< యాకూబః 5 >
1 హే ధనవన్తః, యూయమ్ ఇదానీం శృణుత యుష్మాభిరాగమిష్యత్క్లేశహేతోః క్రన్ద్యతాం విలప్యతాఞ్చ|
2 యుష్మాకం ద్రవిణం జీర్ణం కీటభుక్తాః సుచేలకాః|
3 కనకం రజతఞ్చాపి వికృతిం ప్రగమిష్యతి, తత్కలఙ్కశ్చ యుష్మాకం పాపం ప్రమాణయిష్యతి, హుతాశవచ్చ యుష్మాకం పిశితం ఖాదయిష్యతి| ఇత్థమ్ అన్తిమఘస్రేషు యుష్మాభిః సఞ్చితం ధనం|
4 పశ్యత యైః కృషీవలై ర్యుష్మాకం శస్యాని ఛిన్నాని తేభ్యో యుష్మాభి ర్యద్ వేతనం ఛిన్నం తద్ ఉచ్చై ర్ధ్వనిం కరోతి తేషాం శస్యచ్ఛేదకానామ్ ఆర్త్తరావః సేనాపతేః పరమేశ్వరస్య కర్ణకుహరం ప్రవిష్టః|
5 యూయం పృథివ్యాం సుఖభోగం కాముకతాఞ్చారితవన్తః, మహాభోజస్య దిన ఇవ నిజాన్తఃకరణాని పరితర్పితవన్తశ్చ|
6 అపరఞ్చ యుష్మాభి ర్ధార్మ్మికస్య దణ్డాజ్ఞా హత్యా చాకారి తథాపి స యుష్మాన్ న ప్రతిరుద్ధవాన్|
7 హే భ్రాతరః, యూయం ప్రభోరాగమనం యావద్ ధైర్య్యమాలమ్బధ్వం| పశ్యత కృషివలో భూమే ర్బహుమూల్యం ఫలం ప్రతీక్షమాణో యావత్ ప్రథమమ్ అన్తిమఞ్చ వృష్టిజలం న ప్రాప్నోతి తావద్ ధైర్య్యమ్ ఆలమ్బతే|
8 యూయమపి ధైర్య్యమాలమ్బ్య స్వాన్తఃకరణాని స్థిరీకురుత, యతః ప్రభోరుపస్థితిః సమీపవర్త్తిన్యభవత్|
9 హే భ్రాతరః, యూయం యద్ దణ్డ్యా న భవేత తదర్థం పరస్పరం న గ్లాయత, పశ్యత విచారయితా ద్వారసమీపే తిష్ఠతి|
10 హే మమ భ్రాతరః, యే భవిష్యద్వాదినః ప్రభో ర్నామ్నా భాషితవన్తస్తాన్ యూయం దుఃఖసహనస్య ధైర్య్యస్య చ దృష్టాన్తాన్ జానీత|
11 పశ్యత ధైర్య్యశీలా అస్మాభి ర్ధన్యా ఉచ్యన్తే| ఆయూబో ధైర్య్యం యుష్మాభిరశ్రావి ప్రభోః పరిణామశ్చాదర్శి యతః ప్రభు ర్బహుకృపః సకరుణశ్చాస్తి|
12 హే భ్రాతరః విశేషత ఇదం వదామి స్వర్గస్య వా పృథివ్యా వాన్యవస్తునో నామ గృహీత్వా యుష్మాభిః కోఽపి శపథో న క్రియతాం, కిన్తు యథా దణ్డ్యా న భవత తదర్థం యుష్మాకం తథైవ తన్నహి చేతివాక్యం యథేష్టం భవతు|
13 యుష్మాకం కశ్చిద్ దుఃఖీ భవతి? స ప్రార్థనాం కరోతు| కశ్చిద్ వానన్దితో భవతి? స గీతం గాయతు|
14 యుష్మాకం కశ్చిత్ పీడితో ఽస్తి? స సమితేః ప్రాచీనాన్ ఆహ్వాతు తే చ పభో ర్నామ్నా తం తైలేనాభిషిచ్య తస్య కృతే ప్రార్థనాం కుర్వ్వన్తు|
15 తస్మాద్ విశ్వాసజాతప్రార్థనయా స రోగీ రక్షాం యాస్యతి ప్రభుశ్చ తమ్ ఉత్థాపయిష్యతి యది చ కృతపాపో భవేత్ తర్హి స తం క్షమిష్యతే|
16 యూయం పరస్పరమ్ అపరాధాన్ అఙ్గీకురుధ్వమ్ ఆరోగ్యప్రాప్త్యర్థఞ్చైకజనో ఽన్యస్య కృతే ప్రార్థనాం కరోతు ధార్మ్మికస్య సయత్నా ప్రార్థనా బహుశక్తివిశిష్టా భవతి|
17 య ఏలియో వయమివ సుఖదుఃఖభోగీ మర్త్త్య ఆసీత్ స ప్రార్థనయానావృష్టిం యాచితవాన్ తేన దేశే సార్ద్ధవత్సరత్రయం యావద్ వృష్టి ర్న బభూవ|
18 పశ్చాత్ తేన పునః ప్రార్థనాయాం కృతాయామ్ ఆకాశస్తోయాన్యవర్షీత్ పృథివీ చ స్వఫలాని ప్రారోహయత్|
19 హే భ్రాతరః, యుష్మాకం కస్మింశ్చిత్ సత్యమతాద్ భ్రష్టే యది కశ్చిత్ తం పరావర్త్తయతి
20 తర్హి యో జనః పాపినం విపథభ్రమణాత్ పరావర్త్తయతి స తస్యాత్మానం మృత్యుత ఉద్ధరిష్యతి బహుపాపాన్యావరిష్యతి చేతి జానాతు|
