2 Samueri 22
1 Dhavhidhi akaimbira Jehovha mashoko orwiyo urwu paakarwirwa naJehovha kubva muruoko rwavavengi vake vose nomuruoko rwaSauro.
| וידבר דוד ליהוה את דברי השירה הזאת ביום הציל יהוה אתו מכף כל איביו ומכף שאול׃ |
2 Akati: “Jehovha ndiye dombo rangu, nhare yangu uye mununuri wangu;
| ויאמר יהוה סלעי ומצדתי ומפלטי לי׃ |
3 Mwari wangu ndiye dombo rangu, ndinovanda maari, nhoo yangu, norunyanga rworuponeso rwangu. Ndiye nhare yangu, utiziro hwangu nomuponesi wangu, munondiponesa pavanhu vanoita nechisimba.
| אלהי צורי אחסה בו מגני וקרן ישעי משגבי ומנוסי משעי מחמס תשעני׃ |
4 Ndinodana kuna Jehovha, iye anofanira kurumbidzwa, uye ndinoponeswa kubva kuvavengi vangu.
| מהלל אקרא יהוה ומאיבי אושע׃ |
5 “Mafungu orufu akandikomba; mvura zhinji yokuparadza yakandifukidza.
| כי אפפני משברי מות נחלי בליעל יבעתני׃ |
| חבלי שאול סבני קדמני מקשי מות׃ (Sheol h7585) |
7 Mukutambudzika kwangu ndakadana kuna Jehovha; ndakadanidzira kuna Mwari wangu. Akanzwa inzwi rangu ari mutemberi yake; kuchema kwangu kwakasvika munzeve dzake.
| בצר לי אקרא יהוה ואל אלהי אקרא וישמע מהיכלו קולי ושועתי באזניו׃ |
8 “Nyika yakadedera uye ikazungunuka, nheyo dzokudenga dzakadengenyeka; dzakadedera nokuti akanga atsamwa.
| ותגעש ותרעש הארץ מוסדות השמים ירגזו ויתגעשו כי חרה לו׃ |
9 Utsi hwakakwira kubva mumhino dzake; moto unoparadza wakabuda mumuromo make, mazimbe anopisa akapfutamo.
| עלה עשן באפו ואש מפיו תאכל גחלים בערו ממנו׃ |
10 Akakamura matenga akaburuka pasi; makore erima akanga ari pasi petsoka dzake.
| ויט שמים וירד וערפל תחת רגליו׃ |
11 Akatasva makerubhi akabhururuka; akabhururuka mudenga denga pamapapiro emhepo.
| וירכב על כרוב ויעף וירא על כנפי רוח׃ |
12 Akaita kuti rima rimupoteredze setende, iwo makore matema emvura yokudenga.
| וישת חשך סביבתיו סכות חשרת מים עבי שחקים׃ |
13 Kubva pakupenya kwokuvapo kwake mabhananʼana emheni akapenya.
| מנגה נגדו בערו גחלי אש׃ |
14 Jehovha akatinhira ari kudenga; inzwi reWokumusoro-soro rakanzwikazve.
| ירעם מן שמים יהוה ועליון יתן קולו׃ |
15 Akapfura miseve akaparadzira vavengi, mabhananʼana emheni akavaparadza.
| וישלח חצים ויפיצם ברק ויהמם׃ |
16 Mipata yegungwa yakaiswa pachena uye nheyo dzenyika dzakabudiswa pachena nokutuka kwaJehovha, nokufema kwomweya wemhino dzake.
| ויראו אפקי ים יגלו מסדות תבל בגערת יהוה מנשמת רוח אפו׃ |
17 “Akatambanudza ruoko ari kudenga akandibata; akandibudisa kubva pamvura yakadzika.
| ישלח ממרום יקחני ימשני ממים רבים׃ |
18 Akandinunura kubva pamuvengi wangu ane simba, kubva kuvavengi, vakanga vachindikurira pasimba.
| יצילני מאיבי עז משנאי כי אמצו ממני׃ |
19 Vakandivinga muzuva renjodzi yangu, asi Jehovha akanga ari mutsigiri wangu.
| יקדמני ביום אידי ויהי יהוה משען לי׃ |
20 Akandibudisira kunzvimbo yakafarikana; akandinunura nokuti akanga achindifarira.
| ויצא למרחב אתי יחלצני כי חפץ בי׃ |
21 “Jehovha akandiitira zviri maererano nokururama kwangu; maererano nokuchena kwamaoko angu, akandipa mubayiro.
| יגמלני יהוה כצדקתי כבר ידי ישיב לי׃ |
22 Nokuti ndakachengeta nzira dzaJehovha; handina kuita chakaipa ndichitsauka kubva kuna Mwari wangu.
| כי שמרתי דרכי יהוה ולא רשעתי מאלהי׃ |
23 Mirayiro yake yose iri pamberi pangu; handina kutsauka kubva pamitemo yake.
| כי כל משפטו לנגדי וחקתיו לא אסור ממנה׃ |
24 Ndakanga ndisina chandinopomerwa pamberi pake, uye ndakazvichengeta kuti ndirege kutadza.
| ואהיה תמים לו ואשתמרה מעוני׃ |
25 Jehovha akandipa mubayiro maererano nokururama kwangu, maererano nokuchema kwangu pamberi pake.
| וישב יהוה לי כצדקתי כברי לנגד עיניו׃ |
26 “Kune vakatendeka munoratidza kutendeka kwenyu, kune vasina chavanopomerwa munoratidza kusapomerwa kwenyu,
| עם חסיד תתחסד עם גבור תמים תתמם׃ |
27 kune vakachena munozviratidza makachena, asi kune vasakarurama munozviratidza nehasha.
| עם נבר תתבר ועם עקש תתפל׃ |
28 Munoponesa vanozvininipisa, asi meso enyu ari pamusoro pavanozvikudza kuti muvaderedze.
| ואת עם עני תושיע ועיניך על רמים תשפיל׃ |
29 Imi muri mwenje wangu, Jehovha; Jehovha anoshandura rima rangu kuti rive chiedza.
| כי אתה נירי יהוה ויהוה יגיה חשכי׃ |
30 Norubatsiro rwenyu ndinogona kuenda kundorwa neboka ravarwi; naMwari wangu ndinogona kukwira rusvingo.
| כי בכה ארוץ גדוד באלהי אדלג שור׃ |
31 “Kana ari Mwari, nzira yake yakarurama kwazvo; shoko raJehovha harina charingapomerwa. Ndiye nhoo yavose vanovanda maari.
| האל תמים דרכו אמרת יהוה צרופה מגן הוא לכל החסים בו׃ |
32 Nokuti ndianiko Mwari kunze kwaJehovha? Uye ndianiko Dombo kunze kwaMwari wedu?
| כי מי אל מבלעדי יהוה ומי צור מבלעדי אלהינו׃ |
33 NdiMwari anondishongedza nesimba uye anoruramisa nzira yangu.
| האל מעוזי חיל ויתר תמים דרכו׃ |
34 Anoita tsoka dzangu kuti dzive setsoka dzenondo; anoita kuti ndigone kumira pakakwirira.
| משוה רגליו כאילות ועל במותי יעמדני׃ |
35 Anodzidzisa maoko angu kurwa; maoko angu anowembura uta hwendarira.
| מלמד ידי למלחמה ונחת קשת נחושה זרעתי׃ |
36 Munondipa nhoo yenyu yokukunda, munokotamira pasi kuti mundikurise.
| ותתן לי מגן ישעך וענתך תרבני׃ |
37 Munotambanudza nzira pasi pangu, kuitira kuti zvitsitsinho zvangu zvirege kutsauka.
| תרחיב צעדי תחתני ולא מעדו קרסלי׃ |
38 “Ndakatevera vavengi vangu ndikavaparadza; handina kudzoka kusvikira vaparadzwa.
| ארדפה איבי ואשמידם ולא אשוב עד כלותם׃ |
39 Ndakavaparadza zvachose, uye havana kugona kumuka; vakawira pasi petsoka dzangu.
| ואכלם ואמחצם ולא יקומון ויפלו תחת רגלי׃ |
40 Makandishongedza nesimba rokurwa; makaita kuti vadzivisi vangu vakotame patsoka dzangu.
| ותזרני חיל למלחמה תכריע קמי תחתני׃ |
41 Makaita kuti vavengi vangu vatize pakurwa, uye ndakaparadza vavengi vangu.
| ואיבי תתה לי ערף משנאי ואצמיתם׃ |
42 Vakachemera kubatsirwa, asi hakuna munhu akavaponesa, kunyange kuna Jehovha, asi haana kupindura.
| ישעו ואין משיע אל יהוה ולא ענם׃ |
43 Ndakavapwanya vakatsetseka seguruva renyika; ndakavatswa uye ndikavatsika sedope riri munzira dzomumusha.
| ואשחקם כעפר ארץ כטיט חוצות אדקם ארקעם׃ |
44 “Makandinunura kubva pakurwisa kwavanhu vangu; makandichengetedza somutungamiri wendudzi. Vanhu vandakanga ndisingazivi vava pasi pangu.
| ותפלטני מריבי עמי תשמרני לראש גוים עם לא ידעתי יעבדני׃ |
45 Uye vatorwa vanouya kwandiri vachidedera, pavanongondinzwa vanonditeerera.
| בני נכר יתכחשו לי לשמוע אזן ישמעו לי׃ |
46 Vose vanoora mwoyo; vanouya vachidedera kubva panhare dzavo.
| בני נכר יבלו ויחגרו ממסגרותם׃ |
47 “Jehovha mupenyu! Dombo rangu ngarirumbidzwe! Ngaakudzwe Mwari, iye Dombo, Muponesi wangu!
| חי יהוה וברוך צורי וירם אלהי צור ישעי׃ |
48 Ndiye Mwari anonditsivira, anoisa ndudzi pasi pangu,
| האל הנתן נקמת לי ומוריד עמים תחתני׃ |
49 anondisunungura kubva kuvavengi vangu. Imi makandikudza pamusoro pavavengi vangu; kubva kuvanhu vanoita nechisimba, makandinunura.
| ומוציאי מאיבי ומקמי תרוממני מאיש חמסים תצילני׃ |
50 Naizvozvo ndichakurumbidzai, imi Jehovha, pakati pendudzi; ndicharumbidza zita renyu nenziyo.
| על כן אודך יהוה בגוים ולשמך אזמר׃ |
51 “Iye anopa mambo wake kukunda kukuru; anoratidza unyoro hwake kumuzodziwa wake, kuna Dhavhidhi nezvizvarwa zvake nokusingaperi.”
| מגדיל ישועות מלכו ועשה חסד למשיחו לדוד ולזרעו עד עולם׃ |
