༡ པིཏརཿ 5

1 ཁྲཱིཥྚསྱ ཀླེཤཱནཱཾ སཱཀྵཱི པྲཀཱཤིཥྱམཱཎསྱ པྲཏཱཔསྱཱཾཤཱི པྲཱཙཱིནཤྩཱཧཾ ཡུཥྨཱཀཾ པྲཱཙཱིནཱན྄ ཝིནཱིཡེདཾ ཝདཱམི།

2 ཡུཥྨཱཀཾ མདྷྱཝརྟྟཱི ཡ ཨཱིཤྭརསྱ མེཥཝྲྀནྡོ ཡཱུཡཾ ཏཾ པཱལཡཏ ཏསྱ ཝཱིཀྵཎཾ ཀུརུཏ ཙ, ཨཱཝཤྱཀཏྭེན ནཧི ཀིནྟུ སྭེཙྪཱཏོ ན ཝ ཀུལོབྷེན ཀིནྟྭིཙྪུཀམནསཱ།

3 ཨཔརམ྄ ཨཾཤཱནཱམ྄ ཨདྷིཀཱརིཎ ཨིཝ ན པྲབྷཝཏ ཀིནྟུ ཝྲྀནྡསྱ དྲྀཥྚཱནྟསྭརཱུཔཱ བྷཝཏ།

4 ཏེན པྲདྷཱནཔཱལཀ ཨུཔསྠིཏེ ཡཱུཡམ྄ ཨམླཱནཾ གཽརཝཀིརཱིཊཾ ལཔྶྱདྷྭེ།

5 ཧེ ཡུཝཱནཿ, ཡཱུཡམཔི པྲཱཙཱིནལོཀཱནཱཾ ཝཤྱཱ བྷཝཏ སཪྻྭེ ཙ སཪྻྭེཥཱཾ ཝཤཱིབྷཱུཡ ནམྲཏཱབྷརཎེན བྷཱུཥིཏཱ བྷཝཏ, ཡཏཿ, ཨཱཏྨཱབྷིམཱནིལོཀཱནཱཾ ཝིཔཀྵོ བྷཝཏཱིཤྭརཿ། ཀིནྟུ ཏེནཻཝ ནམྲེབྷྱཿ པྲསཱདཱད྄ དཱིཡཏེ ཝརཿ།

6 ཨཏོ ཡཱུཡམ྄ ཨཱིཤྭརསྱ བལཝཏྐརསྱཱདྷོ ནམྲཱིབྷཱུཡ ཏིཥྛཏ ཏེན ས ཨུཙིཏསམཡེ ཡུཥྨཱན྄ ཨུཙྩཱིཀརིཥྱཏི།

7 ཡཱུཡཾ སཪྻྭཙིནྟཱཾ ཏསྨིན྄ ནིཀྵིཔཏ ཡཏཿ ས ཡུཥྨཱན྄ པྲཏི ཙིནྟཡཏི།

8 ཡཱུཡཾ པྲབུདྡྷཱ ཛཱགྲཏཤྩ ཏིཥྛཏ ཡཏོ ཡུཥྨཱཀཾ པྲཏིཝཱདཱི ཡཿ ཤཡཏཱནཿ ས གརྫྫནཀཱརཱི སིཾཧ ཨིཝ པཪྻྱཊན྄ ཀཾ གྲསིཥྱཱམཱིཏི མྲྀགཡཏེ,

9 ཨཏོ ཝིཤྭཱསེ སུསྠིརཱསྟིཥྛནྟསྟེན སཱརྡྡྷཾ ཡུདྷྱཏ, ཡུཥྨཱཀཾ ཛགནྣིཝཱསིབྷྲཱཏྲྀཥྭཔི ཏཱདྲྀཤཱཿ ཀླེཤཱ ཝརྟྟནྟ ཨིཏི ཛཱནཱིཏ།

10 ཀྵཎིཀདུཿཁབྷོགཱཏ྄ པརམ྄ ཨསྨབྷྱཾ ཁྲཱིཥྚེན ཡཱིཤུནཱ སྭཀཱིཡཱནནྟགཽརཝདཱནཱརྠཾ ཡོ྅སྨཱན྄ ཨཱཧཱུཏཝཱན྄ ས སཪྻྭཱནུགྲཱཧཱིཤྭརཿ སྭཡཾ ཡུཥྨཱན྄ སིདྡྷཱན྄ སྠིརཱན྄ སབལཱན྄ ནིཤྩལཱཾཤྩ ཀརོཏུ། (aiōnios g166)

11 ཏསྱ གཽརཝཾ པརཱཀྲམཤྩཱནནྟཀཱལཾ ཡཱཝད྄ བྷཱུཡཱཏ྄། ཨཱམེན྄། (aiōn g165)

12 ཡཿ སིལྭཱནོ (མནྱེ) ཡུཥྨཱཀཾ ཝིཤྭཱསྱོ བྷྲཱཏཱ བྷཝཏི ཏདྭཱརཱཧཾ སཾཀྵེཔེཎ ལིཁིཏྭཱ ཡུཥྨཱན྄ ཝིནཱིཏཝཱན྄ ཡཱུཡཉྩ ཡསྨིན྄ ཨདྷིཏིཥྛཐ ས ཨེཝེཤྭརསྱ སཏྱོ ྅ནུགྲཧ ཨིཏི པྲམཱཎཾ དཏྟཝཱན྄།

13 ཡུཥྨཱབྷིཿ སཧཱབྷིརུཙིཏཱ ཡཱ སམིཏི རྦཱབིལི ཝིདྱཏེ སཱ མམ པུཏྲོ མཱརྐཤྩ ཡུཥྨཱན྄ ནམསྐཱརཾ ཝེདཡཏི།

14 ཡཱུཡཾ པྲེམཙུམྦནེན པརསྤརཾ ནམསྐུརུཏ། ཡཱིཤུཁྲཱིཥྚཱཤྲིཏཱནཱཾ ཡུཥྨཱཀཾ སཪྻྭེཥཱཾ ཤཱནྟི རྦྷཱུཡཱཏ྄། ཨཱམེན྄།