< མཱརྐཿ 14 >
1 ཏདཱ ནིསྟཱརོཏྶཝཀིཎྭཧཱིནཔཱུཔོཏྶཝཡོརཱརམྦྷསྱ དིནདྭཡེ ྅ཝཤིཥྚེ པྲདྷཱནཡཱཛཀཱ ཨདྷྱཱཔཀཱཤྩ ཀེནཱཔི ཚལེན ཡཱིཤུཾ དྷརྟྟཱཾ ཧནྟུཉྩ མྲྀགཡཱཉྩཀྲིརེ;
2 ཀིནྟུ ལོཀཱནཱཾ ཀལཧབྷཡཱདཱུཙིརེ, ནཙོཏྶཝཀཱལ ཨུཙིཏམེཏདིཏི།
3 ཨནནྟརཾ བཻཐནིཡཱཔུརེ ཤིམོནཀུཥྛིནོ གྲྀཧེ ཡོཤཽ བྷོཏྐུམུཔཝིཥྚེ སཏི ཀཱཙིད྄ ཡོཥིཏ྄ པཱཎྜརཔཱཥཱཎསྱ སམྤུཊཀེན མཧཱརྒྷྱོཏྟམཏཻལམ྄ ཨཱནཱིཡ སམྤུཊཀཾ བྷཾཀྟྭཱ ཏསྱོཏྟམཱངྒེ ཏཻལདྷཱརཱཾ པཱཏཡཱཉྩཀྲེ།
4 ཏསྨཱཏ྄ ཀེཙིཏ྄ སྭཱནྟེ ཀུཔྱནྟཿ ཀཐིཏཝཾནྟཿ ཀུཏོཡཾ ཏཻལཱཔཝྱཡཿ?
5 ཡདྱེཏཏ྄ ཏཻལ ཝྱཀྲེཥྱཏ ཏརྷི མུདྲཱཔཱདཤཏཏྲཡཱདཔྱདྷིཀཾ ཏསྱ པྲཱཔྟམཱུལྱཾ དརིདྲལོཀེབྷྱོ དཱཏུམཤཀྵྱཏ, ཀཐཱམེཏཱཾ ཀཐཡིཏྭཱ ཏཡཱ ཡོཥིཏཱ སཱཀཾ ཝཱཙཱཡུཧྱན྄།
6 ཀིནྟུ ཡཱིཤུརུཝཱཙ, ཀུཏ ཨེཏསྱཻ ཀྲྀཙྪྲཾ དདཱསི? མཧྱམིཡཾ ཀརྨྨོཏྟམཾ ཀྲྀཏཝཏཱི།
7 དརིདྲཱཿ སཪྻྭདཱ ཡུཥྨཱབྷིཿ སཧ ཏིཥྛནྟི, ཏསྨཱད྄ ཡཱུཡཾ ཡདེཙྪཐ ཏདཻཝ ཏཱནུཔཀརྟྟཱཾ ཤཀྣུཐ, ཀིནྟྭཧཾ ཡུབྷཱབྷིཿ སཧ ནིརནྟརཾ ན ཏིཥྛཱམི།
8 ཨསྱཱ ཡཐཱསཱདྷྱཾ ཏཐཻཝཱཀརོདིཡཾ, ཤྨཤཱནཡཱཔནཱཏ྄ པཱུཪྻྭཾ སམེཏྱ མདྭཔུཥི ཏཻལམ྄ ཨམརྡྡཡཏ྄།
9 ཨཧཾ ཡུཥྨབྷྱཾ ཡཐཱརྠཾ ཀཐཡཱམི, ཛགཏཱཾ མདྷྱེ ཡཏྲ ཡཏྲ སུསཾཝཱདོཡཾ པྲཙཱརཡིཥྱཏེ ཏཏྲ ཏཏྲ ཡོཥིཏ ཨེཏསྱཱཿ སྨརཎཱརྠཾ ཏཏྐྲྀཏཀརྨྨཻཏཏ྄ པྲཙཱརཡིཥྱཏེ།
10 ཏཏཿ པརཾ དྭཱདཤཱནཱཾ ཤིཥྱཱཎཱམེཀ ཨཱིཥྐརིཡོཏཱིཡཡིཧཱུདཱཁྱོ ཡཱིཤུཾ པརཀརེཥུ སམརྤཡིཏུཾ པྲདྷཱནཡཱཛཀཱནཱཾ སམཱིཔམིཡཱཡ།
11 ཏེ ཏསྱ ཝཱཀྱཾ སམཱཀརྞྱ སནྟུཥྚཱཿ སནྟསྟསྨཻ མུདྲཱ དཱཏུཾ པྲཏྱཛཱནཏ; ཏསྨཱཏ྄ ས ཏཾ ཏེཥཱཾ ཀརེཥུ སམརྤཎཱཡོཔཱཡཾ མྲྀགཡཱམཱས།
12 ཨནནྟརཾ ཀིཎྭཤཱུནྱཔཱུཔོཏྶཝསྱ པྲཐམེ྅ཧནི ནིསྟཱརོཏྨཝཱརྠཾ མེཥམཱརཎཱསམཡེ ཤིཥྱཱསྟཾ པཔྲཙྪཿ ཀུཏྲ གཏྭཱ ཝཡཾ ནིསྟཱརོཏྶཝསྱ བྷོཛྱམཱསཱདཡིཥྱཱམཿ? ཀིམིཙྪཏི བྷཝཱན྄?
13 ཏདཱནཱིཾ ས ཏེཥཱཾ དྭཡཾ པྲེརཡན྄ བབྷཱཥེ ཡུཝཡོཿ པུརམདྷྱཾ གཏཡོཿ སཏོ ཪྻོ ཛནཿ སཛལཀུམྦྷཾ ཝཧན྄ ཡུཝཱཾ སཱཀྵཱཏ྄ ཀརིཥྱཏི ཏསྱཻཝ པཤྩཱད྄ ཡཱཏཾ;
14 ས ཡཏ྄ སདནཾ པྲཝེཀྵྱཏི ཏདྦྷཝནཔཏིཾ ཝདཏཾ, གུརུརཱཧ ཡཏྲ སཤིཥྱོཧཾ ནིསྟཱརོཏྶཝཱིཡཾ བྷོཛནཾ ཀརིཥྱཱམི, སཱ བྷོཛནཤཱལཱ ཀུཏྲཱསྟི?
15 ཏཏཿ ས པརིཥྐྲྀཏཱཾ སུསཛྫིཏཱཾ བྲྀཧཏཱིཙཉྩ ཡཱཾ ཤཱལཱཾ དརྴཡིཥྱཏི ཏསྱཱམསྨདརྠཾ བྷོཛྱདྲཝྱཱཎྱཱསཱདཡཏཾ།
16 ཏཏཿ ཤིཥྱཽ པྲསྠཱཡ པུརཾ པྲཝིཤྱ ས ཡཐོཀྟཝཱན྄ ཏཐཻཝ པྲཱཔྱ ནིསྟཱརོཏྶཝསྱ བྷོཛྱདྲཝྱཱཎི སམཱསཱདཡེཏཱམ྄།
17 ཨནནྟརཾ ཡཱིཤུཿ སཱཡཾཀཱལེ དྭཱདཤབྷིཿ ཤིཥྱཻཿ སཱརྡྡྷཾ ཛགཱམ;
18 སཪྻྭེཥུ བྷོཛནཱཡ པྲོཔཝིཥྚེཥུ ས ཏཱནུདིཏཝཱན྄ ཡུཥྨཱནཧཾ ཡཐཱརྠཾ ཝྱཱཧརཱམི, ཨཏྲ ཡུཥྨཱཀམེཀོ ཛནོ ཡོ མཡཱ སཧ བྷུཾཀྟེ མཱཾ པརཀེརེཥུ སམརྤཡིཥྱཏེ།
19 ཏདཱནཱིཾ ཏེ དུཿཁིཏཱཿ སནྟ ཨེཀཻཀཤསྟཾ པྲཥྚུམཱརབྡྷཝནྟཿ ས ཀིམཧཾ? པཤྩཱད྄ ཨནྱ ཨེཀོབྷིདདྷེ ས ཀིམཧཾ?
20 ཏཏཿ ས པྲཏྱཝདད྄ ཨེཏེཥཱཾ དྭཱདཤཱནཱཾ ཡོ ཛནོ མཡཱ སམཾ བྷོཛནཱཔཱཏྲེ པཱཎིཾ མཛྫཡིཥྱཏི ས ཨེཝ།
21 མནུཛཏནཡམདྷི ཡཱདྲྀཤཾ ལིཁིཏམཱསྟེ ཏདནུརཱུཔཱ གཏིསྟསྱ བྷཝིཥྱཏི, ཀིནྟུ ཡོ ཛནོ མཱནཝསུཏཾ སམརྤཡིཥྱཏེ ཧནྟ ཏསྱ ཛནྨཱབྷཱཝེ སཏི བྷདྲམབྷཝིཥྱཏ྄།
22 ཨཔརཉྩ ཏེཥཱཾ བྷོཛནསམཡེ ཡཱིཤུཿ པཱུཔཾ གྲྀཧཱིཏྭེཤྭརགུཎཱན྄ ཨནུཀཱིརྟྱ བྷངྐྟྭཱ ཏེབྷྱོ དཏྟྭཱ བབྷཱཥེ, ཨེཏད྄ གྲྀཧཱིཏྭཱ བྷུཉྫཱིདྷྭམ྄ ཨེཏནྨམ ཝིགྲཧརཱུཔཾ།
23 ཨནནྟརཾ ས ཀཾསཾ གྲྀཧཱིཏྭེཤྭརསྱ གུཎཱན྄ ཀཱིརྟྟཡིཏྭཱ ཏེབྷྱོ དདཽ, ཏཏསྟེ སཪྻྭེ པཔུཿ།
24 ཨཔརཾ ས ཏཱནཝཱདཱིད྄ བཧཱུནཱཾ ནིམིཏྟཾ པཱཏིཏཾ མམ ནཝཱིནནིཡམརཱུཔཾ ཤོཎིཏམེཏཏ྄།
25 ཡུཥྨཱནཧཾ ཡཐཱརྠཾ ཝདཱམི, ཨཱིཤྭརསྱ རཱཛྱེ ཡཱཝཏ྄ སདྱོཛཱཏཾ དྲཱཀྵཱརསཾ ན པཱསྱཱམི, ཏཱཝདཧཾ དྲཱཀྵཱཕལརསཾ པུན རྣ པཱསྱཱམི།
26 ཏདནནྟརཾ ཏེ གཱིཏམེཀཾ སཾགཱིཡ བཧི རྫཻཏུནཾ ཤིཁརིཎཾ ཡཡུཿ
27 ཨཐ ཡཱིཤུསྟཱནུཝཱཙ ནིཤཱཡཱམསྱཱཾ མཡི ཡུཥྨཱཀཾ སཪྻྭེཥཱཾ པྲཏྱཱུཧོ བྷཝིཥྱཏི ཡཏོ ལིཁིཏམཱསྟེ ཡཐཱ, མེཥཱཎཱཾ རཀྵཀཉྩཱཧཾ པྲཧརིཥྱཱམི ཝཻ ཏཏཿ། མེཥཱཎཱཾ ནིཝཧོ ནཱུནཾ པྲཝིཀཱིརྞོ བྷཝིཥྱཏི།
28 ཀནྟུ མདུཏྠཱནེ ཛཱཏེ ཡུཥྨཱཀམགྲེ྅ཧཾ གཱལཱིལཾ ཝྲཛིཥྱཱམི།
29 ཏདཱ པིཏརཿ པྲཏིབབྷཱཥེ, ཡདྱཔི སཪྻྭེཥཱཾ པྲཏྱཱུཧོ བྷཝཏི ཏཐཱཔི མམ ནཻཝ བྷཝིཥྱཏི།
30 ཏཏོ ཡཱིཤུརུཀྟཱཝཱན྄ ཨཧཾ ཏུབྷྱཾ ཏཐྱཾ ཀཐཡཱམི, ཀྵཎཱདཱཡཱམདྱ ཀུཀྐུཊསྱ དྭིཏཱིཡཝཱརརཝཎཱཏ྄ པཱུཪྻྭཾ ཏྭཾ ཝཱརཏྲཡཾ མཱམཔཧྣོཥྱསེ།
31 ཀིནྟུ ས གཱཌྷཾ ཝྱཱཧརད྄ ཡདྱཔི ཏྭཡཱ སཱརྡྡྷཾ མམ པྲཱཎོ ཡཱཏི ཏཐཱཔི ཀཐམཔི ཏྭཱཾ ནཱཔཧྣོཥྱེ; སཪྻྭེ྅པཱིཏརེ ཏཐཻཝ བབྷཱཥིརེ།
32 ཨཔརཉྩ ཏེཥུ གེཏྴིམཱནཱིནཱམཀཾ སྠཱན གཏེཥུ ས ཤིཥྱཱན྄ ཛགཱད, ཡཱཝདཧཾ པྲཱརྠཡེ ཏཱཝདཏྲ སྠཱནེ ཡཱུཡཾ སམུཔཝིཤཏ།
33 ཨཐ ས པིཏརཾ ཡཱཀཱུབཾ ཡོཧནཉྩ གྲྀཧཱིཏྭཱ ཝཝྲཱཛ; ཨཏྱནྟཾ ཏྲཱསིཏོ ཝྱཱཀུལིཏཤྩ ཏེབྷྱཿ ཀཐཡཱམཱས,
34 ནིདྷནཀཱལཝཏ྄ པྲཱཎོ མེ྅ཏཱིཝ དཿཁམེཏི, ཡཱུཡཾ ཛཱགྲཏོཏྲ སྠཱནེ ཏིཥྛཏ།
35 ཏཏཿ ས ཀིཉྩིདྡཱུརཾ གཏྭཱ བྷཱུམཱཝདྷོམུཁཿ པཏིཏྭཱ པྲཱརྠིཏཝཱནེཏཏ྄, ཡདི བྷཝིཏུཾ ཤཀྱཾ ཏརྷི དུཿཁསམཡོཡཾ མཏྟོ དཱུརཱིབྷཝཏུ།
36 ཨཔརམུདིཏཝཱན྄ ཧེ པིཏ རྷེ པིཏཿ སཪྻྭེཾ ཏྭཡཱ སཱདྷྱཾ, ཏཏོ ཧེཏོརིམཾ ཀཾསཾ མཏྟོ དཱུརཱིཀུརུ, ཀིནྟུ ཏན྄ མམེཙྪཱཏོ ན ཏཝེཙྪཱཏོ བྷཝཏུ།
37 ཏཏཿ པརཾ ས ཨེཏྱ ཏཱན྄ ནིདྲིཏཱན྄ ནིརཱིཀྵྱ པིཏརཾ པྲོཝཱཙ, ཤིམོན྄ ཏྭཾ ཀིཾ ནིདྲཱསི? གྷཊིཀཱམེཀཱམ྄ ཨཔི ཛཱགརིཏུཾ ན ཤཀྣོཥི?
38 པརཱིཀྵཱཡཱཾ ཡཐཱ ན པཏཐ ཏདརྠཾ སཙེཏནཱཿ སནྟཿ པྲཱརྠཡདྷྭཾ; མན ཨུདྱུཀྟམིཏི སཏྱཾ ཀིནྟུ ཝཔུརཤཀྟིཀཾ།
39 ཨཐ ས པུནཪྻྲཛིཏྭཱ པཱུཪྻྭཝཏ྄ པྲཱརྠཡཱཉྩཀྲེ།
40 པརཱཝྲྀཏྱཱགཏྱ པུནརཔི ཏཱན྄ ནིདྲིཏཱན྄ དདརྴ ཏདཱ ཏེཥཱཾ ལོཙནཱནི ནིདྲཡཱ པཱུརྞཱནི, ཏསྨཱཏྟསྨཻ ཀཱ ཀཐཱ ཀཐཡིཏཝྱཱ ཏ ཨེཏད྄ བོདྡྷུཾ ན ཤེཀུཿ།
41 ཏཏཿཔརཾ ཏྲྀཏཱིཡཝཱརཾ ཨཱགཏྱ ཏེབྷྱོ ྅ཀཐཡད྄ ཨིདཱནཱིམཔི ཤཡིཏྭཱ ཝིཤྲཱམྱཐ? ཡཐེཥྚཾ ཛཱཏཾ, སམཡཤྩོཔསྠིཏཿ པཤྱཏ མཱནཝཏནཡཿ པཱཔིལོཀཱནཱཾ པཱཎིཥུ སམརྤྱཏེ།
42 ཨུཏྟིཥྛཏ, ཝཡཾ ཝྲཛཱམོ ཡོ ཛནོ མཱཾ པརཔཱཎིཥུ སམརྤཡིཥྱཏེ པཤྱཏ ས སམཱིཔམཱཡཱཏཿ།
43 ཨིམཱཾ ཀཐཱཾ ཀཐཡཏི ས, ཨེཏརྷིདྭཱདཤཱནཱམེཀོ ཡིཧཱུདཱ ནཱམཱ ཤིཥྱཿ པྲདྷཱནཡཱཛཀཱནཱམ྄ ཨུཔཱདྷྱཱཡཱནཱཾ པྲཱཙཱིནལོཀཱནཱཉྩ སནྣིདྷེཿ ཁངྒལགུཌདྷཱརིཎོ བཧུལོཀཱན྄ གྲྀཧཱིཏྭཱ ཏསྱ སམཱིཔ ཨུཔསྠིཏཝཱན྄།
44 ཨཔརཉྩཱསཽ པརཔཱཎིཥུ སམརྤཡིཏཱ པཱུཪྻྭམིཏི སངྐེཏཾ ཀྲྀཏཝཱན྄ ཡམཧཾ ཙུམྦིཥྱཱམི ས ཨེཝཱསཽ ཏམེཝ དྷྲྀཏྭཱ སཱཝདྷཱནཾ ནཡཏ།
45 ཨཏོ ཧེཏོཿ ས ཨཱགཏྱཻཝ ཡོཤོཿ སཝིདྷཾ གཏྭཱ ཧེ གུརོ ཧེ གུརོ, ཨིཏྱུཀྟྭཱ ཏཾ ཙུཙུམྦ།
46 ཏདཱ ཏེ ཏདུཔརི པཱཎཱིནརྤཡིཏྭཱ ཏཾ དདྷྣུཿ།
47 ཏཏསྟསྱ པཱརྴྭསྠཱནཱཾ ལོཀཱནཱམེཀཿ ཁངྒཾ ནིཥྐོཥཡན྄ མཧཱཡཱཛཀསྱ དཱསམེཀཾ པྲཧྲྀཏྱ ཏསྱ ཀརྞཾ ཙིཙྪེད།
48 པཤྩཱད྄ ཡཱིཤུསྟཱན྄ ཝྱཱཛཧཱར ཁངྒཱན྄ ལགུཌཱཾཤྩ གྲྀཧཱིཏྭཱ མཱཾ ཀིཾ ཙཽརཾ དྷརྟྟཱཾ སམཱཡཱཏཱཿ?
49 མདྷྱེམནྡིརཾ སམུཔདིཤན྄ པྲཏྱཧཾ ཡུཥྨཱབྷིཿ སཧ སྠིཏཝཱནཏཧཾ, ཏསྨིན྄ ཀཱལེ ཡཱུཡཾ མཱཾ ནཱདཱིདྷརཏ, ཀིནྟྭནེན ཤཱསྟྲཱིཡཾ ཝཙནཾ སེདྷནཱིཡཾ།
50 ཏདཱ སཪྻྭེ ཤིཥྱཱསྟཾ པརིཏྱཛྱ པལཱཡཱཉྩཀྲིརེ།
51 ཨཐཻཀོ ཡུཝཱ མཱནཝོ ནགྣཀཱཡེ ཝསྟྲམེཀཾ ནིདྷཱཡ ཏསྱ པཤྩཱད྄ ཝྲཛན྄ ཡུཝལོཀཻ རྡྷྲྀཏོ
52 ཝསྟྲཾ ཝིཧཱཡ ནགྣཿ པལཱཡཱཉྩཀྲེ།
53 ཨཔརཉྩ ཡསྨིན྄ སྠཱནེ པྲདྷཱནཡཱཛཀཱ ཨུཔཱདྷྱཱཡཱཿ པྲཱཙཱིནལོཀཱཤྩ མཧཱཡཱཛཀེན སཧ སདསི སྠིཏཱསྟསྨིན྄ སྠཱནེ མཧཱཡཱཛཀསྱ སམཱིཔཾ ཡཱིཤུཾ ནིནྱུཿ།
54 པིཏརོ དཱུརེ ཏཏྤཤྩཱད྄ ཨིཏྭཱ མཧཱཡཱཛཀསྱཱཊྚཱལིཀཱཾ པྲཝིཤྱ ཀིངྐརཻཿ སཧོཔཝིཤྱ ཝཧྣིཏཱཔཾ ཛགྲཱཧ།
55 ཏདཱནཱིཾ པྲདྷཱནཡཱཛཀཱ མནྟྲིཎཤྩ ཡཱིཤུཾ གྷཱཏཡིཏུཾ ཏཏྤྲཱཏིཀཱུལྱེན སཱཀྵིཎོ མྲྀགཡཱཉྩཀྲིརེ, ཀིནྟུ ན པྲཱཔྟཱཿ།
56 ཨནེཀཻསྟདྭིརུདྡྷཾ མྲྀཥཱསཱཀྵྱེ དཏྟེཔི ཏེཥཱཾ ཝཱཀྱཱནི ན སམགཙྪནྟ།
57 སཪྻྭཤེཥེ ཀིཡནྟ ཨུཏྠཱཡ ཏསྱ པྲཱཏིཀཱུལྱེན མྲྀཥཱསཱཀྵྱཾ དཏྟྭཱ ཀཐཡཱམཱསུཿ,
58 ཨིདཾ ཀརཀྲྀཏམནྡིརཾ ཝིནཱཤྱ དིནཏྲཡམདྷྱེ པུནརཔརམ྄ ཨཀརཀྲྀཏཾ མནྡིརཾ ནིརྨྨཱསྱཱམི, ཨིཏི ཝཱཀྱམ྄ ཨསྱ མུཁཱཏ྄ ཤྲུཏམསྨཱབྷིརིཏི།
59 ཀིནྟུ ཏཏྲཱཔི ཏེཥཱཾ སཱཀྵྱཀཐཱ ན སངྒཱཏཱཿ།
60 ཨཐ མཧཱཡཱཛཀོ མདྷྱེསབྷམ྄ ཨུཏྠཱཡ ཡཱིཤུཾ ཝྱཱཛཧཱར, ཨེཏེ ཛནཱསྟྭཡི ཡཏ྄ སཱཀྵྱམདུཿ ཏྭམེཏསྱ ཀིམཔྱུཏྟརཾ ཀིཾ ན དཱསྱསི?
61 ཀིནྟུ ས ཀིམཔྱུཏྟརཾ ན དཏྭཱ མཽནཱིབྷཱུཡ ཏསྱཽ; ཏཏོ མཧཱཡཱཛཀཿ པུནརཔི ཏཾ པྲྀཥྚཱཝཱན྄ ཏྭཾ སཙྩིདཱནནྡསྱ ཏནཡོ ྅བྷིཥིཀྟསྟྲཏཱ?
62 ཏདཱ ཡཱིཤུསྟཾ པྲོཝཱཙ བྷཝཱམྱཧམ྄ ཡཱུཡཉྩ སཪྻྭཤཀྟིམཏོ དཀྵཱིཎཔཱརྴྭེ སམུཔཝིཤནྟཾ མེགྷ མཱརུཧྱ སམཱཡཱནྟཉྩ མནུཥྱཔུཏྲཾ སནྡྲཀྵྱཐ།
63 ཏདཱ མཧཱཡཱཛཀཿ སྭཾ ཝམནཾ ཚིཏྭཱ ཝྱཱཝཧརཏ྄
64 ཀིམསྨཱཀཾ སཱཀྵིབྷིཿ པྲཡོཛནམ྄? ཨཱིཤྭརནིནྡཱཝཱཀྱཾ ཡུཥྨཱབྷིརཤྲཱཝི ཀིཾ ཝིཙཱརཡཐ? ཏདཱནཱིཾ སཪྻྭེ ཛགདུརཡཾ ནིདྷནདཎྜམརྷཏི།
65 ཏཏཿ ཀཤྩིཏ྄ ཀཤྩིཏ྄ ཏདྭཔུཥི ནིཥྛཱིཝཾ ནིཙིཀྵེཔ ཏཐཱ ཏནྨུཁམཱཙྪཱདྱ ཙཔེཊེན ཧཏྭཱ གདིཏཝཱན྄ གཎཡིཏྭཱ ཝད, ཨནུཙརཱཤྩ ཙཔེཊཻསྟམཱཛགྷྣུཿ
66 ཏཏཿ པརཾ པིཏརེ྅ཊྚཱལིཀཱདྷཿཀོཥྛེ ཏིཥྛཏི མཧཱཡཱཛཀསྱཻཀཱ དཱསཱི སམེཏྱ
67 ཏཾ ཝིཧྣིཏཱཔཾ གྲྀཧླནྟཾ ཝིལོཀྱ ཏཾ སུནིརཱིཀྵྱ བབྷཱཥེ ཏྭམཔི ནཱསརཏཱིཡཡཱིཤོཿ སངྒིནཱམ྄ ཨེཀོ ཛན ཨཱསཱིཿ།
68 ཀིནྟུ སོཔཧྣུཏྱ ཛགཱད ཏམཧཾ ན ཝདྨི ཏྭཾ ཡཏ྄ ཀཐཡམི ཏདཔྱཧཾ ན བུདྡྷྱེ། ཏདཱནཱིཾ པིཏརེ ཙཏྭརཾ གཏཝཏི ཀུཀྐུཊོ རུརཱཝ།
69 ཨཐཱནྱཱ དཱསཱི པིཏརཾ དྲྀཥྚྭཱ སམཱིཔསྠཱན྄ ཛནཱན྄ ཛགཱད ཨཡཾ ཏེཥཱམེཀོ ཛནཿ།
70 ཏཏཿ ས དྭིཏཱིཡཝཱརམ྄ ཨཔཧྣུཏཝཱན྄ པཤྩཱཏ྄ ཏཏྲསྠཱ ལོཀཱཿ པིཏརཾ པྲོཙུསྟྭམཝཤྱཾ ཏེཥཱམེཀོ ཛནཿ ཡཏསྟྭཾ གཱལཱིལཱིཡོ ནར ཨིཏི ཏཝོཙྩཱརཎཾ པྲཀཱཤཡཏི།
71 ཏདཱ ས ཤཔཐཱབྷིཤཱཔཽ ཀྲྀཏྭཱ པྲོཝཱཙ ཡཱུཡཾ ཀཐཱཾ ཀཐཡཐ ཏཾ ནརཾ ན ཛཱནེ྅ཧཾ།
72 ཏདཱནཱིཾ དྭིཏཱིཡཝཱརཾ ཀུཀྐུཊོ ྅རཱཝཱིཏ྄། ཀུཀྐུཊསྱ དྭིཏཱིཡརཝཱཏ྄ པཱུཪྻྭཾ ཏྭཾ མཱཾ ཝཱརཏྲཡམ྄ ཨཔཧྣོཥྱསི, ཨིཏི ཡདྭཱཀྱཾ ཡཱིཤུནཱ སམུདིཏཾ ཏཏ྄ ཏདཱ སཾསྨྲྀཏྱ པིཏརོ རོདིཏུམ྄ ཨཱརབྷཏ།
