| כי ענן יהוה על המשכן יומם ואש תהיה לילה בו לעיני כל בית ישראל בכל מסעיהם׃ |
