Dhuteronomi 14

1 Imi muri vana vaJehovha Mwari wenyu. Musazvicheka kana kuzviveura pamberi pomusoro muchiitira vakafa,

Be ye children of the Lord your God: you shall not cut yourselves, no, make any baldness for the dead;

2 nokuti muri rudzi rutsvene kuna Jehovha Mwari wenyu. Jehovha akakutsaurai kubva pakati pendudzi dzose dziri panyika kuti muve rudzi rwake runokosha.

Because thou art a holy people to the Lord thy God: and he chose thee to be his peculiar people of all nations that are upon the earth.

3 Musadya chinhu chipi zvacho chinonyangadza.

Eat not the things that are unclean.

4 Idzi ndidzo mhuka dzamungadya: mombe, hwai, mbudzi,

These are the beasts that you shall eat, the ox, and the sheep, and the goat,

5 nondo, mhara, mhembwe, ngururu, mharapara, nyati nehwai yomugomo.

The hart and the roe, the buffle, the chamois, the pygarg, the wild goat, the camelopardalus.

6 Mungadya henyu mhuka ipi neipi ina mahwanda akaparadzana kuita maviri uye inodzeya.

Every beast that divideth the hoof in two parts, and cheweth the cud, you shall eat.

7 Zvisinei, pane idzo dzinodzeya kana dzina mahwanda akaparadzana, mahwanda akanyatsoparadzana, hamufaniri kudya ngamera, tsuro kana mbira. Kunyange zvazvo dzichidzeya hadzina mahwanda akaparadzana; hadzina kuchena kwamuri.

But of them that chew the cud, but divide not the hoof, you shall not eat, such as the camel, the hare, and the cherogril: because they chew the cud, but divide not the hoof, they shall be unclean to you.

8 Nguruvewo haina kuchena; kunyange zvayo ina mahwanda akaparadzana, haidzeyi. Hamufaniri kudya nyama yadzo kana kubata zvitunha zvadzo.

The swine also, because it divideth the hoof, but cheweth not the cud, shall be unclean, their flesh you shall not eat, and their carcasses you shall not touch.

9 Pazvipuka zvose zvinogara mumvura, mungadya henyu zvose zvine zvimbi namakwande.

These shall you eat of all that abide in the waters: All that have fins and scales, you shall eat.

10 Asi chipi nechipi zvacho chisina zvimbi namakwande hamufaniri kudya; nokuti hachina kuchena.

Such as are without fins and scales, you shall not eat, because they are unclean.

11 Mungadya henyu shiri ipi neipi yakachena.

All birds that are clean you shall eat.

12 Asi dzamusingafaniri kudya ndeidzi: gondo, gora, gora dema,

The unclean eat not: to wit, the eagle, and the grype, and the osprey,

13 njerere tsvuku, njerere nhema, rukodzi namarudzi arwo,

The ringtail, and the vulture, and the kite according to their kind:

14 gunguo namarudzi aro ose,

And all of the raven’s kind:

15 zizi renyanga, kazizimbori, shiri yegungwa, namarudzi ose eruvangu,

And the ostrich, and the owl, and the larus, and the hawk according to its kind:

16 zizi duku, zizi guru, zizi jena,

The heron, and the swan, and the stork,

17 zizi romurenje, hukurwizi nekanyururahove,

And the cormorant, the porphyrion, and the night crow,

18 neshuramurove namarudzi ose ekondo, nemhupupu uye nechiremwaremwa.

The bittern, and the charadrion, every one in their kind: the hoop also and the bat.

19 Zvipuka zvose zvina mapapiro zvinokambaira hazvina kuchena kwamuri; hamufaniri kuzvidya.

Every thing that creepeth, and hath little wings, shall be unclean, and shall not be eaten.

20 Asi zvipuka zvose zvina mapapiro zvakachena mungadya henyu.

All that is clean, you shall eat.

21 Musadya chii zvacho chamunoona chakafa. Mungapa zvenyu kumutorwa agere mune rimwe ramaguta enyu, uye angadya zvake kana kuti mungatengesera zvenyu kumutorwa. Asi imi muri rudzi rutsvene kuna Jehovha Mwari wenyu. Musabika mbudzana mumukaka wamai vayo.

But whatsoever is dead of itself, eat not thereof. Give it to the stranger, that is within thy gates, to eat, or sell it to him: because thou art the holy people of the Lord thy God. Thou shalt not boil a kid in the milk of his dam.

22 Chenjera kuti utsaure chegumi chezvinhu zvose zvaunokohwa muminda yako gore negore.

Every year thou shalt set aside the tithes of all thy fruits that the earth bringeth forth,

23 Udye chegumi chezviyo, newaini itsva namafuta uye nezvibereko zvokutanga zvemombe dzako nezvamakwai ako pamberi paJehovha Mwari wako panzvimbo yaachasarudza kuti Zita rake rigarepo, kuitira kuti udzidze kutya Jehovha Mwari wako nguva dzose.

And thou shalt eat before the Lord thy God in the place which he shall choose, that his name may be called upon therein, the tithe of thy corn, and thy wine, and thy oil, and the firstborn of thy herds and thy sheep: that thou mayst learn to fear the Lord thy God at all times.

24 Asi kana nzvimbo yacho iri kure uye waropafadzwa naJehovha Mwari wako, uye usingagoni kutakura chegumi chako (nokuti nzvimbo ichasarudzwa naJehovha kuti Zita rake rigarepo iri kure),

But when the way and the place which the Lord thy God shall choose, are far off, and he hath blessed thee, and thou canst not carry all these things thither,

25 ipapo unofanira kutsinhanisa chegumi chako nesirivha, ugotora sirivha ugoenda nayo kunzvimbo ichasarudzwa naJehovha Mwari wako.

Thou shalt sell them all, and turn them into money, and shalt carry it in thy hand, and shalt go to the place which the Lord shall choose:

26 Shandisa sirivha yacho kutenga zvaungada, zvakadai sezvizvi: mombe, makwai, waini kana zvimwe zvokunwa zvinobata, kana chinhu chipi zvacho chaunoda. Ipapo iwe neimba yako muchadya pamberi paJehovha Mwari wenyu mugofara.

And thou shalt buy with the same money whatsoever pleaseth thee, either of the herds or of sheep, wine also and strong drink, and all that thy soul desireth: and thou shalt eat before the Lord thy God, and shalt feast, thou and thy house:

27 Uye musazokanganwa vaRevhi vagere mumaguta enyu, nokuti havana mugove kana nhaka yavowo.

And the Levite that is within thy gates, beware thou forsake him not, because he hath no other part in thy possession.

28 Panopera makore matatu oga oga, munofanira kuuya nezvegumi zvegore iroro uye mugozvichengetera mumaguta enyu,

The third year thou shalt separate another tithe of all things that grow to thee at that time, and shalt lay it up within thy gates.

29 kuitira kuti vaRevhi (avo vasina mugove kana nhaka yavowo) uye nomweni, nherera nechirikadzi vanogara mumaguta enyu, vauye vagodya vachiguta, uye kuitira kuti Jehovha Mwari wenyu akuropafadzei pamabasa ose amaoko enyu.

And the Levite that hath no other part nor possession with thee, and the stranger and the fatherless and the widow, that are within thy gates, shall come and shall eat and be filled: that the Lord thy God may bless thee in all the works of thy hands that thou shalt do.