< ༢ ཀརིནྠིནཿ 4 >
1 ཨཔརཉྩ ཝཡཾ ཀརུཎཱབྷཱཛོ བྷཱུཏྭཱ ཡད྄ ཨེཏཏ྄ པརིཙཱརཀཔདམ྄ ཨལབྷཱམཧི ནཱཏྲ ཀླཱམྱཱམཿ,
2 ཀིནྟུ ཏྲཔཱཡུཀྟཱནི པྲཙྪནྣཀརྨྨཱཎི ཝིཧཱཡ ཀུཊིལཏཱཙརཎམཀུཪྻྭནྟ ཨཱིཤྭརཱིཡཝཱཀྱཾ མིཐྱཱཝཱཀྱཻརམིཤྲཡནྟཿ སཏྱདྷརྨྨསྱ པྲཀཱཤནེནེཤྭརསྱ སཱཀྵཱཏ྄ སཪྻྭམཱནཝཱནཱཾ སཾཝེདགོཙརེ སྭཱན྄ པྲཤཾསནཱིཡཱན྄ དརྴཡཱམཿ།
3 ཨསྨཱབྷི རྒྷོཥིཏཿ སུསཾཝཱདོ ཡདི པྲཙྪནྣཿ; སྱཱཏ྄ ཏརྷི ཡེ ཝིནཾཀྵྱནྟི ཏེཥཱམེཝ དྲྀཥྚིཏཿ ས པྲཙྪནྣཿ;
4 ཡཏ ཨཱིཤྭརསྱ པྲཏིམཱུརྟྟི ཪྻཿ ཁྲཱིཥྚསྟསྱ ཏེཛསཿ སུསཾཝཱདསྱ པྲབྷཱ ཡཏ྄ ཏཱན྄ ན དཱིཔཡེཏ྄ ཏདརྠམ྄ ཨིཧ ལོཀསྱ དེཝོ྅ཝིཤྭཱསིནཱཾ ཛྙཱནནཡནམ྄ ཨནྡྷཱིཀྲྀཏཝཱན྄ ཨེཏསྱོདཱཧརཎཾ ཏེ བྷཝནྟི། (aiōn )
5 ཝཡཾ སྭཱན྄ གྷོཥཡཱམ ཨིཏི ནཧི ཀིནྟུ ཁྲཱིཥྚཾ ཡཱིཤུཾ པྲབྷུམེཝཱསྨཱཾཤྩ ཡཱིཤོཿ ཀྲྀཏེ ཡུཥྨཱཀཾ པརིཙཱརཀཱན྄ གྷོཥཡཱམཿ།
6 ཡ ཨཱིཤྭརོ མདྷྱེཏིམིརཾ པྲབྷཱཾ དཱིཔནཱཡཱདིཤཏ྄ ས ཡཱིཤུཁྲཱིཥྚསྱཱསྱ ཨཱིཤྭརཱིཡཏེཛསོ ཛྙཱནཔྲབྷཱཡཱ ཨུདཡཱརྠམ྄ ཨསྨཱཀམ྄ ཨནྟཿཀརཎེཥུ དཱིཔིཏཝཱན྄།
7 ཨཔརཾ ཏད྄ དྷནམ྄ ཨསྨཱབྷི རྨྲྀཎྨཡེཥུ བྷཱཛནེཥུ དྷཱཪྻྱཏེ ཡཏཿ སཱདྦྷུཏཱ ཤཀྟི རྣཱསྨཱཀཾ ཀིནྟྭཱིཤྭརསྱཻཝེཏི ཛྙཱཏཝྱཾ།
8 ཝཡཾ པདེ པདེ པཱིཌྱཱམཧེ ཀིནྟུ ནཱཝསཱིདཱམཿ, ཝཡཾ ཝྱཱཀུལཱཿ སནྟོ྅པི ནིརུཔཱཡཱ ན བྷཝཱམཿ;
9 ཝཡཾ པྲདྲཱཝྱམཱནཱ ཨཔི ན ཀླཱམྱཱམཿ, ནིཔཱཏིཏཱ ཨཔི ན ཝིནཤྱཱམཿ།
10 ཨསྨཱཀཾ ཤརཱིརེ ཁྲཱིཥྚསྱ ཛཱིཝནཾ ཡཏ྄ པྲཀཱཤེཏ ཏདརྠཾ ཏསྨིན྄ ཤརཱིརེ ཡཱིཤོ རྨརཎམཔི དྷཱརཡཱམཿ།
11 ཡཱིཤོ རྫཱིཝནཾ ཡད྄ ཨསྨཱཀཾ མརྟྟྱདེཧེ པྲཀཱཤེཏ ཏདརྠཾ ཛཱིཝནྟོ ཝཡཾ ཡཱིཤོཿ ཀྲྀཏེ ནིཏྱཾ མྲྀཏྱཽ སམརྤྱཱམཧེ།
12 ཨིཏྠཾ ཝཡཾ མྲྀཏྱཱཀྲཱནྟཱ ཡཱུཡཉྩ ཛཱིཝནཱཀྲཱནྟཱཿ།
13 ཝིཤྭཱསཀཱརཎཱདེཝ སམབྷཱཥི མཡཱ ཝཙཿ། ཨིཏི ཡཐཱ ཤཱསྟྲེ ལིཁིཏཾ ཏཐཻཝཱསྨཱབྷིརཔི ཝིཤྭཱསཛནཀམ྄ ཨཱཏྨཱནཾ པྲཱཔྱ ཝིཤྭཱསཿ ཀྲིཡཏེ ཏསྨཱཙྩ ཝཙཱཾསི བྷཱཥྱནྟེ།
14 པྲབྷུ ཪྻཱིཤུ ཪྻེནོཏྠཱཔིཏཿ ས ཡཱིཤུནཱསྨཱནཔྱུཏྠཱཔཡིཥྱཏི ཡུཥྨཱབྷིཿ སཱརྡྡྷཾ སྭསམཱིཔ ཨུཔསྠཱཔཡིཥྱཏི ཙ, ཝཡམ྄ ཨེཏཏ྄ ཛཱནཱིམཿ།
15 ཨཏཨེཝ ཡུཥྨཱཀཾ ཧིཏཱཡ སཪྻྭམེཝ བྷཝཏི ཏསྨཱད྄ བཧཱུནཱཾ པྲཙུརཱནུགྲཧཔྲཱཔྟེ རྦཧུལོཀཱནཱཾ དྷནྱཝཱདེནེཤྭརསྱ མཧིམཱ སམྱཀ྄ པྲཀཱཤིཥྱཏེ།
16 ཏཏོ ཧེཏོ ཪྻཡཾ ན ཀླཱམྱཱམཿ ཀིནྟུ བཱཧྱཔུརུཥོ ཡདྱཔི ཀྵཱིཡཏེ ཏཐཱཔྱཱནྟརིཀཿ པུརུཥོ དིནེ དིནེ ནཱུཏནཱཡཏེ།
17 ཀྵཎམཱཏྲསྠཱཡི ཡདེཏཏ྄ ལགྷིཥྛཾ དུཿཁཾ ཏད྄ ཨཏིབཱཧུལྱེནཱསྨཱཀམ྄ ཨནནྟཀཱལསྠཱཡི གརིཥྛསུཁཾ སཱདྷཡཏི, (aiōnios )
18 ཡཏོ ཝཡཾ པྲཏྱཀྵཱན྄ ཝིཥཡཱན྄ ཨནུདྡིཤྱཱཔྲཏྱཀྵཱན྄ ཨུདྡིཤཱམཿ། ཡཏོ ཧེཏོཿ པྲཏྱཀྵཝིཥཡཱཿ ཀྵཎམཱཏྲསྠཱཡིནཿ ཀིནྟྭཔྲཏྱཀྵཱ ཨནནྟཀཱལསྠཱཡིནཿ། (aiōnios )
