1 Samueri 26
1 VaZifi vakaenda kuna Sauro paGibhea vakati, “Ko, Dhavhidhi haana kuvanda pachikomo cheHakira, chakatarisana neJeshimoni here?”
齊弗人來到基貝亞見撒烏耳說：「達味藏在曠野邊緣哈基拉山中。
2 Saka Sauro akaburuka akaenda kuRenje reZifi, ana varume zviuru zvitatu vakanga vasarudzwa pakati pavaIsraeri, kuti vandotsvaka Dhavhidhi ikoko.
撒烏耳遂動身下到齊弗曠野，同他去的約有三千以色列精兵，在齊弗曠野搜捕達味。
3 Sauro akaita musasa wake parutivi pomugwagwa uri pachikomo cheHakira chakatarisana neJeshimoni, asi Dhavhidhi akanga achigara murenje. Akati achiona kuti Sauro akanga amutevera imomo,
撒烏耳在曠野邊綠哈拉基山上，靠路旁紮了營。當時達味住在曠野裏，他得知撒烏耳來到曠野搜捕自己，
4 akatuma vasori akanzwa kuti Sauro akanga asvika, zvirokwazvo.
遂派出偵探，因而得知撒烏耳確已來到。
5 Ipapo Dhavhidhi akasimuka akaenda kunzvimbo kwakanga kwadzikwa musasa naSauro. Akaona pakanga pakavata Sauro naAbhineri mwanakomana waNeri mukuru wehondo. Sauro akanga akavata mukati momusasa, uye varwi vakavaka misasa yavo vakamupoteredza.
達味遂起身來到撒烏耳紮營的地方，察看撒烏耳和他的統帥乃爾的兒子阿貝厏爾睡覺的地方：撒烏耳睡在行營中心，他的部隊駐紮在他的四周。
6 Ipapo Dhavhidhi akabvunza Ahimereki muHeti naAbhishai mwanakomana waZeruya, mununʼuna waJoabhu akati, “Ndianiko achapinda neni mumusasa kuna Sauro?” Abhishai akati, “Ndichaenda nemi.”
達味就問赫得人阿希默肋客和責魯雅的兒子約阿布的兄弟阿彼瑟說：「誰同我下到撒烏耳的營中去﹖」阿彼瑟答說：「我同你下去」。
7 Saka Dhavhidhi naAbhishai vakaenda kuvarwi usiku, uye vakawana Sauro avete mukati momusasa, pfumo rake rakabayirwa pasi pedyo nomusoro wake. Abhineri navarwi vakanga vavete vakamupoteredza.
達味和阿彼瑟便在夜間深入敵營，見撒烏耳睡臥在行營中心，他的槍插在頭旁地上，阿貝乃爾和部隊環繞他睡在四周。
8 Abhishai akati kuna Dhavhidhi, “Nhasi Mwari aisa muvengi wenyu mumaoko enyu. Zvino regai ndimubayire pasi kamwe chete nepfumo rangu; handimbomubayi kaviri.”
阿彼瑟對達味說：「今天天主將你的仇人交在你手裏了! 如今讓我用他的槍，把他釘在地上，只一下，不需要給他第二下」。
9 Asi Dhavhidhi akati kuna Abhishai, “Usamuparadza! Ndianiko angagona kutambanudza ruoko rwake pamuzodziwa waJehovha akashaya mhosva?
達味卻對阿彼瑟說：「不可殺他! 因為誰敢插手加害上主的受傅者，而能無罪呢﹖」
10 Zvirokwazvo naJehovha mupenyu, Jehovha pachake ndiye achamuuraya; zvimwe nguva yake ichasvika uye achafa, kana kuti achaenda kuhondo agofa.
達味又說：「我指著永生的上主起誓：只有上主可打擊他，或到了他的日子；終於死去，或下到戰場陣亡。
11 Asi Jehovha ngaandidzivise kuti ndirege kutambanudzira ruoko rwangu kumuzodziwa waJehovha. Zvino chitora pfumo nechirongo chemvura zviri pedyo nomusoro wake tiende.”
在上主散，我決不頊插手加害上主的受傅者。現今，你快拿去他頭旁的槍和水壺，我們就離去」。
12 Saka Dhavhidhi akatora pfumo nechirongo chemvura pedyo nomusoro waSauro, ivo ndokubvapo. Hakuna akaona kana kuziva nezvazvo, uye hakuna kana akamuka. Vose vakanga vavete, nokuti Jehovha akanga avapa hope huru.
達味遂就撒烏耳頭旁拿了槍和水壺，二人就走了。誰也沒有看見，誰也沒有理會，誰也沒有醒來，都沈睡了，因為上主使他們沉入睡夢中。
13 Ipapo Dhavhidhi akayambuka akaenda kuno rumwe rutivi akandomira pamusoro pechikomo, chinhambwe chiri kure; pakanga pane nzvimbo yakafara pakati pavo.
達味走到對面，遠遠站在山頭上，他們彼此相隔很遠，
14 Akadanidzira kuvarwi nokuna Abhineri mwanakomana waNeri akati, “Abhineri haundidaviri here?” Abhineri akapindura akati, “Ndiwe aniko unodanidzira kuna mambo?”
達味於是向軍隊和乃爾的兒子阿貝乃爾喊說：「阿貝乃爾! 你不答應嗎﹖」阿貝乃爾答說：「你是誰﹖竟敢吵醒君王! 」
15 Dhavhidhi akati, “Uri murume, handizvo here? Uye ndianiko akaita sewe muIsraeri? Ko, wakaregererei kurinda ishe wako iye mambo? Mumwe akasvika kuzoparadza ishe wako iye mambo.
達味對阿貝乃爾說：「你不是個好漢嗎﹖以色列中有誰能與你相比﹖民間來了一個要殺害你的主上君王的，你為什麼沒有好好護守你的主上君王﹖
16 Zvawaita hazvina kunaka. Zvirokwazvo naJehovha mupenyu, iwe navanhu vako munofanira kufa, nokuti hamuna kurinda tenzi wenyu, iye muzodziwa waJehovha. Chitarira pauri. Ko, pfumo ramambo nechirongo chavo zvakanga zviri pedyo nomusoro wavo zviripi?”
這事你實在做的不對! 我指著永生的上主起誓：你們都該死，因為你們沒有好好護守你們的主子，上主的受傳者。現今你去看一看君王的槍在哪裏﹖他頭旁的水壺又在哪裏﹖」
17 Sauro akaziva inzwi raDhavhidhi akati, “Ko, inzwi rako here Dhavhidhi mwanakomana wangu?” Dhavhidhi akapindura akati, “Hongu ndiro, ishe wangu mambo.”
撒烏耳認出是達味的聲音，就說：「我兒達味，這不是你的聲音嗎﹖」達味答說：「我主大王，是我的聲音」。
18 Akatizve, “Seiko ishe wangu achidzinganisa muranda wake? Ndakaiteiko, uye mhosva yandakapara ndeipiko?
遂接著說：「我主為什麼迫害他的僕人﹖我究竟作了什麼惡事﹖
19 Zvino ishe wangu mambo ngaateerere mashoko omuranda wake. Kana Jehovha akakukurudzirai kuti muzorwa neni, zvino ngaagamuchire chipiriso. Kana, zvakadaro hazvo, vari vanhu vakazviita, ngavatukwe pamberi paJehovha! Vakandidzinga zvino pamugove wangu panhaka yaJehovha vakati, ‘Enda undoshumira vamwe vamwari.’
如今請我主大王聽他僕人一句話：如果是上主感動你來害我，願衪收納這個祭獻；但是；若是人煽惑你，他們在上主面前是該詛咒的，因為他們今日將我驅逐，不容我分享上主的產業，無異是說：你去，事奉外邦的神吧!
20 Zvino ropa rangu ngarirege kuteukira pasi kure naJehovha. Mambo waIsraeri akabuda kuti azotsvaka nhata, somunhu anovhima chikwari mumakomo.”
現今，願我的血不流在很遠的地方，因為以色列的君王出來獵取我的性命，就如人在山上獵取鷓鴣! 」
21 Ipapo Sauro akati, “Ndakatadza. Dzoka, Dhavhidhi mwanakomana wangu. Nokuti waona kukosha kwoupenyu hwangu nhasi, handichaedzi kukuuraya zvakare. Zvirokwazvo ndakaita sebenzi uye ndakatadza zvikuru.”
撒烏耳說：「我兒達味，我犯了罪，你回去吧! 我再不加害你了! 因為你今天實在珍惜了我的性命。哎! 我太昏愚，實在錯了! 」
22 Dhavhidhi akati, “Heri pfumo ramambo. Regai mumwe wamajaya enyu auye kuno azoritora.
達味答說：「這裏有大王的槍，叫一個僕人來去。
23 Jehovha anoripira munhu mumwe nomumwe nokuda kwokururama kwake uye nokutendeka kwake. Jehovha akuisai mumaoko angu nhasi, asi handina kuda kutambanudzira ruoko rwangu pamuzodziwa waJehovha.
願上主報答各人的正義和忠誠! 因為今天上主把你交在我手裏，我卻不頊加害上主的受傅者。
24 Zvirokwazvo sezvandakoshesa upenyu hwenyu nhasi, saizvozvo Jehovha ngaakoshese upenyu hwangu agondiponesa pamatambudziko ose.”
請看! 我今天怎樣看重了你的性命，也願上主怎樣看重我的性命，從一切憂患中拯救我! 」
25 Ipapo Sauro akati kuna Dhavhidhi, “Iwe uropafadzwe, mwanakomana wangu Dhavhidhi; iwe uchaita zvinhu zvikuru uye zvirokwazvo uchakunda.” Saka Dhavhidhi akaenda hake, uye Sauro akadzokera kumusha.
撒烏耳對達味說：「我兒達味，你實在是可讚美的，你必有所作為，也必有成就」。然後達味走了，撒烏耳也回了家。
