1 Madzimambo 17
1 Zvino Eria muTishibhi aigara muGireadhi, akati kuna Ahabhu, “NaJehovha, Mwari waIsraeri mupenyu, wandinoshumira, hakuchazova nedova kana mvura inonaya mumakore anotevera kunze kwokutenge ndareva ini.”
基列寄居的提斯比人以利亞對亞哈說：「我指着所事奉永生耶和華－以色列的上帝起誓，這幾年我若不禱告，必不降露，不下雨。」
2 Ipapo shoko raJehovha rakasvika kuna Eria richiti,
耶和華的話臨到以利亞說：
3 “Ibva pano, nanga kumabvazuva undovanda paRukova rweKeriti, kumabvazuva kweJorodhani.
「你離開這裏往東去，藏在約旦河東邊的基立溪旁。
4 Uchanwa mvura yorukova urwu, uye ndarayira makunguo kuti akupe zvokudya ikoko.”
你要喝那溪裏的水，我已吩咐烏鴉在那裏供養你。」
5 Saka akaita zvaakanga audzwa naJehovha. Akaenda kuRukova rweKeriti, kumabvazuva kweJorodhani, akagarako.
於是以利亞照着耶和華的話，去住在約旦河東的基立溪旁。
6 Makunguo akamuvigira chingwa nenyama mangwanani, nechingwa nenyama manheru, uye akanwa mvura murukova.
烏鴉早晚給他叼餅和肉來，他也喝那溪裏的水。
7 Mushure menguva yakati, rukova rwakapwa nokuti mvura yakanga isinganayi panyika.
過了些日子，溪水就乾了，因為雨沒有下在地上。
8 Zvino shoko raJehovha rakauya kwaari richiti,
耶和華的話臨到他說：
9 “Simuka izvozvi uende kuZarefati kunyika yeSidhoni undogarako. Ndarayira chirikadzi iri munzvimbo iyoyo kuti ikupe zvokudya.”
「你起身往西頓的撒勒法去，住在那裏；我已吩咐那裏的一個寡婦供養你。」
10 Naizvozvo akaenda kuZarefati. Paakasvika pasuo reguta, chirikadzi yakanga iripo ichitsvaga huni. Akamudana akamubvunza akati, “Mungandivigirawo mvura shoma shoma mumukombe here kuti ndinwe?”
以利亞就起身往撒勒法去。到了城門，見有一個寡婦在那裏撿柴，以利亞呼叫她說：「求你用器皿取點水來給我喝。」
11 Paakanga ava kuenda kundoitora, iye akadanidzira akati, “Mundivigirewo chimedu chechingwa, ndapota.”
她去取水的時候，以利亞又呼叫她說：「也求你拿點餅來給我！」
12 Iye akapindura akati, “Zvirokwazvo naJehovha Mwari wenyu mupenyu, handina chingwa. Ndinongova netufurawu tushoma shoma muhari namafuta mashoma shoma muhari. Ndiri kunhonga huni shoma shoma kuti ndiende nadzo kumba ndinozvibikira kudya ini nomwanakomana wangu, kuti tigodya, tife hedu.”
她說：「我指着永生耶和華－你的上帝起誓，我沒有餅，罈內只有一把麵，瓶裏只有一點油；我現在找兩根柴，回家要為我和我兒子做餅；我們吃了，死就死吧！」
13 Eria akati kwaari, “Usatya. Enda kumba undoita sezvawareva. Asi tanga wandibikira chingwa chiduku pane zvaunazvo ugouya nacho kwandiri, mushure ugozvigadzirira iwe nomwanakomana wako.
以利亞對她說：「不要懼怕！可以照你所說的去做吧！只要先為我做一個小餅拿來給我，然後為你和你的兒子做餅。
14 Nokuti zvanzi naJehovha, Mwari waIsraeri, ‘Furawu iri muhari imomo haizoperi uye mafuta ari muhari haazoperi kusvikira zuva iro richanayiswa mvura panyika naJehovha.’”
因為耶和華－以色列的上帝如此說：罈內的麵必不減少，瓶裏的油必不缺短，直到耶和華使雨降在地上的日子。」
15 Akaenda akandoita sezvaakanga audzwa naEria. Saka zvokudya zvaEria zvakavapo mazuva ose uyewo nezvomukadzi nemhuri yake.
婦人就照以利亞的話去行。她和她家中的人，並以利亞，吃了許多日子。
16 Furawu yaiva muhari haina kupera uye mafuta aiva muhari haana kupera, sezvazvakanga zvarehwa neshoko raJehovha rakataurwa naEria.
罈內的麵果不減少，瓶裏的油也不缺短，正如耶和華藉以利亞所說的話。
17 Kwapera nguva yakati, mwanakomana womukadzi, muridzi weimba, akarwara. Kurwara kwake kwakanyanya kwazvo, pakupedzisira akamira kufema.
這事以後，作那家主母的婦人，她兒子病了；病得甚重，以致身無氣息。
18 Mukadzi akati kuna Eria, “Ndakakutadzireiko, munhu waMwari? Wakauya here kuzondirangaridza chivi changu nokuuraya mwanakomana wangu?”
婦人對以利亞說：「神人哪，我與你何干？你竟到我這裏來，使上帝想念我的罪，以致我的兒子死呢？」
19 Eria akapindura akati, “Ndipe mwanakomana wako kuno.” Akamutora kubva mumaoko ake, akamutakura akaenda naye kuimba yapamusoro yaaigara, akamuradzika pamubhedha wake.
以利亞對她說：「把你兒子交給我。」以利亞就從婦人懷中將孩子接過來，抱到他所住的樓中，放在自己的床上，
20 Ipapo akadanidzira kuna Jehovha akati, “Haiwa, Jehovha Mwari wangu, mauyisawo here dambudziko pachirikadzi iyi yandiri kugara nayo, nokuuraya mwanakomana wayo?”
就求告耶和華說：「耶和華－我的上帝啊，我寄居在這寡婦的家裏，你就降禍與她，使她的兒子死了嗎？」
21 Ipapo akazvambarara pamusoro pomukomana katatu akadanidzira kuna Jehovha akati, “Haiwa Jehovha Mwari wangu, itai kuti mweya womukomana uyu udzokere maari!”
以利亞三次伏在孩子的身上，求告耶和華說：「耶和華－我的上帝啊，求你使這孩子的靈魂仍入他的身體！」
22 Jehovha akanzwa kudanidzira kwaEria, mweya womukomana ukadzokera maari, akararama.
耶和華應允以利亞的話，孩子的靈魂仍入他的身體，他就活了。
23 Eria akatora mwana akamutakura achibuda mumba maakanga ari akaenda naye mumba huru. Akamupa kuna mai vake akati, “Tarirai, mwanakomana wenyu mupenyu!”
以利亞將孩子從樓上抱下來，進屋子交給他母親，說：「看哪，你的兒子活了！」
24 Ipapo mukadzi akati kuna Eria, “Zvino ndazoziva kuti muri munhu waMwari uye kuti shoko raJehovha rinobuda mumuromo menyu nderechokwadi.”
婦人對以利亞說：「現在我知道你是神人，耶和華藉你口所說的話是真的。」
