ཀལསིནཿ 1

1 ཨཱིཤྭརསྱེཙྪཡཱ ཡཱིཤུཁྲཱིཥྚསྱ པྲེརིཏཿ པཽལསྟཱིམཐིཡོ བྷྲཱཏཱ ཙ ཀལསཱིནགརསྠཱན྄ པཝིཏྲཱན྄ ཝིཤྭསྟཱན྄ ཁྲཱིཥྚཱཤྲིཏབྷྲཱཏྲྀན྄ པྲཏི པཏྲཾ ལིཁཏཿ།

2 ཨསྨཱཀཾ ཏཱཏ ཨཱིཤྭརཿ པྲབྷུ ཪྻཱིཤུཁྲཱིཥྚཤྩ ཡུཥྨཱན྄ པྲཏི པྲསཱདཾ ཤཱནྟིཉྩ ཀྲིཡཱསྟཱཾ།

3 ཁྲཱིཥྚེ ཡཱིཤཽ ཡུཥྨཱཀཾ ཝིཤྭཱསསྱ སཪྻྭཱན྄ པཝིཏྲལོཀཱན྄ པྲཏི པྲེམྣཤྩ ཝཱརྟྟཱཾ ཤྲུཏྭཱ

4 ཝཡཾ སདཱ ཡུཥྨདརྠཾ པྲཱརྠནཱཾ ཀུཪྻྭནྟཿ སྭརྒེ ནིཧིཏཱཡཱ ཡུཥྨཱཀཾ བྷཱཝིསམྤདཿ ཀཱརཎཱཏ྄ སྭཀཱིཡཔྲབྷོ ཪྻཱིཤུཁྲཱིཥྚསྱ ཏཱཏམ྄ ཨཱིཤྭརཾ དྷནྱཾ ཝདཱམཿ།

5 ཡཱུཡཾ ཏསྱཱ བྷཱཝིསམྤདོ ཝཱརྟྟཱཾ ཡཡཱ སུསཾཝཱདརཱུཔིཎྱཱ སཏྱཝཱཎྱཱ ཛྙཱཔིཏཱཿ

6 སཱ ཡདྭཏ྄ ཀྲྀསྣཾ ཛགད྄ ཨབྷིགཙྪཏི ཏདྭད྄ ཡུཥྨཱན྄ ཨཔྱབྷྱགམཏ྄, ཡཱུཡཉྩ ཡད྄ དིནམ྄ ཨཱརབྷྱེཤྭརསྱཱནུགྲཧསྱ ཝཱརྟྟཱཾ ཤྲུཏྭཱ སཏྱརཱུཔེཎ ཛྙཱཏཝནྟསྟདཱརབྷྱ ཡུཥྨཱཀཾ མདྷྱེ྅པི ཕལཏི ཝརྡྡྷཏེ ཙ།

7 ཨསྨཱཀཾ པྲིཡཿ སཧདཱསོ ཡུཥྨཱཀཾ ཀྲྀཏེ ཙ ཁྲཱིཥྚསྱ ཝིཤྭསྟཔརིཙཱརཀོ ཡ ཨིཔཕྲཱསྟད྄ ཝཱཀྱཾ

8 ཡུཥྨཱན྄ ཨཱདིཥྚཝཱན྄ ས ཨེཝཱསྨཱན྄ ཨཱཏྨནཱ ཛནིཏཾ ཡུཥྨཱཀཾ པྲེམ ཛྙཱཔིཏཝཱན྄།

9 ཝཡཾ ཡད྄ དིནམ྄ ཨཱརབྷྱ ཏཱཾ ཝཱརྟྟཱཾ ཤྲུཏཝནྟསྟདཱརབྷྱ ནིརནྟརཾ ཡུཥྨཱཀཾ ཀྲྀཏེ པྲཱརྠནཱཾ ཀུརྨྨཿ ཕལཏོ ཡཱུཡཾ ཡཏ྄ པཱུརྞཱབྷྱཱམ྄ ཨཱཏྨིཀཛྙཱནཝུདྡྷིབྷྱཱམ྄ ཨཱིཤྭརསྱཱབྷིཏམཾ སམྤཱུརྞརཱུཔེཎཱཝགཙྪེཏ,

10 པྲབྷོ ཪྻོགྱཾ སཪྻྭཐཱ སནྟོཥཛནཀཉྩཱཙཱརཾ ཀུཪྻྱཱཏཱརྠཏ ཨཱིཤྭརཛྙཱནེ ཝརྡྡྷམཱནཱཿ སཪྻྭསཏྐརྨྨརཱུཔཾ ཕལཾ ཕལེཏ,

11 ཡཐཱ ཙེཤྭརསྱ མཧིམཡུཀྟཡཱ ཤཀྟྱཱ སཱནནྡེན པཱུརྞཱཾ སཧིཥྞུཏཱཾ ཏིཏིཀྵཱཉྩཱཙརིཏུཾ ཤཀྵྱཐ ཏཱདྲྀཤེན པཱུརྞབལེན ཡད྄ བལཝནྟོ བྷཝེཏ,

12 ཡཤྩ པིཏཱ ཏེཛོཝཱསིནཱཾ པཝིཏྲལོཀཱནཱམ྄ ཨདྷིཀཱརསྱཱཾཤིཏྭཱཡཱསྨཱན྄ ཡོགྱཱན྄ ཀྲྀཏཝཱན྄ ཏཾ ཡད྄ དྷནྱཾ ཝདེཏ ཝརམ྄ ཨེནཾ ཡཱཙཱམཧེ།

13 ཡཏཿ སོ྅སྨཱན྄ ཏིམིརསྱ ཀརྟྟྲྀཏྭཱད྄ ཨུདྡྷྲྀཏྱ སྭཀཱིཡསྱ པྲིཡཔུཏྲསྱ རཱཛྱེ སྠཱཔིཏཝཱན྄།

14 ཏསྨཱཏ྄ པུཏྲཱད྄ ཝཡཾ པརིཏྲཱཎམ྄ ཨརྠཏཿ པཱཔམོཙནཾ པྲཱཔྟཝནྟཿ།

15 ས ཙཱདྲྀཤྱསྱེཤྭརསྱ པྲཏིམཱུརྟིཿ ཀྲྀཏྶྣཱཡཱཿ སྲྀཥྚེརཱདིཀརྟྟཱ ཙ།

16 ཡཏཿ སཪྻྭམེཝ ཏེན སསྲྀཛེ སིཾཧཱསནརཱཛཏྭཔརཱཀྲམཱདཱིནི སྭརྒམརྟྟྱསྠིཏཱནི དྲྀཤྱཱདྲྀཤྱཱནི ཝསྟཱུནི སཪྻྭཱཎི ཏེནཻཝ ཏསྨཻ ཙ སསྲྀཛིརེ།

17 ས སཪྻྭེཥཱམ྄ ཨཱདིཿ སཪྻྭེཥཱཾ སྠིཏིཀཱརཀཤྩ།

18 ས ཨེཝ སམིཏིརཱུཔཱཡཱསྟནོ རྨཱུརྡྡྷཱ ཀིཉྩ སཪྻྭཝིཥཡེ ས ཡད྄ ཨགྲིཡོ བྷཝེཏ྄ ཏདརྠཾ ས ཨེཝ མྲྀཏཱནཱཾ མདྷྱཱཏ྄ པྲཐམཏ ཨུཏྠིཏོ྅གྲཤྩ།

19 ཡཏ ཨཱིཤྭརསྱ ཀྲྀཏྶྣཾ པཱུརྞཏྭཾ ཏམེཝཱཝཱསཡིཏུཾ

20 ཀྲུཤེ པཱཏིཏེན ཏསྱ རཀྟེན སནྡྷིཾ ཝིདྷཱཡ ཏེནཻཝ སྭརྒམརྟྟྱསྠིཏཱནི སཪྻྭཱཎི སྭེན སཧ སནྡྷཱཔཡིཏུཉྩེཤྭརེཎཱབྷིལེཥེ།

21 པཱུཪྻྭཾ དཱུརསྠཱ དུཥྐྲིཡཱརཏམནསྐཏྭཱཏ྄ ཏསྱ རིཔཝཤྩཱསྟ ཡེ ཡཱུཡཾ ཏཱན྄ ཡུཥྨཱན྄ ཨཔི ས ཨིདཱནཱིཾ ཏསྱ མཱཾསལཤརཱིརེ མརཎེན སྭེན སཧ སནྡྷཱཔིཏཝཱན྄།

22 ཡཏཿ ས སྭསམྨུཁེ པཝིཏྲཱན྄ ནིཥྐལངྐཱན྄ ཨནིནྡནཱིཡཱཾཤྩ ཡུཥྨཱན྄ སྠཱཔཡིཏུམ྄ ཨིཙྪཏི།

23 ཀིནྟྭེཏདརྠཾ ཡུཥྨཱབྷི རྦདྡྷམཱུལཻཿ སུསྠིརཻཤྩ བྷཝིཏཝྱམ྄, ཨཱཀཱཤམཎྜལསྱཱདྷཿསྠིཏཱནཱཾ སཪྻྭལོཀཱནཱཾ མདྷྱེ ཙ གྷུཥྱམཱཎོ ཡཿ སུསཾཝཱདོ ཡུཥྨཱབྷིརཤྲཱཝི ཏཛྫཱཏཱཡཱཾ པྲཏྱཱཤཱཡཱཾ ཡུཥྨཱབྷིརཙལཻ རྦྷཝིཏཝྱཾ།

24 ཏསྱ སུསཾཝཱདསྱཻཀཿ པརིཙཱརཀོ ཡོ྅ཧཾ པཽལཿ སོ྅ཧམ྄ ཨིདཱནཱིམ྄ ཨཱནནྡེན ཡུཥྨདརྠཾ དུཿཁཱནི སཧེ ཁྲཱིཥྚསྱ ཀླེཤབྷོགསྱ ཡོཾཤོ྅པཱུརྞསྟམེཝ ཏསྱ ཏནོཿ སམིཏེཿ ཀྲྀཏེ སྭཤརཱིརེ པཱུརཡཱམི ཙ།

25 ཡཏ ཨཱིཤྭརསྱ མནྟྲཎཡཱ ཡུཥྨདརྠམ྄ ཨཱིཤྭརཱིཡཝཱཀྱསྱ པྲཙཱརསྱ བྷཱརོ མཡི སམཔིཏསྟསྨཱད྄ ཨཧཾ ཏསྱཱཿ སམིཏེཿ པརིཙཱརཀོ྅བྷཝཾ།

26 ཏཏ྄ ནིགཱུཌྷཾ ཝཱཀྱཾ པཱུཪྻྭཡུགེཥུ པཱུཪྻྭཔུརུཥེབྷྱཿ པྲཙྪནྣམ྄ ཨཱསཱིཏ྄ ཀིནྟྭིདཱནཱིཾ ཏསྱ པཝིཏྲལོཀཱནཱཾ སནྣིདྷཽ ཏེན པྲཱཀཱཤྱཏ། (aiōn g165)

27 ཡཏོ བྷིནྣཛཱཏཱིཡཱནཱཾ མདྷྱེ ཏཏ྄ ནིགཱུཌྷཝཱཀྱཾ ཀཱིདྲྀགྒཽརཝནིདྷིསམྦལིཏཾ ཏཏ྄ པཝིཏྲལོཀཱན྄ ཛྙཱཔཡིཏུམ྄ ཨཱིཤྭརོ྅བྷྱལཥཏ྄། ཡུཥྨནྨདྷྱཝརྟྟཱི ཁྲཱིཥྚ ཨེཝ ས ནིདྷི རྒཻརཝཱཤཱབྷཱུམིཤྩ།

28 ཏསྨཱད྄ ཝཡཾ ཏམེཝ གྷོཥཡནྟོ ཡད྄ ཨེཀཻཀཾ མཱནཝཾ སིདྡྷཱིབྷཱུཏཾ ཁྲཱིཥྚེ སྠཱཔཡེམ ཏདརྠམེཀཻཀཾ མཱནཝཾ པྲབོདྷཡཱམཿ པཱུརྞཛྙཱནེན ཙཻཀཻཀཾ མཱནཝཾ ཨུཔདིཤཱམཿ།

29 ཨེཏདརྠཾ ཏསྱ ཡཱ ཤཀྟིཿ པྲབལརཱུཔེཎ མམ མདྷྱེ པྲཀཱཤཏེ ཏཡཱཧཾ ཡཏམཱནཿ ཤྲཱབྷྱཱམི།