རོམིཎཿ 3

1 ཨཔརཉྩ ཡིཧཱུདིནཿ ཀིཾ ཤྲེཥྛཏྭཾ? ཏཐཱ ཏྭཀྪེདསྱ ཝཱ ཀིཾ ཕལཾ?

apara nca yihuudina. h ki. m "sre. s.thatva. m? tathaa tvakchedasya vaa ki. m phala. m?

2 སཪྻྭཐཱ བཧཱུནི ཕལཱནི སནྟི, ཝིཤེཥཏ ཨཱིཤྭརསྱ ཤཱསྟྲཾ ཏེབྷྱོ྅དཱིཡཏ།

sarvvathaa bahuuni phalaani santi, vi"se. sata ii"svarasya "saastra. m tebhyo. adiiyata|

3 ཀཻཤྩིད྄ ཨཝིཤྭསནེ ཀྲྀཏེ ཏེཥཱམ྄ ཨཝིཤྭསནཱཏ྄ ཀིམ྄ ཨཱིཤྭརསྱ ཝིཤྭཱསྱཏཱཡཱ ཧཱནིརུཏྤཏྶྱཏེ?

kai"scid avi"svasane k. rte te. saam avi"svasanaat kim ii"svarasya vi"svaasyataayaa haanirutpatsyate?

4 ཀེནཱཔི པྲཀཱརེཎ ནཧི། ཡདྱཔི སཪྻྭེ མནུཥྱཱ མིཐྱཱཝཱདིནསྟཐཱཔཱིཤྭརཿ སཏྱཝཱདཱི། ཤཱསྟྲེ ཡཐཱ ལིཁིཏམཱསྟེ, ཨཏསྟྭནྟུ སྭཝཱཀྱེན ནིརྡྡོཥོ ཧི བྷཝིཥྱསི། ཝིཙཱརེ ཙཻཝ ནིཥྤཱཔོ བྷཝིཥྱསི ན སཾཤཡཿ།

kenaapi prakaare. na nahi| yadyapi sarvve manu. syaa mithyaavaadinastathaapii"svara. h satyavaadii| "saastre yathaa likhitamaaste, atastvantu svavaakyena nirddo. so hi bhavi. syasi| vicaare caiva ni. spaapo bhavi. syasi na sa. m"saya. h|

5 ཨསྨཱཀམ྄ ཨནྱཱཡེན ཡདཱིཤྭརསྱ ནྱཱཡཿ པྲཀཱཤཏེ ཏརྷི ཀིཾ ཝདིཥྱཱམཿ? ཨཧཾ མཱནུཥཱཎཱཾ ཀཐཱམིཝ ཀཐཱཾ ཀཐཡཱམི, ཨཱིཤྭརཿ སམུཙིཏཾ དཎྜཾ དཏྟྭཱ ཀིམ྄ ཨནྱཱཡཱི བྷཝིཥྱཏི?

asmaakam anyaayena yadii"svarasya nyaaya. h prakaa"sate tarhi ki. m vadi. syaama. h? aha. m maanu. saa. naa. m kathaamiva kathaa. m kathayaami, ii"svara. h samucita. m da. n.da. m dattvaa kim anyaayii bhavi. syati?

6 ཨིཏྠཾ ན བྷཝཏུ, ཏཐཱ སཏཱིཤྭརཿ ཀཐཾ ཛགཏོ ཝིཙཱརཡིཏཱ བྷཝིཥྱཏི?

ittha. m na bhavatu, tathaa satii"svara. h katha. m jagato vicaarayitaa bhavi. syati?

7 མམ མིཐྱཱཝཱཀྱཝདནཱད྄ ཡདཱིཤྭརསྱ སཏྱཏྭེན ཏསྱ མཧིམཱ ཝརྡྡྷཏེ ཏརྷི ཀསྨཱདཧཾ ཝིཙཱརེ྅པརཱདྷིཏྭེན གཎྱོ བྷཝཱམི?

mama mithyaavaakyavadanaad yadii"svarasya satyatvena tasya mahimaa varddhate tarhi kasmaadaha. m vicaare. aparaadhitvena ga. nyo bhavaami?

8 མངྒལཱརྠཾ པཱཔམཔི ཀརཎཱིཡམིཏི ཝཱཀྱཾ ཏྭཡཱ ཀུཏོ ནོཙྱཏེ? ཀིནྟུ ཡཻརུཙྱཏེ ཏེ ནིཏཱནྟཾ དཎྜསྱ པཱཏྲཱཎི བྷཝནྟི; ཏཐཱཔི ཏདྭཱཀྱམ྄ ཨསྨཱབྷིརཔྱུཙྱཏ ཨིཏྱསྨཱཀཾ གླཱནིཾ ཀུཪྻྭནྟཿ ཀིཡནྟོ ལོཀཱ ཝདནྟི།

ma"ngalaartha. m paapamapi kara. niiyamiti vaakya. m tvayaa kuto nocyate? kintu yairucyate te nitaanta. m da. n.dasya paatraa. ni bhavanti; tathaapi tadvaakyam asmaabhirapyucyata ityasmaaka. m glaani. m kurvvanta. h kiyanto lokaa vadanti|

9 ཨནྱལོཀེབྷྱོ ཝཡཾ ཀིཾ ཤྲེཥྛཱཿ? ཀདཱཙན ནཧི ཡཏོ ཡིཧཱུདིནོ ྅ནྱདེཤིནཤྩ སཪྻྭཨེཝ པཱཔསྱཱཡཏྟཱ ཨིཏྱསྱ པྲམཱཎཾ ཝཡཾ པཱུཪྻྭམ྄ ཨདདཱམ།

anyalokebhyo vaya. m ki. m "sre. s.thaa. h? kadaacana nahi yato yihuudino. anyade"sina"sca sarvvaeva paapasyaayattaa ityasya pramaa. na. m vaya. m puurvvam adadaama|

10 ལིཔི ཪྻཐཱསྟེ, ནཻཀོཔི དྷཱརྨྨིཀོ ཛནཿ།

lipi ryathaaste, naikopi dhaarmmiko jana. h|

11 ཏཐཱ ཛྙཱནཱིཤྭརཛྙཱནཱི མཱནཝཿ ཀོཔི ནཱསྟི ཧི།

tathaa j naanii"svaraj naanii maanava. h kopi naasti hi|

12 ཝིམཱརྒགཱམིནཿ སཪྻྭེ སཪྻྭེ དུཥྐརྨྨཀཱརིཎཿ། ཨེཀོ ཛནོཔི ནོ ཏེཥཱཾ སཱདྷུཀརྨྨ ཀརོཏི ཙ།

vimaargagaamina. h sarvve sarvve du. skarmmakaari. na. h| eko janopi no te. saa. m saadhukarmma karoti ca|

13 ཏཐཱ ཏེཥཱནྟུ ཝཻ ཀཎྛཱ ཨནཱཝྲྀཏཤྨཤཱནཝཏ྄། སྟུཏིཝཱདཾ པྲཀུཪྻྭནྟི ཛིཧྭཱབྷིསྟེ ཏུ ཀེཝལཾ། ཏེཥཱམོཥྛསྱ ནིམྣེ ཏུ ཝིཥཾ ཏིཥྛཏི སརྤྤཝཏ྄།

tathaa te. saantu vai ka. n.thaa anaav. rta"sma"saanavat| stutivaada. m prakurvvanti jihvaabhiste tu kevala. m| te. saamo. s.thasya nimne tu vi. sa. m ti. s.thati sarppavat|

14 མུཁཾ ཏེཥཱཾ ཧི ཤཱཔེན ཀཔཊེན ཙ པཱུཪྻྱཏེ།

mukha. m te. saa. m hi "saapena kapa. tena ca puuryyate|

15 རཀྟཔཱཏཱཡ ཏེཥཱཾ ཏུ པདཱནི ཀྵིཔྲགཱནི ཙ།

raktapaataaya te. saa. m tu padaani k. sipragaani ca|

16 པཐི ཏེཥཱཾ མནུཥྱཱཎཱཾ ནཱཤཿ ཀླེཤཤྩ ཀེཝལཿ།

pathi te. saa. m manu. syaa. naa. m naa"sa. h kle"sa"sca kevala. h|

17 ཏེ ཛནཱ ནཧི ཛཱནནྟི པནྠཱནཾ སུཁདཱཡིནཾ།

te janaa nahi jaananti panthaana. m sukhadaayina. m|

18 པརམེཤཱད྄ བྷཡཾ ཡཏྟཏ྄ ཏཙྩཀྵུཥོརགོཙརཾ།

parame"saad bhaya. m yattat taccak. su. soragocara. m|

19 ཝྱཝསྠཱཡཱཾ ཡདྱལླིཁཏི ཏད྄ ཝྱཝསྠཱདྷཱིནཱན྄ ལོཀཱན྄ ཨུདྡིཤྱ ལིཁཏཱིཏི ཝཡཾ ཛཱནཱིམཿ། ཏཏོ མནུཥྱམཱཏྲོ ནིརུཏྟརཿ སན྄ ཨཱིཤྭརསྱ སཱཀྵཱད྄ ཨཔརཱདྷཱི བྷཝཏི།

vyavasthaayaa. m yadyallikhati tad vyavasthaadhiinaan lokaan uddi"sya likhatiiti vaya. m jaaniima. h| tato manu. syamaatro niruttara. h san ii"svarasya saak. saad aparaadhii bhavati|

20 ཨཏཨེཝ ཝྱཝསྠཱནུརཱུཔཻཿ ཀརྨྨབྷིཿ ཀཤྩིདཔི པྲཱཎཱིཤྭརསྱ སཱཀྵཱཏ྄ སཔུཎྱཱིཀྲྀཏོ བྷཝིཏུཾ ན ཤཀྵྱཏི ཡཏོ ཝྱཝསྠཡཱ པཱཔཛྙཱནམཱཏྲཾ ཛཱཡཏེ།

ataeva vyavasthaanuruupai. h karmmabhi. h ka"scidapi praa. nii"svarasya saak. saat sapu. nyiik. rto bhavitu. m na "sak. syati yato vyavasthayaa paapaj naanamaatra. m jaayate|

21 ཀིནྟུ ཝྱཝསྠཱཡཱཿ པྲྀཐག྄ ཨཱིཤྭརེཎ དེཡཾ ཡཏ྄ པུཎྱཾ ཏད྄ ཝྱཝསྠཱཡཱ བྷཝིཥྱདྭཱདིགཎསྱ ཙ ཝཙནཻཿ པྲམཱཎཱིཀྲྀཏཾ སད྄ ཨིདཱནཱིཾ པྲཀཱཤཏེ།

kintu vyavasthaayaa. h p. rthag ii"svare. na deya. m yat pu. nya. m tad vyavasthaayaa bhavi. syadvaadiga. nasya ca vacanai. h pramaa. niik. rta. m sad idaanii. m prakaa"sate|

22 ཡཱིཤུཁྲཱིཥྚེ ཝིཤྭཱསཀརཎཱད྄ ཨཱིཤྭརེཎ དཏྟཾ ཏཏ྄ པུཎྱཾ སཀལེཥུ པྲཀཱཤིཏཾ སཏ྄ སཪྻྭཱན྄ ཝིཤྭཱསིནཿ པྲཏི ཝརྟྟཏེ།

yii"sukhrii. s.te vi"svaasakara. naad ii"svare. na datta. m tat pu. nya. m sakale. su prakaa"sita. m sat sarvvaan vi"svaasina. h prati varttate|

23 ཏེཥཱཾ ཀོཔི པྲབྷེདོ ནཱསྟི, ཡཏཿ སཪྻྭཨེཝ པཱཔིན ཨཱིཤྭརཱིཡཏེཛོཧཱིནཱཤྩ ཛཱཏཱཿ།

te. saa. m kopi prabhedo naasti, yata. h sarvvaeva paapina ii"svariiyatejohiinaa"sca jaataa. h|

24 ཏ ཨཱིཤྭརསྱཱནུགྲཧཱད྄ མཱུལྱཾ ཝིནཱ ཁྲཱིཥྚཀྲྀཏེན པརིཏྲཱཎེན སཔུཎྱཱིཀྲྀཏཱ བྷཝནྟི།

ta ii"svarasyaanugrahaad muulya. m vinaa khrii. s.tak. rtena paritraa. nena sapu. nyiik. rtaa bhavanti|

25 ཡསྨཱཏ྄ སྭཤོཎིཏེན ཝིཤྭཱསཱཏ྄ པཱཔནཱཤཀོ བལཱི བྷཝིཏུཾ ས ཨེཝ པཱུཪྻྭམ྄ ཨཱིཤྭརེཎ ནིཤྩིཏཿ, ཨིཏྠམ྄ ཨཱིཤྭརཱིཡསཧིཥྞུཏྭཱཏ྄ པུརཱཀྲྀཏཔཱཔཱནཱཾ མཱརྫྫནཀརཎེ སྭཱིཡཡཱཐཱརྠྱཾ ཏེན པྲཀཱཤྱཏེ,

yasmaat sva"so. nitena vi"svaasaat paapanaa"sako balii bhavitu. m sa eva puurvvam ii"svare. na ni"scita. h, ittham ii"svariiyasahi. s.nutvaat puraak. rtapaapaanaa. m maarjjanakara. ne sviiyayaathaarthya. m tena prakaa"syate,

26 ཝརྟྟམཱནཀཱལཱིཡམཔི སྭཡཱཐཱརྠྱཾ ཏེན པྲཀཱཤྱཏེ, ཨཔརཾ ཡཱིཤཽ ཝིཤྭཱསིནཾ སཔུཎྱཱིཀུཪྻྭནྣཔི ས ཡཱཐཱརྠིཀསྟིཥྛཏི།

varttamaanakaaliiyamapi svayaathaarthya. m tena prakaa"syate, apara. m yii"sau vi"svaasina. m sapu. nyiikurvvannapi sa yaathaarthikasti. s.thati|

27 ཏརྷི ཀུཏྲཱཏྨཤླཱགྷཱ? སཱ དཱུརཱིཀྲྀཏཱ; ཀཡཱ ཝྱཝསྠཡཱ? ཀིཾ ཀྲིཡཱརཱུཔཝྱཝསྠཡཱ? ཨིཏྠཾ ནཧི ཀིནྟུ ཏཏ྄ ཀེཝལཝིཤྭཱསརཱུཔཡཱ ཝྱཝསྠཡཻཝ བྷཝཏི།

tarhi kutraatma"slaaghaa? saa duuriik. rtaa; kayaa vyavasthayaa? ki. m kriyaaruupavyavasthayaa? ittha. m nahi kintu tat kevalavi"svaasaruupayaa vyavasthayaiva bhavati|

28 ཨཏཨེཝ ཝྱཝསྠཱནུརཱུཔཱཿ ཀྲིཡཱ ཝིནཱ ཀེཝལེན ཝིཤྭཱསེན མཱནཝཿ སཔུཎྱཱིཀྲྀཏོ བྷཝིཏུཾ ཤཀྣོཏཱིཏྱསྱ རཱདྡྷཱནྟཾ དརྴཡཱམཿ།

ataeva vyavasthaanuruupaa. h kriyaa vinaa kevalena vi"svaasena maanava. h sapu. nyiik. rto bhavitu. m "saknotiityasya raaddhaanta. m dar"sayaama. h|

29 ས ཀིཾ ཀེཝལཡིཧཱུདིནཱམ྄ ཨཱིཤྭརོ བྷཝཏི? བྷིནྣདེཤིནཱམ྄ ཨཱིཤྭརོ ན བྷཝཏི? བྷིནྣདེཤིནཱམཔི བྷཝཏི;

sa ki. m kevalayihuudinaam ii"svaro bhavati? bhinnade"sinaam ii"svaro na bhavati? bhinnade"sinaamapi bhavati;

30 ཡསྨཱད྄ ཨེཀ ཨཱིཤྭརོ ཝིཤྭཱསཱཏ྄ ཏྭཀྪེདིནོ ཝིཤྭཱསེནཱཏྭཀྪེདིནཤྩ སཔུཎྱཱིཀརིཥྱཏི།

yasmaad eka ii"svaro vi"svaasaat tvakchedino vi"svaasenaatvakchedina"sca sapu. nyiikari. syati|

31 ཏརྷི ཝིཤྭཱསེན ཝཡཾ ཀིཾ ཝྱཝསྠཱཾ ལུམྤཱམ? ཨིཏྠཾ ན བྷཝཏུ ཝཡཾ ཝྱཝསྠཱཾ སཾསྠཱཔཡཱམ ཨེཝ།

tarhi vi"svaasena vaya. m ki. m vyavasthaa. m lumpaama? ittha. m na bhavatu vaya. m vyavasthaa. m sa. msthaapayaama eva|